TARA JAHPRANG 31:2 - Jinghpaw Common Language Bible 2009

² “Ngai gaw ya asak latsa e hkun ning du ni ai; nanhte a ningbaw tai nga na matu ngai loi mi mung n dang lu ni ai. Dai sha n-ga, ngai mung Yawdan hka rap lu na n rai, nga nna dai Madu gaw ngai hpe tsun ni ai.

Jinghpaw Hanson Version Bible

² Shi shanhte hpe tsun wu ai gaw, “Ngai gaw dai ni asak latsa e hkun ning du ni ai: ya kaw nna nanhte a man e ngai n hkawm n sa lu ni ai: Yehowa mung, ‘Nang ndai Yawdan hka n rap lu na ndai,’ ngu ni ai.

TARA JAHPRANG 31:2 ပူးပေါင်းရင်းမြစ်များ

2 SAMUELA 21:17

Rai ti mung Zeruia a kasha Abishai mahtang Dawi hpe sa karum ai hte dai masha kaba wa hpe htim gasat ai hte sat kau wu ai. Dai hpang Dawi a masha ni gaw shanhte hte rau galoi mung majan n pru gasat na matu Dawi hpe ga sadi jaw shangun mu ai. Shanhte gaw, “Nang gaw Israela a myit mada shara rai nga ndai majaw hkrat sum mat na anhte n ra sharawng ga ai,” ngu nna tsun ma ai.

1 HKAWHKAM 3:7

O Madu Karai Kasang e, ngai grai naw kaji nna kaning rai up hkang sa wa na lam n chye ti mung, nye wa a hkawhkam aya hta nang ngai hpe galai dung shangun nga nit dai.

SHAKAWN KUNGDAWN 90:10

Anhte yawng lu ai asak gaw sanit shi ning rai nga ga ai. anhte n-gun ja ga ai rai yang chyawm gaw matsat shi ning du nga ga ai; ti mung, dai asak hkrung ai laman hte hta, ru tsang ai hte yawn hkyen ai hpe sha hkam sha nga ga ai, hkring mi rai jang asak mung lai mat wa nna anhte mung hkoi mat nga ga ai.

PRU MAT 7:7

Shan hkawhkam wa kaw shang tsun ai aten hta, Mawshe gaw asak matsat shi ning rai nna, Arun a asak mahtang matsat shi masum ning rai nga salu ai.

BU HKAWM 20:12

Rai ti mung dai Madu gaw Mawshe yan Arun hpe daru kau wu ai. Dai rai nna shi gaw, “Nan gaw Israela amyu masha ni a man e nye a chyoi pra ai daru magam n-gun hpe hkam la na makam masham n law nga myit dai majaw shanhte hpe jaw na ngu nna ngai ga sadi tawn da ai mungdan de nan gaw shanhte hpe woi shawn lu na n rai myit dai,” ngu nna tsun wu ai.

BU HKAWM 27:17

shanhte hpe majan gasat yang woi hkang lu ai masha langai mi san da ya u law; shaloi na a shawa hpung gaw rem ai wa n nga ai sagu zawn n rai mat mu ga,” ngu nna hpyi tsun wu ai.

KASA 20:25

“Ngai gaw Karai Kasang a Mungdan lam hpe nanhte hpang de hkaw tsun kawan hkawm ni ai. Rai ti mung ya gaw nanhte hta na kadai mung nye a myi man hpe htawm hpang de galoi mung bai n mu lu na rai myit dai hpe ngai chye nga nngai.

KASA 7:23

“Ya Mawshe asak mali shi ning du ai shaloi shi a kahpu kanau Israela kashu kasha ni hpe gara hku di nga ma ai lam mu chye na matu sa kawan katsan yu na myit daw dan ai hte sa wa ai.

TARA JAHPRANG 1:37

Dai Madu gaw nanhte a majaw ngai hpe mung pawt ai hte, ‘Mawshe e, nang pyi dai mungdan de shang lu na n rai.

TARA JAHPRANG 31:1

Mawshe gaw matut nna Israela amyu masha ni hpe,

TARA JAHPRANG 34:7

Mawshe si wa yang, shi a asak gaw latsa e hkun ning du nga sai; n-gun lagaw mung n yawm ai sha, shi a myi mung a kaja sha rai nga wu ai.