TARA JAHPRANG 32:16 - Jinghpaw Common Language Bible 2009

¹⁶ Shanhte nawku ai hpara sumla a majaw, dai Madu hpe n dawng shangun; shanhte galaw ai n hkru ai amu hte shi hpe pawt sindawng shangun nga masai.

Jinghpaw Hanson Version Bible

¹⁶ Shanhte gaw Hpara shaje hte shi hpe n ju shangun mu ai, Matsat shabat lam hte shi hpe shapawt mu ai.

TARA JAHPRANG 32:16 ပူးပေါင်းရင်းမြစ်များ

1 HKAWHKAM 14:22

Yuda amyu masha ni mung shanhte a kaji kawa ni yawng galaw shut kau ai amu hta grau nna dai Madu hpe shut hpyit kau mu ai hte shi hpe pawt sindawng shangun nga ma ai.

1 HKAWHKAM 14:9

Na a shawng e up hkang ai ni hta nang shut hpyit kau ai yubak mara gaw grau kaba nga ai. Nang gaw ngai hpe shinggan kau nhtawm nawku na matu hpara sumla ni hte nhprang gawkngu hkrang sumla ni galaw let ngai hpe pawt bu shangun nga ndai.

2 HKAWHKAM 17:11

tara maigan tawn hkungri ni yawng a ntsa hkan manam pyaw ai baw nat nawng nna, mungdan kaw nna dai Madu shaden shapraw kau ai masha amyu ni a lailen hta hkan dagraw nga ma ai. Shanhte galaw ai n hkru n shawp ai amu ni hpe galaw nna dai Madu a masin pawt ai hpe shanhte jasu sharawt ya ma ai;

2 HKAWHKAM 17:17

Shanhte gaw tara maigan karai ni a matu shanhte a shayi shadang sha ni hpe wan nat hkungga shatai nna nawng ya ma ai; shanhte gaw nat num ni hte gumhpan hpan ai ni hpe san yu nhtawm dai Madu hpe pawt sindawng shangun na nga, shi a man e shut hpyit ai amu htum hkra galaw shapraw na matu shanhte hkum nan myit jung nga ma ai.

2 HKAWHKAM 21:6

Shi gaw shi a kasha hpe wan nat hkungga jaw jau nna shaba wawt ai hte mandan lakle amu galaw nhtawm gumhpan hpan ai ni hte nat num ni hpe ga san san let bawng yu nga ai. Shi gaw dai Madu hpe shut hpyit mara kaba galaw nna masin pawt shangun nga ai.

2 HKAWHKAM 23:13

Yoshia gaw Yerusalem mare a sinpraw maga de mung, Tsanlun Bum ni a dingda maga de mung Hkawhkam Shawlumon gap tawn ai tawn hkungri ni hte Sidon karai num Astarte, Moba karai Hkemosha, Amon karai Molek ni zawn re ai matsat shabat hpara sumla ni hpe nawku ai shara ni hpe awu asin di kau wu ai.

SHAKAWN KUNGDAWN 106:29

Shanhte gaw shanhte galaw ai amu ni hte Madu a sindawng kahtet ai hpe jasu shalut ya nga ma ai majaw, hkrithpa ana zinli mung, shanhte hta byin pru wa nga masai.

SHAKAWN KUNGDAWN 78:58

Shanhte gaw maigan hpara ni a nawku ai shara ni hte shanhte a hpara sumla ni hte shi hpe sindawng kahtet shangun nga masai.

ESAIA 43:12

Ngai gaw hpa byin na lam hpe tau tsun nngai, dai hpang nang hpe karum la nngai. Maigan karai kadai mung ndai amu galoi mung galaw yu ai n rai; nanhte gaw nye a sakse ni rai nga myit dai.

YEREMIA 2:11

Kaga amyu baw gaw shanhte a karai ni ajet n rai nga tim pyi galoi mung n galai kau yu ma ai. Rai ti mung nye a amyu masha ni chyawm gaw shanhte hpe arawng sadang jaw ya ai Karai Kasang hpe shanhte a matu hpa mung n galaw ya lu ai karai ni hte ngai hpe galai kau manu ai.

YEREMIA 2:25

Israela e, kaga karai ni a hpang hkan let na a lagaw hpe hkum tsu shangun et, na a yuhkraw hkraw hkra hkum rai nga et. Rai ti mung nang gaw, ‘N rai law! Ngai n kayin wa lu na nngai. Ngai gaw maigan karai ni hpe tsaw ra ni ai, dai ni a hpang de hkan na nngai,’” ngu nna nang tsun ai.

YEREMIA 7:18

Shanhte shamying ai Sumsing Lamu a Hkawhkam jan ngu ai hpara num a matu ma kaji ni gaw hpun hta, lasha ni gaw wan htung galaw, numsha ni gaw muk kabaw na matu muk shadung ni hpe kayau gumchya ma ai. Shanhte gaw ngai hpe nchyi nmu byin shangun na matu kaga karai ni hpe sabyi hkungga ni ru jaw nga ma ai.

YEREMIA 8:19

Madat u! Nye a amyu masha ni a hkrap shabam nga ai nsen hpe mungdan ting hta ngai na nngai. Dai Madu gaw Ziun mare hta n nga sani? Ziun a hkawhkam gaw dai yang e n nga sani? Dai Madu shanhte a hkawhkam wa gaw, “Na a hpara sumla ni hpe nawku ai hte akyu n rawng ai na a maigan karai ni hpe gum dagup ai hku ngai hpe hpa majaw pawt sindawng shangun myit ta?,” ngu nna htang shana wu ai.

EZEKELA 8:3

Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

1 KORINHTU 10:22

Shing n rai anhte gaw dai Madu hpe manawn masham rai shangun mayu nga ga ni? Anhte gaw dai Madu hta grau n-gun ja ai ni rai nga ga ai ngu nna myit nga ga ni?

TARA JAHPRANG 32:21

Shanhte a hpara sumla ni hte ngai hpe masin pawt shangun nna; mying gun hpara ni, ngai hpe yu manawn nga ma ai; dai hpara ni mahtang karai jet ni n rai ma ai. Dai rai nna, hti n mai ai amyu hpe ngai lang nna shanhte hpe masin pawt shangun na nngai; angawk angak re ai amyu hte mung shanhte hpe manawn shangun na nngai.

TARA JAHPRANG 5:9

Kaning san ai hpara sumla hpe mung hkum kadawng hkum naw myit; Ngai gaw dai Madu nanhte a Karai Kasang rai nga nngai majaw shingjawng kashun ai hpe hkam sharang lu na nngai n rai. Dai rai nna ngai hpe n dawng n yawt ai ni hte shanhte a matu mara ni hpe prat ban masum mali du hkra ari jaw na mawe ai.

TARA JAHPRANG 7:25

Shanhte a hpara sumla ni hpe nat kau ya mu; dai ni hta kap ai ja, gumhpraw ni hpe la mayu ai myit hkum rawng myit; dai ni hpe nanhte a matu ngu nna hkum hta la myit. Dai hku nanhte galaw hkrup myit dai rai yang chyawm gaw dai Madu nan hpara sumla naw ai lai hpe n dawng nga ai majaw si ging ai ari hkrum sha na rai myit dai.