TARA JAHPRANG 32:20 - Jinghpaw Common Language Bible 2009

²⁰ Shi gaw, ‘Ngai shanhte hpe kachyi mi pyi karum la na nngai n rai,’ ngu nna tsun wu ai; ngai gaw ndai du ja let sadi n dung ai amyu masha ni hta hpa byin wa na lam yu yu na we ai.

Jinghpaw Hanson Version Bible

²⁰ Shi tsun ai gaw, “Shanhte myit magaw ai amyu, Kangka n re ai kashu kasha ni rai ma ai;” Dai majaw, nye a myi man ngai makoi kau nna, Shanhte a lam jahtum hpe ngai yu yu na we ai.

TARA JAHPRANG 32:20 ပူးပေါင်းရင်းမြစ်များ

2 HKAWHKAM 17:18

Dai Madu gaw Israela amyu masha ni hpe pawt sindawng nga ai rai nna Yuda mungdan hpe chyu sha ngam da nhtawm shi a man kaw nna shanhte hpe gawt shapraw kau wu ai.

2 HKAWHKAM 17:20

Dai Madu gaw Israela amyu masha ni yawng hpe ningdang kau wu ai rai nna hpang jahtum shi a man kaw nna shanhte hpe gawt shapraw kau ai aten du hkra shanhte hpe ari jaw nna mazut ai gumlau hpyen ni a lata de shanhte hpe ap kau nga wu ai.

2 HKAWHKAM 17:23

Israela masha ni gaw Yeroboam a hpang hkan nna, shi shut kau nu ai yubak yawng hta matut nna hkan galaw nga ma ai. Dai rai nna Israela amyu masha ni Asuri mung de bawng rim mat wa ai hkrum nna dai ni du hkra nga nga ma ai.

2 HKAWHKAM LABAU 20:20

Hpang jahpawt manap jau jau aten e, amyu masha ni dai Tekoa mare makau na nam mali de pru sa mat wa ma ai. Shanhte shamu hpang wa ma yang Yehoshahpat gaw ning ngu nna shanhte hpe tsun matsun wu ai: “Yuda mung hte Yerusalem mare na amyu masha ni e, dai Madu nanhte a Karai Kasang hpe kam hpa nga mu; shaloi nanhte ngang grin wa lu na marin dai. Nanhte hpe tsun ai myihtoi ni a ga hpe kam mu, shaloi nanhte awng dang na marin dai.”

YOBA 13:24

Nang gaw ngai hpe hpa majaw koi yen nga n ta? Nang gaw ngai hpe gumlau hpyen langai zawn hpa majaw di n ta?

YOBA 34:29

Karai Kasang gaw hpa mung n galaw na hku daw dan ai rai yang, kadai mung shi hpe sharu lu ai n rai. Shi a myi man makoi kau ai rai yang, masha gaw karum la lam kata rai na wu ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

ESAIA 7:9

Israela gaw Samari mung hte de a mare daju hta grau nna n-gun n rawng nga ai, Samari mung gaw Hkawhkam Peka hta grau nna n-gun n rawng nga ai. “Na a kam sham myit n ngang ai rai yang, nang grin nga lu na n rai.”

YEREMIA 18:17

Ngai gaw shanhte hpe sinpraw nbung e shapoi kau ai ga nhpu zawn, nye a amyu masha ni hpe shanhte a gumlau hpyen ni a man e shabra kau na we ai. Ngai gaw shanhte hpe shingdu kayin kau na nngai; tsin-yam tsindam du ai shaloi, ngai shanhte hpe karum na nngai n rai,” ngu nna tsun ai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

HOSEA 9:12

Shanhte gaw ma ni hpe bau maka dat ai rai tim, shanhte hpe ngai woi la nna, langai mi hpe mung jahkrung tawn da na we ai n rai. Ndai amyu masha ni hpe ngai kau da ai shaloi, hkrit hpa amu shanhte hta byin hkrum hkra wa na mara ai,” ngu nna tsun we ai.

MAHTE 17:17

Yesu htan nna, “Nanhte gaw makam masham n rawng ai hte nhtan shai ai amyu she rai nga myit hka! Nanhte hte rau ngai galoi du hkra nga lu na rai ta? Galoi du hkra, ngai nanhte hpe sharang nga lu na rai ta? Dai la kasha ma hpe ngai hpang de woi sa wa marit,” ngu wu ai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

LUKA 18:8

Nanhte hpe ngai tsun made ga, shanhte hpang maga alawan tara dara ya na mu ai. Rai ti mung Masha Kasha du sa ai nhtoi hta, ndai mungkan ntsa e makam masham nga nga ai hpe mu lu na a kun?,” ngu mu ai.

TARA JAHPRANG 31:29

Ngai si mat ai hpang, amyu masha ni n hkru n shawp wa nhtawm ngai shanhte hpe sharin ya sai lam ni hpe shanhte ningdang kau na ma ai. Dai Madu hkum pat da ai amu galaw let shanhte shi hpe masin pawt shangun nga ma ai majaw htawm hpang prat e ru yak tsin-yam tsindam hte hkrum kadup na rai ma ai,” ngu nna tsun dan wu ai.

TARA JAHPRANG 32:5

Rai ti mung nanhte mahtang sadi n dung, shi a amyu masha tai na n ging nga myit dai; yubak kap nna masu hkalem ai amyu rai nga myit dai.

TARA JAHPRANG 9:23

Shi gaw Kadesha Barnea kaw nna nanhte hpe shangun dat nhtawm shi nanhte hpe jaw ai mungdan hpe madu la na matu lung wa na, hkang dat myit dai shaloi, nanhte shi hpe gumlau myit dai; shi hpe mung n kam n sham ai hte shi a ga hpe mung n madat kau myit dai.

2 HTESALONI 3:2

Karai Kasang gaw anhte hpe n hkru n shawp n kaja ai masha ni a lata na mawai la u ga, akyu hpyi nga mu; hpa majaw nga yang, dai Kabu Gara Shiga hpe masha shagu wa kam sham ma ai n rai.

HEBRE 11:6

Makam masham n rawng yang kadai mung Karai Kasang hpe sharawng awng shangun lu ai n rai, hpa majaw nga yang, Karai Kasang kaw sit shang ai wa kadai mung, Karai Kasang nga nga ai hte shi hpe hkan tam ai ni hpe chyeju htang jaw nga ai, ngu ai hpe kam sham ai wa rai lu na rai nga ai.

YAWSHU 23:10

Dai Madu nanhte a Karai Kasang gaw shi a ga sadi hte maren, nanhte a matu majan gasat ya nga ai majaw nanhte hta na marai langai mi masha hkying mi hpe jahtaw kau lu nga myit dai.