TARA JAHPRANG 32:2 - Jinghpaw Common Language Bible 2009

² Nye a sharin shaga ai ga gaw marang si ni zawn htu hkrat nna, ginding aga ntsa e numri zawn rai nga na ra ai. Nye a ga mung hpun bawng ni a ntsa e marang mahpawng zawn, tsit lali ai tsingdu ni a ntsa e marang shaya zawn htu bun na ra ai.

Jinghpaw Hanson Version Bible

² Tsit lali ai tsingdu hta htu bun ai marang hte, Namlap hta htu hkrat ai marang ninghte zawn, Ngai sharin ai ga htu kahte nna, Nye a ga gaw mari zawn hkrat na ra ai.

TARA JAHPRANG 32:2 ပူးပေါင်းရင်းမြစ်များ

2 SAMUELA 23:4

sumwi n dung ai jahpawt manap na htoi tu ai jan hte marang hpawng ai hpang tsit lali ai tsingdu hpe kabrim ala shangun ai jan hte bung nga ai.

SHAKAWN KUNGDAWN 65:10

shawt htai da ai sun ni hta marang hpe nhpaw n-ya nang jahtu ya nna; dai ni hpe hka hte madit ya nga ndai; ga namhpun hpe marang shaya nna, shakya ya nga ai, dai hta hkai nmai ni hpe nang tu kaba shangun nga ndai.

SHAKAWN KUNGDAWN 72:6

Prang ni a ntsa e, marang htu ai hte lamu ga ntsa e, marang shaya hkrat nga ai zawn, hkawhkam wa mung dai zawn rai nga u ga.

GA SHAGAWP 4:2

Nanhte hpe ngai sharin achyin ya ai lam gaw mai kaja nga ai majaw, dai lam yawng hte hpe adum nga mu.

HOSEA 14:5

Ngai gaw hkun hkraw ai shara hta marang htu ai zawn ngai gaw Israela amyu masha ni a matu tai na nngai. Shanhte gaw nampan ni zawn pu wa nna; Lebanon a hpun ni zawn ngang ngang ru jung na ra ai.

HOSEA 6:4

Rai ti mung dai Madu gaw, “Israela hte Yuda e, ngai nanhte hte hpa galaw na rai nga a ta? Nye a matu nga nna nan madun ai tsaw ra myit gaw alawan hkoi mat ai jahpawt manap na sai wan hte mung, shani jau jau tsai mat wa ai numri hte mung bung nga ai.

AMO LAIKA (AMOS) 7:16

Dai rai nna, ya chyawm gaw dai Madu tsun ai ga hpe madat u. Nang gaw ngai hpe myihtoi n htoi na matu mung, Israela amyu masha ni hpe ninghkap tsun ai ga jahkring na matu tsun ndai.

MIHKA 5:6

Shanhte gaw luksuk n-gun hte Nimrod a lamu ga Asuri hpe gasat dang la na mara ai; shanhte gaw anhte a lamu ga de shang gasat ai shaloi, shi gaw anhte hpe Asuri ni a lata kaw na makawp maga la na ra ai.

MIHKA 5:7

Naw hkrung nga ai Israela amyu masha ni gaw masha amyu baw law law a matu dai Madu kaw na hkrat ai n-gun awai la shangun ai numri hte tu kaba wa ai hkai bawng ntsa e htu ai marang zawn tai na mara ai. Shanhte gaw masha hpe n rai, Karai Kasang hpe kam hpa wa na mara ai.

ZEHKARIA 10:1

Marang shadoi htu ai aten e, marang htu na matu dai Madu kaw hpyi mu; Dai Madu gaw marang sumwi hte marang mahpawng jahtu dat nna, langai hte langai a matu yi hkauna ni hpe tsit lali shangun nga ai.

HEBRE 6:7

Law law lang htu bun ai marang hka hpe hkap la nna shawt hkai ai ni a matu akyu rawng ai hkai nmai tu kaba shangun ai aga hpe Karai Kasang shaman chyeju ajaw ya nga ai.