TARA JAHPRANG 32:22 - Jinghpaw Common Language Bible 2009

²² Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.

Jinghpaw Hanson Version Bible

²² Nye a pawt bu ai hte wan nat dat nna, Sung htum ai katsan ga du hkra hkru wa ra ai: Ga hte de a nsi naisi hpe shakrawp kau nna, Bum ni a npawt pyi hkru mat nga ai.

TARA JAHPRANG 32:22 ပူးပေါင်းရင်းမြစ်များ

SHAKAWN KUNGDAWN 144:5

Madu e, lamu hpe gang je hpaw nna yu hkrat wa rit; bum ni hpe ahtawk hkra ai hte dai ni wan hkut shapraw ya na ra ai.

SHAKAWN KUNGDAWN 21:9

Shi dan pru wa ai shaloi, kang kahtet ai wan gaw arai ni hpe hkru kau ai zawn, shi gaw shanhte hpe shamyit kau na ra ai. Madu gaw shi a masin kahtet ai hte shanhte hpe mayu kau nna; wan mung shanhte hpe hkru kau na ra ai.

SHAKAWN KUNGDAWN 46:2

Dai re ai majaw, ginding aga gaw ashun awam nga nna, bum ni sung ai hka nawng kaba hta di hkrat bang nhtawm;

SHAKAWN KUNGDAWN 83:14

Maling dinggram hpe wan hte hkru kau nga ai, bum ni hpe jahkat kau ai sharaw wan shinglet numli ni zawn:

SHAKAWN KUNGDAWN 86:13

Na a dinggrin tsaw ra myit gaw nye a matu kade wa kabu gara nga a hka! Nang gaw ngai hpe lup sung hku kaw nna nan hkye hkrang la nit dai.

SHAKAWN KUNGDAWN 97:3

Shi a shawng e, wan sa wa nna shi hpe wang shinggrup da ai gumlau hpyen ni hpe hkru kau nga ai.

ESAIA 24:6

Dai rai nna, Karai Kasang gaw ginding aga hpe dagam ga tsun nu ai. Dai hta shanu nga ai amyu masha ni gaw shanhte galaw kau sai amu a matu shabrai jaw ya nga ma ai. Naw hkrung ngam nga ai ni gaw n law hta n law mat wa na mara ai.

ESAIA 30:33

Moi chyaloi nhkoi kaw nna Asuri hkawseng hpe nat na matu wan htung kaba shara mi hkyen da nga ai. Dai gaw sung ai hte dam lada rai nna hpun ni hte sumpum shatsaw da nga ai. Dai Madu gaw dai shara hta wan shachyi na matu wan shinglet gawut bang dat na ra ai.

ESAIA 54:10

Bum ni hte kawng ni ayai mat mai nga ai, rai ti mung na a matu nye a tsaw ra myit gaw galoi mung htum mat na ra ai n rai; ngai gaw nye a ngwi pyaw sim sa lam a ga sadi hpe htani htana shatup nga na nngai.” Dai rai nna, nang hpe tsaw ra ai dai Madu gaw shing nga tsun ai.

YEREMIA 15:14

Nye a myit kahtet ai gaw wan zawn rai nna dai gaw htani htana agrung nga na ra ai majaw, shanhte hpa mung n chye ai mungdan hta shanhte a gumlau hpyen ni a man e daw jau shangun na we ai,” ngu nna tsun ni ai.

YEREMIA 17:4

Ngai nang hpe jaw da ai mungdan hpe nang sum kau nna nang n chye ai mungdan hta na a gumlau hpyen ni hpe nang daw jau na rai ndai, hpa majaw nga yang nye a masin kahtet ai gaw wan zawn rai nna, dai gaw htani htana hkru nga na ra ai.

YEREMIA 4:4

Dai Madu ngai hte tawn da ai na a ga shaka hpe shagrin da u; Yuda hte Yerusalem amyu masha ni e, na a hkum hpe ngai hta ap nawng tawn u. Dai hku nang n galaw ai rai yang, nang galaw kau sai n hkru ai amu ni a majaw nye a pawt sindawng ai gaw wan zawn hkru na ra ai. Dai gaw hkru nna dai hpe kadai mung krip lu na ra ai n rai,” ngu nna tsun wu ai.

SHARUNG SHAYAWT 2:2

Dai Madu gaw Yuda mung hta nga ai mare shagu hpe matsan n dum ai sha jahten sharun kau nu ai, Mungdan hpe makawp maga ai hpyen dap ni hpe mung ashep ashin di kau nu ai. Shi gaw mungdan hte de a mungdu ni hpe jahpoi jahpyak lam shapraw nu ai.

SHARUNG SHAYAWT 2:3

Shi masin kahtet ai majaw, Israela a n-gun makru hpe agrawp daw kau nu ai; Shi gaw gumlau hpyen wa du sa wa ai shaloi anhte hpe karum la na matu ningdang kau nu ai. Shi gaw wan zawn anhte hpe n-yun bu ai hte arai yawng mayawng hpe shaza kau nu ai.

SHARUNG SHAYAWT 2:4

Shi gaw gumlau hpyen wa zawn anhte hpe shi a ndan pala ni hte shading da nga ai; Shi gaw anhte a kabu gara lam hte awng sharawng lam lu la ai masha ni yawng hpe sat kau nu ai. Wan zawn hkru nga ai shi a masin kahtet ai hpe ndai Yerusalem kata hta anhte hkam sha saga ai.

SHARUNG SHAYAWT 4:11

Dai Madu gaw shi a sindawng kahtet ai n-gun tup hpe ru dat nu ai; shi gaw Ziun hpe ga du hkra hkru kau ai wan shachyi nu ai.

