TARA JAHPRANG 32:3 - Jinghpaw Common Language Bible 2009

³ Ngai gaw dai Madu a mying ningsang hpe shakawn na nngai; shi a amyu masha ni gaw shi a galu kaba ai amu hpe tsun dan na mara ai.

Jinghpaw Hanson Version Bible

³ Yehowa a mying ningsang hpe ngai hpaw dan ni ai; Anhte a Karai Kasang hpe shagrau mu.

TARA JAHPRANG 32:3 ပူးပေါင်းရင်းမြစ်များ

1 HKAWHKAM LABAU 17:19

Nye a matu ndai amu galaw nna mung, du na ra ai aten na nye a amu kaba hpe madun dan na matu mung, dai gaw na a myit ra ai hte yaw shada ai amu rai nga ai.

1 HKAWHKAM LABAU 29:10

Hkawhkam Dawi gaw shawa hpawng ting a man e dai Madu hpe shakawn kungdawn wu ai. Shi gaw, “Dai Madu anhte a kaji kawa Yaku a Karai Kasang e, nang gaw htani htana prat dingsa shakawn kungdawn hkrum ging nga ndai!

1 HKAWHKAM LABAU 29:11

Nang gaw galu kaba nna daru magam n-gun hte hpung shingkang mung, hkik hkam ai hte arawng aya kaba hkam la ai wa rai nga ndai. Sumsing lamu hte ginding aga ntsa na nga manga hte gaw na a rai nga ai; nang gaw hkawhkam wa rai nna yawng mayawng a ntsa na tsaw dik htum ai up hkang ai wa rai nga ndai.

1 HKAWHKAM LABAU 29:13

Ya chyawm gaw anhte a Karai Kasang e, anhte nang hpe chyeju dum ga ai, na a hpung shingkang mying ningsang hpe anhte shakawn kungdawn nga ga ai law.

SHAKAWN KUNGDAWN 150:2

Shi galaw dan sai mauhpa magam bungli a matu shi hpe shakawn mu. Shadawn n dang lu ai shi a galu kaba galu kaba ai amu hpe, shakawn kungdawn mu.

PRU MAT 20:24

Nye a matu chyawm gaw hkungri langai galaw nhtawm, de a ntsa e na a sagu dumsu ni hpe mahku hkungga ngu nna hkum dingnawng nat nawng ai shagu hkungga hpe nawng ya e. Ngai hpe nawku lu na matu mung, shara shagu hkan na a matu shara ni hpe ngai san da ya na de ai. Ngai nang kaw sa nna shaman ya na de ai.

PRU MAT 33:19

Dai Madu gaw, “Nang hte na a man e nye a hkik hkam ai hpung shingkang nhtoi yawng hpe ngai shalai dat nna, nye a chyoi pra ai amying hpe ngai shapraw na we ai. Ngai gaw dai Madu rai nga nngai rai nna ngai lata la ai ni hpe matsan dum ai wa hpe matsan dum ai myit ngai madun dan na nngai.

PRU MAT 6:3

Ngai gaw Abraham, Isak hte Yaku ni kaw Chyahtum Chyalai N-gun Rawng Ai Karai Kasang hku dan pru ni ai; rai ti mung Ngai hkum nan shanhte hpe nye a chyoi pra ai mying ningsang dai Madu rai nga ai hpe n chye shangun mawe ai.

YEREMIA 10:6

Madu e, nang hte bung ai wa langai mi mung n nga nga ai; nang gaw chyalai n-gun rawng ai wa rai nga ndai, na a amying nsang gaw galu kaba ai hte daru magam n-gun rawng nga ai.

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

YAWHAN 17:26

Nang ngai hpe tsaw ra ai tsaw ra n-gaw nwai myit gaw, shanhte hta e mung rawng nga nna ngai mung shanhte hta anga nga na matu, na a lam shanhte hpe shachye shachyang mase ai, matut nna mung shachye shachyang na mawe ai,” nga ai.

YAWHAN 17:6

Ndai mungkan ga na nang ngai hpe ap ya da ai masha ni hpe ngai chye na shangun sai. Nang shanhte hpe madu da nga ndai rai nna shanhte hpe ngai e jaw nit dai, shing rai shanhte mung na mungga hpe madat mara hkan shatup masai.

EHPESU 1:19

Madu hpe kam sham ai ni hta amu galaw nga ai shi a atsam gaw kade wa galu kaba nga ai hpe mung, nanhte mu chye lu na matu, nanhte a kraw lawang nyan hpaji myit hpaw wa malit ga, ngai hpyi nngai.

TARA JAHPRANG 3:24

nang galaw nga ai galu kaba ai hte mauhpa amu ni, ngai hpe chyu sha nang madun hpang nit dai hpe gaw ngai chye nngai. Nang galaw shapraw dan sai daru magam n-gun hte hpring ai amu ni hpe galaw lu ai karai gaw sumsing lamu e mung, ginding aga ntsa e mung kadai n nga nga sai!

TARA JAHPRANG 5:24

‘Wan kata kaw nna shi tsun ai ga hpe anhte na ga yang, dai Madu anhte a Karai Kasang gaw shi a galu kaba ai daru magam n-gun hte hpring ai hpung shingkang madun dan mi hka! Karai Kasang shi nan masha hte ga shaga kau wu tim, masha gaw naw hkrung lu nga ai hpe dai ni, anhte mu lu saga ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!