TARA JAHPRANG 31:9 - Jinghpaw Common Language Bible 2009

⁹ Shaloi Mawshe gaw Karai Kasang a Tara hpe ka nhtawm dai Madu a Ga Shaka Sumpu woi hpareng ai Lewi hkinjawng ni hpe mung, Israela ningbaw ni hpe mung jaw ya wu ai.

Jinghpaw Hanson Version Bible

⁹ Shaloi Mawshe gaw ndai tara ga nlang ka da nna, Yehowa a ga shaka sumpu hpai ai Lewi amyu hkinjawng ni hte Israela salang ni nlang hte a lata hta ap da wu ai.

TARA JAHPRANG 31:9 ပူးပေါင်းရင်းမြစ်များ

1 HKAWHKAM 8:3

Ya ningbaw ni du zup jang, dai Ga Shaka Sumpu hpe hkinjawng ni sharawt nhtawm,

2 HKAWHKAM 17:37

Nanhte a matu ngu nna ngai ka da ya se ai tara ni hte hkang da ai ga ni hpe nanhte tut nawng madat mara na rai myit dai. Nanhte gaw kaga karai ni a ga hpe madat mara lu na myit dai n rai.

1 HKAWHKAM LABAU 15:2

Dai rai nna Dawi gaw, “Lewi masha ni gaw Ga Shaka Sumpu hpe hpai na hte shi hpe htani htana daw jau na matu dai Madu lata san da nu ai rai nga ai majaw Lewi masha ni chyu sha dai Sumpu hpe hpai na rai ma ai,” ngu nna tsun wu ai.

NEHEMIA 8:2

Dai re ai majaw, Ezra mung atsawm sha chye na lu sai numsha, lasha ni hte ma kaji ni ngu ai amyu masha ni hpawng nga ai shara de dai hpe la shapraw wu ai.

NEHEMIA 8:3

Shi gaw jahpawt kaw nna shani ka-ang du hkra, chyinghka makau na dam lada ai shara hta Tara laika hti dan wu ai rai nna shanhte yawng myit maju jung ai hte madat la nga ma ai.

PRU MAT 24:4

Mawshe gaw dai Madu hkang da ai tara ni hpe ka jahkrat da wu ai. Hpang jahpawt manap jau jau aten hta, shi gaw bum lagaw e tawn hkungri langai gaw nhtawm Israela amyu bawsang shi lahkawng hta hkan nna amyu mi a matu langai ngai di let, nlung shi lahkawng jun da wu ai.

Daniela 9:13

Mawshe a Tara hta ka da ai ari ahpri yawng anhte hpe jaw nga ndai. Rai ti mung, ya chyawm gaw, O Madu anhte a Karai Kasang e, anhte a yubak ni kaw nna kayin mat wa nhtawm na a teng man ai lam hta hkan sa ai hku nang hpe awng sharawng shangun ga ai n rai.

HOSEA 4:6

Nye a amyu masha ni gaw ngai hpe n chye yin la nga ma ai majaw dingnye hkrum nga masai. Nanhte hkinjawng ni mung ngai hpe yin la na matu ningdang kau myit dai, nye a sharin achyin ai hpe n madat nga myit dai, dai rai nna ngai gaw nanhte hpe ningdang ai hte nanhte a shadang sha ni hpe mung nye a hkinjawng ni hpe zawn yin la na nngai n rai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

MALAHKI 4:4

“Israela amyu masha ni yawng hkan sa madat mara na matu, Sina Bum e nye a shangun ma Mawshe hpe ngai jaw ya sai shi a sharin achyin ga, jep ai tara hte hkang da ai ga ni hpe adum nga u.

BU HKAWM 33:2

Dai Madu hkang da ai ga hte maren, Mawshe gaw shanhte jung ai dap dabang shara mying ni hpe ka matsing da wu ai.

BU HKAWM 4:15

But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

BU HKAWM 4:5

Dai Madu gaw Mawshe hpe ga matsun ni jaw wu ai. Sum hpe run hpya na aten du ai shaloi, Arun hte shi a shadang sha ni Sum kata de shang nhtawm Ga Shaka Sumpu a man na nba grang hpe shayu la nna dai hte Sumpu magap na rai ma ai.

