TARA JAHPRANG 31:3 - Jinghpaw Common Language Bible 2009

³ Dai Madu nanhte a Karai Kasang gaw shi nan nanhte a shawng e sa wa nhtawm dai mung e nga nga ai masha amyu baw ni hpe shamyit kau na rai wu ai. Shing rai shanhte a mung hpe nanhte madu la na rai myit dai. Dai Madu tsun da nu ai hte maren, Yawshu gaw nanhte a ningbaw tai na ra ai.

Jinghpaw Hanson Version Bible

³ Na a Karai Kasang Yehowa gaw na a shawng e rap sa wa nhtawm, dai mung na masha amyu nlang hpe shamyit kau nna shanhte a shara e nanhte shang sha lu na marin dai: Yehowa tsun da sai hte maren, Yawshu gaw na a man e rap lu na ra ai.

TARA JAHPRANG 31:3 ပူးပေါင်းရင်းမြစ်များ

NINGPAWT NINGHPANG 48:21

Dai hpang Yaku gaw Yosep hpe, “Nang mu ai hte maren ngai gaw si wa na chyu sha rai ni ai, rai ti mung Karai Kasang gaw nanhte hte rau nga nga nna nanhte a kaji kawa ni nga ai mung de bai woi wa na ra ai.

KASA 7:45

Dai hpang anhte a kaji kawa ni gaw shanhte a kawa ni kaw na hkam la ai sakse sum hpe Karai Kasang shachyut kau ya ai masha amyu ni a mung hta Yawshu hte rau shanhte shang madu sha wa ai shaloi, dai sum hpe la shawn shang wa ma ai. Dai sum gaw Dawi a ban prat du hkra dai mung e nga nga ai.

TARA JAHPRANG 1:30

Dai Madu nanhte a Karai Kasang gaw nanhte hpe woi awn nna Egutu mung hte nam mali e shi galaw nu ai zawn shi gaw nanhte a matu gasat ya na ra ai.

TARA JAHPRANG 3:28

Yawshu mahtang nang mu mada ai mung hpe madu la na matu amyu masha ni hpe woi rap na rai wu ai majaw shi hpe ga matsun ni jaw nna myit n-gun jaw u,’ ngu nna tsun wu ai.

TARA JAHPRANG 31:14

Dai hpang dai Madu gaw Mawshe hpe, “Nang gaw aten na na wa naw hkrung nga lu na ndai n rai. Yawshu hpe shaga la nhtawm Sum de woi sa wa rit, ngai shi hpe ga matsun ni tsun we ga,” ngu nna tsun wu ai. Mawshe yan Yawshu mung dai Sum de sa wa ma ai;

TARA JAHPRANG 31:23

Dai hpang Nun a kasha Yawshu hpe, “Kam hpa ai hte myit jahkut daw dan u. Nang gaw ngai ga sadi jaw da ai mungdan de dai Israela amyu masha ni hpe woi shawn na rai ndai; ngai mung nang hte rau anga nga na nngai,” ngu nna dai Madu shi hpe hkang da wu ai.

TARA JAHPRANG 31:4

Dai Madu gaw Amori hkawhkam ni rai nga ai Sihon yan Oga hpe dang kau nhtawm shan a mungdan hpe jahten kau ya wu ai zawn dai masha ni a mung hpe shamyit kau na rai wu ai.

TARA JAHPRANG 34:9

Mawshe a shara hta hkringhtawng dagraw hkam la na matu shi san da nu ai Nun a kasha Yawshu gaw hpaji byeng-ya hte hpring tsup nga wu ai. Israela amyu masha ni Yawshu a ga madat mara nhtawm, dai Madu Mawshe hku nna shanhte hpe jaw da sai hkang da ai ga ni hpe hkan sa shatup nga ma ai.

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

TARA JAHPRANG 9:3

Rai ti mung dai Madu nanhte a Karai Kasang gaw grung ai wan zawn nanhte a shawng e sa wa na rai nga ai hpe dai ni, nanhte nan mu lu na marin dai. Shi a ga sadi hte maren nanhte rawt lung wa myit yang, shi shanhte hpe dang kau na rai wu ai rai nna nanhte mung shanhte hpe gawt shapraw kau lu ai hte shanhte hpe alawan shamyit kau lu na rai myit dai.

HEBRE 4:8

Lama wa Karai Kasang ga sadi jaw da sai ban sa ai lam hpe Yawshu gaw amyu masha ni hpe jaw ngut sai rai yang, nhtoi kaga a lam Karai Kasang hpang e bai tsun sana n rai.

YAWSHU 1:2

Shi gaw, “Nye a shangun kasa Mawshe si mat sai. Dai rai nna nang hte Israela amyu masha ni yawng ngai shanhte hpe jaw na ngu ai mungdan de, Yawdan hka rap sa wa na matu, ya jang jin jin rai nga mu.

YAWSHU 11:15

Dai Madu gaw shi a shangun kasa Mawshe hpe hkang da wu ai hte maren, Mawshe gaw Yawshu hpe bai hti ya wu ai. Yawshu mung dai ga ni hpe madat mara wu ai. Dai Madu Mawshe hpe hkang da mada lam magup hpe shi galaw wu ai.

YAWSHU 3:7

Dai Madu gaw Yawshu hpe, “Ngai gaw Mawshe hte rau nga ai zawn nang hte mung rau nga nga nngai hpe shanhte dum chye wa lu hkra, dai ni, ngai nang hpe dai Israela amyu masha ni yawng a man e arawng aya kaba hkam la ai masha langai mi hpe zawn shagrau sha-a hpang na de ai.

YAWSHU 4:14

Dai shani e, dai Madu galaw ai amu gaw Israela amyu masha ni a man e, Yawshu hpe hkik hkam ai arawng aya hkam la ai masha langai mi hpe zawn nawn la shangun ma ai rai nna Mawshe hpe shanhte shagrau sha-a ma ai zawn Yawshu hpe mung prat tup shagrau hkungga nga ma ai.