TARA JAHPRANG 32:13 - Jinghpaw Common Language Bible 2009

¹³ “Shi gaw shanhte hpe tsaw grau ai shara ni up shangun nna yi hkauna hta tu ai nsi naisi ni hpe sha nga ma ai. Lunghkrung lunghtawn hkan na lagat ntsin mu tam nna lungbra ni hta tsanlun hpun ni tu abya nga ai.

Jinghpaw Hanson Version Bible

¹³ Ga ntsa tsaw grau ai shara hta shi hpe shajawn, Yi hkauna nsi naisi hte shi hpe shangawn wu ai: Machyu lunghtawn na lagat jahku, Nhpai lungkring na namman chyu mu shachyu wu ai.

TARA JAHPRANG 32:13 ပူးပေါင်းရင်းမြစ်များ

2 SAMUELA 22:34

Shi gaw ngai hpe shan nga lagaw zawn shangang shakang ya nna, shi gaw ngai hpe bum ni a ntsa e shim hkra bau sin ya nga ai.

YOBA 20:17

Shanhte gaw tsanlun sau a hka nu ni, ngachyu hte lagat ntsin lwi ai hka shi ni hpe mu lu na mara ai n rai.

YOBA 29:6

Nye a dumsu kanu ni hte bainam ni nga chyu law law jaw ma ai, nye a tsanlun hpun ni mung lunghkrung ga hta tu nga ma ai.

SHAKAWN KUNGDAWN 18:33

Shan nga lagaw gaw ngang ai zawn, shi gaw ngai hpe shangang ya nna; bum ni a ntsa e, ngai hpe shi bau sin makawp maga ya nga ai.

SHAKAWN KUNGDAWN 81:16

Rai ti mung, kaja htum ai hkaulan mam hte ngai shanhte hpe bau nna, nam na lagat jahku hte shanhte hpe myit dik hkra jahkru na mawe ai.”

ESAIA 48:21

Dai Madu gaw shi a amyu masha ni hpe kahtet nna hkun hkraw ai zaibru jang hku woi wa yang, shanhte hpang gara hkrum ma ai n rai. Shi gaw shanhte a matu lunghkrung kaw na hka shapraw ya nu ai; shi gaw lunghkrung hpe kayat hpaw nna hka lwi shangun wu ai.

ESAIA 58:14

ngai hpe daw jau nga ai kaw na pru wa ai kabu gara ai lam nang mu lu na rai ndai. Ngai gaw nang hpe mungkan ting hta shagrau sha-a hkrum shangun na nngai, na a nji nwa Yaku hpe ngai jaw sai mungdan hta nang kabu gara lu na rai ndai. Dai Madu ngai nan tsun ni ai,” ngu nna tsun ai.

EZEKELA 16:13

Nang gaw manu dan ai aja gumhpraw ni hte mawn sumli nhtawm, mani tsawm ai lachyit sumpan, alai hte maka ka ai hpun palawng ni hpe tut nawng bu hpun nga ndai. Nang gaw kaja htum ai hkaulan mam shadung hte galaw ai muk sha nhtawm, dwi ai lagat ntsin hte sau ai tsanlun sau hpe lu nga ndai. Na a ahpraw nsam gaw tsawm htap htoi kabrim nga nna hkawhkam jan tai wa nit dai.

EZEKELA 21:17

Ngai mung lata lahpawk dum ai hte nye a sindawng kahtet ai gaw kawp mat na ra ai. Dai Madu ngai nan tsun ni ai.”

HOSEA 13:6

Rai ti mung nanhte gaw dai ningru ningja ai mungdan de shang myit dai shaloi, nanhte sha hkru nna myit pyaw nga myit dai; dai hpang nanhte gumrawng gumtawng wa nna ngai hpe malap kau myit dai.

TARA JAHPRANG 28:47

Dai Madu gaw nanhte hpe lam magup shaman ya manit dai; rai ti mung nanhte shi hpe kabu gara ai myit hte n daw n jau myit dai.

TARA JAHPRANG 33:26

Israela amyu masha ni e, nanhte a Karai Kasang hte bung ai karai mi n nga; shi a hpung shingkang hta jawn, Sumsing lamu de yawn; nang hpe karum la na nga, sumwi hta jawn nna du sa nga.

TARA JAHPRANG 33:29

Israela e, nang gaw kade sha a nga n hka! Dai Madu hkye hkrang la sai amyu baw ngu ai nanhte hte bung ai wa mi kadai n nga nga ai. Dai Madu shi nan nanhte hpe makawp maga ya nna awng padang jaw jaw ya ai nanhte a makawp ninggang hte nhtu rai nga ai. Nanhte a gumlau hpyen ni matsan dum la na matu hpyi nem wa nna, nanhte mung shanhte hpe kabye dip lu na marin dai law.

TARA JAHPRANG 8:15

Shi gaw nanhte hpe atuk rawng ai lapu hte n-gaw gawk ni sawng ai dai hkrit hpa htat ai nam mali hku woi wa nhtawm, hkun hkraw nna lu na hka n nga ai shara hta nanhte a matu nhpai lungkring hta na hka shapraw jaw wu ai.

TARA JAHPRANG 8:8

hkaulan mam, muk-yaw mam, sabyi si, maihpang si, hkainu si, tsanlun si hte lagat ntsin ni hpe shapraw ya ai ga de nanhte hpe woi wa nga ai.