BU HKAWM 4:6

Shanhte gaw de a ntsa e mani tsawm ai shanhpyi hte ka-up da na rai ma ai; dai hpang sawm tsit ai sumpan hte ntsa ting hprwi di kahpyan nna hpai na kandang ni hpe dinghkrawn da na rai ma ai.

MARKU 12:19

“Sara e, masha langai mi kasha garai n kap ai si mat wa ai rai yang, ngam nga ai madu jan hpe shi a kanau gaw dai gaida hpe hta la lu na rai nna lu wa ai kasha hpe kahpu a matu mara hku sawn shachyaw ya u ga, nga nna Mawshe gaw anhte a matu ka da ya mani ai.

LUKA 20:28

“Sara e, ‘num lu ai kahpu wa, kashu kasha n kap ai si mat wa yang gaw, kahpu a gaida hpe kanau wa hta nna kahpu a matu mara shachyaw u ga,’ nga nna Mawshe gaw anhte a matu ka da ya mani ai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 1:45

Hpilip gaw Nahtanela hpe mu nna, “Mawshe gaw Tara Laika ni hta, myihtoi ni mung myihtoi laika ni hta, sha-ang nna ka da ai, Yosep a kasha Nazaret mare na Yesu hpe anhte mu sagaw ai,” ngu nna shi hpe tsun dan wu ai.

YAWHAN 5:46

Mawshe hpe nanhte kaja wa sha kam myit dai rai yang gaw, ngai hpe mung kam na rai myit dai, hpa majaw nga yang, Mawshe gaw nye a lam ka da nu ai.

TARA JAHPRANG 10:8

Dai Madu gaw dai bum hta Lewi amyu bawsang hta na lasha ni hpe Ga Shaka Sumpu hpai ai hta woi hpareng na matu mung, hkinjawng hku nna shi hpe daw jau amu gun hpai na matu mung, shi a mying ningsang gang nna shaman ya na matu mung lata san da wu ai. Ndai amu ni yawng gaw shanhte a magam lit ni hkrai rai nga malu ai.

TARA JAHPRANG 17:18

Shi hkawhkam tai wa ai shaloi, Lewi hkinjawng ni kyem mazing da ai ningpawt kanan laika kaw na ka da ai Karai Kasang a tara hte sharin achyin ga ni rawng ai laika langai mi hpe shi lang da na rai wu ai.

TARA JAHPRANG 31:28

Nanhte a amyu bawsang ni yawng hte seng ai ningbaw ni hte du salang ni yawng hpe nye a man e jahpawng tawn mu; shaloi ndai ga ni shanhte hpe tsun dan lu n-ga, shanhte a matu nye a sakse tai na, sumsing lamu hte ginding aga hpe ngai shatai na we ai.

TARA JAHPRANG 33:10

Shanhte gaw na a Tara madat mara na matu na a amyu masha ni hpe sharin ya na mara ai; Na a tawn hkungri ntsa hta shagu hkungga ni hpe shanhte nawng jau na mara ai.

YAWSHU 3:3

amyu masha ni hpe, “Dai Madu nanhte a Karai Kasang a Ga Shaka Sumpu hpai ai hkinjawng ni hpe nanhte mu ai shaloi, dap kaw na pru nhtawm shanhte a hpang hkan nang na rai myit dai.

YAWSHU 6:12

Yawshu gaw hpang jahpawt manap jau jau rawt nna, shawng shani e hkang da ai hte maren, hkinjawng ni hte hpyenla ni dai mare hpe lahkawng lang ngu na hkawm shinggrup ma ai gaw: yawng a shawng e lam shawng sin langa dap, dai hpang pahtau sanit dum ai hkinjawng sanit, dai hpang dai Madu a Ga Shaka Sumpu hpai ai hkinjawng ni, hte hpang jahtum hta hpang hkan ai sin langa dap ni rai nga ai. Ndai aten tup hta pahtau dum garu nga sai.