TARA JAHPRANG 32:12 - Jinghpaw Common Language Bible 2009

¹² Dai Madu gaw maigan hpara a karum lam n lawm ai sha, shi a amyu masha ni hpe woi wa nu ai.

Jinghpaw Hanson Version Bible

¹² Shi hpe woi wa ai wa, Yehowa hkrai, Maigan Hpara kadai lawm ai n rai.

TARA JAHPRANG 32:12 ပူးပေါင်းရင်းမြစ်များ

NEHEMIA 9:12

Nang gaw shani aten hta sumwi hte shanhte hpe lam woi nna, shana e mung shanhte a hkrun lam hpe wan hte jahtoi ya ndai.

YOBA 15:19

Shanhte a mungdan gaw maigan ni a lata kaw na lawt wa nga ai; kadai mung shanhte hpe Karai Kasang a lata kaw nna woi shadam kau lu nga ai n rai.

SHAKAWN KUNGDAWN 136:16

Shi a amyu masha ni hpe nam mali hku shi woi wa nu ai; shi a tsaw ra myit htani htana agrin nga ai.

SHAKAWN KUNGDAWN 27:11

Madu e, nang ngai hpe hpa galaw shangun mayu ai lam ngai hpe sharin ya e, Ngai gaw gumlau hpyen law law lu nga nngai majaw, shim ai lam dingyang hta ngai hpe woi lakawn wa rit.

SHAKAWN KUNGDAWN 78:14

Shi gaw shanhte hpe shani e sumwi hte shana tup wan a nhtoi hte woi wa mu ai.

SHAKAWN KUNGDAWN 80:1

Israela amyu masha ni a Sagu Rem Wa e, anhte hpe madat ya mi; sagu hpung ni a ningbaw wa e, anhte hpe na ya mi. Singkaw tu ai hkrung kanu ni a ntsa na, na a tingnyang hta dung nga ai wa e,

SHAKAWN KUNGDAWN 81:9

Nanhte gaw kaga hpara shaje hpe galoi mung n nawku lu na rai myit dai.

ESAIA 46:4

Ngai gaw nanhte a Karai Kasang rai nga nngai, nanhte asak kaba nna dingla baw hpraw ai aten du hkra nanhte hpe lanu lahku na nngai. Ngai gaw nanhte hpe hpan da ni ai, nanhte hpe lanu lahku na nngai; Ngai gaw nanhte hpe karum ai hte hkye mawai la na nngai.

ESAIA 63:14

Ga sau kaja ai kadit de dumsu ni yu wa ai zawn, dai Madu gaw shi a amyu masha ni hpe bansa lam jaw nga ai. Shi gaw shi a amyu masha ni hpe lam woi nna shi a mying hpe shagrau shatsaw nu ai.

HOSEA 11:4

Ngai gaw shanhte hpe tsaw ra shawang myit hte ngai hpang de dun la nngai. Ngai gaw shanhte hpe sharawt la nna ngai hpang de shayawn la nngai; Ngai gaw shanhte a man e gum let shanhte hpe lusha jaw nngai.

TARA JAHPRANG 1:31

Kawa gaw shi a kasha hpe pawn lahku la ai zawn shi gaw nanhte hpe ndai shara de du wa hkra hkrun lam dingyang shim lum ai hku kaning rai woi wa sai hpe nanhte mu manit dai,’ ngu nna tsun yu ma sade ai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.

TARA JAHPRANG 4:35

Dai Madu chyu sha Karai Kasang rai nga ai hte shi hta kaga karai shaje n nga nga ai hpe sakse hkam na matu, dai Madu gaw ndai lam madun dan nu ai.

TARA JAHPRANG 4:39

Dai rai nna dai Madu gaw sumsing lamu hte ginding aga ntsa na Karai Kasang rai nga ai hpe myit dum ai hte galoi mung hkum malap kau nga myit. Karai shaje n nga nga ai.

YAWSHU 24:17

Dai Madu anhte a Karai Kasang gaw anhte hte anhte a kawa ni hpe Egutu mung e mayam tai nga ai kaw na woi shapraw wa mani ai rai nna, shi galaw dan sai mauhpa lamik kumla ni hpe anhte mu saga ai. Dai rai nna amyu baw ni yawng a man e anhte lai hkawm ai shara shagu hkan shi anhte hpe shim lum ai hte makawp maga da mi ai.