EZEKELA 19:12

Rai ti mung, pawt sindawng ai lata gaw dai hpe ru hte hpawn baw kau nna ga de kabai kau nga ai. Sinpraw nbung gaw de a asi ni hpe jahkraw kau nu ai. De a lakung lakying ni agrawp daw mat nna; dai ni hkun hkraw mat ai hte hkru mat hkrum nga ai.

EZEKELA 22:21

Rai sa, ngai gaw shanhte hpe Yerusalem hta shinggyin da nna shanhte a npu e wan shagrung nhtawm nye a masin kahtet ai hte shanhte hpe shabyawng na we ai.

EZEKELA 36:5

“Grup yin masha amyu baw ni, grau nna Edom amyu masha ni hpe hkap daw na, Tsaw Htum ai dai Madu ngai nan nye a sindawng kahtet ai myit hte tsun shapraw dat ni ai. Shanhte gaw nye a mungdan hpe kabu gara ai myit hte mung, pagawn mi n gawn n sawn re ai myit hte mung ka-up la nna dai mung na udat shara ni hpe madu la nga ma ai.

EZEKELA 38:19

Nye a sindawng kahtet ai shani e, Israela mungdan hta laja lana re ai nnang nawn kaba nawn wa na ra ai, ngu nna ngai tsun nga nngai.

JAW JAU 26:20

Nanhte galaw shaja ai bungli yawng gaw kaman lila rai na ra ai, hpa majaw nga yang nanhte a lamu ga gaw nsi naisi n shakat ya ai hte hpun ni hta asi si jaw na ra ai n rai.

AMO LAIKA (AMOS) 5:6

Dai Madu kaw sa mu, nanhte hkrung nga lu na rai myit dai. Nanhte n sa ai rai yang, Israela amyu masha ni a ntsa e wan hkrat bun ai zawn ye magawn mat wa na ra ai. Wan gaw Behtela masha ni hpe hkru kau nna kadai mung dai hpe sat kau lu na ra ai n rai.

AMO LAIKA (AMOS) 7:4

Ngai gaw kaga shingran langai mung Tsaw Htum ai Madu kaw na lu la nngai. Dai shingran hta shi a amyu masha ni hpe wan hte ari jaw hkyen nga ai hpe mu nngai. Dai wan gaw mungkan ga a npu tsang hta nga ai nammukdara hka kaba hpe hkru kau nna mungkan ga a lamu ga hpe mung hkru magang shangun nga sai.

MIHKA 1:4

Dai hpang, Bum ni gaw shi a npu hta wan kata na gitbaw zawn byawng mat na ra ai; kawng de na ru yu wa ai mawru hka zawn shanhte gaw kadit layang de ru hkrat mat wa na mara ai.

HABAKU 3:10

Bum ni nang hpe mu ai shaloi, dai ni hkrit gari ma ai; lamu ni kaw na hka ru hkrat nga ai. Ginding aga a npu na hka ni wu kadu nga ai hte dai ni a hka leng ni rawt lung wa nga ai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

ZEHPANI 3:8

Dai Madu gaw, “Sha ala nga mu,” ngu nna tsun wu ai. Masha amyu baw ni hpe mara jaw na matu ngai rawt sa wa ai nhtoi du hkra ngai hpe ala nga mu; Masha amyu baw ni hte hkawhkam mungdan ni nye a masin kahtet ai hpe shanhte hkam sha lu na matu shanhte hpe zup hpawng shangun na nga, ngai shatawng shada da nngai. Nye a sindawng kahtet ai masin a majaw ginding aga ting jahten kau hkrum na ra ai.

BU HKAWM 16:33

Dai rai nna shanhte mung shanhte a arung arai ni hte nawng Katsan ga de chyahkrung yu mat wa ma ai. Lamu ga mung shanhte a ntsa e bai chyip mat nna kaput kau ai hkrum ma ai.

BU HKAWM 16:35

Dai hpang dai Madu gaw wan shachyi dat nna manam pyaw ai baw hpe nawng jau ai masha 250 hte hpe hkru kau nga ai.

MAHTE 10:28

Nanhte a hkum hkrang hpe sha sat kau nna Wenyi hpe n sat kau lu ai ni hpe hkum hkrit mu: Wenyi hte hpawn hkum hkrang hpe ngarai mung hta e jahten kau lu ai wa hpe grau nna hkrit nga mu.

MAHTE 18:9

Na a myi nang hpe makam masham myit kataw shangun n yang gaw, dai hpe malawk kabai kau u! Myi lahkawng maga hkum ai hte, ngarai mung na wan hta jahkrat kau na hta, myi maga mi sha hte asak hkrung ai de shang na gaw grau mai nga ai.

MAHTE 23:33

Lapu ni e, puhtum amyu kashu kasha ni e, ngarai mung a ari hta na, nanhte kaning rai lawt lu na myit ta?

TARA JAHPRANG 29:20

Dai Madu gaw dai zawn re ai wa hpe mara dat ya na wu ai n rai; shing rai na malai, dai Madu a hkru nga ai pawt sindawng ai gaw shi a ntsa e grung nga nhtawm dai Madu shi hpe tsep kawp shamyit kau ai aten du hkra, ndai laika hta ka matsing da ai tsin-yam tsindam yawng mayawng shi a ntsa e ru bun na wu ai.

HEBRE 12:29

Hpa majaw nga yang, anhte a Karai Kasang gaw hkru jahten kau chye ai wan nan rai nga ai.