TARA JAHPRANG 30:3 - Jinghpaw Common Language Bible 2009

³ dai Madu nanhte a Karai Kasang gaw nanhte hpe matsan yu dum nhtawm nanhte hpe shaden shabra kau dat ai masha amyu baw ni a lata kaw na nanhte hpe bai woi la ai hte kalang mi bai ngamu ngamai shangun na marin dai.

Jinghpaw Hanson Version Bible

³ na a Karai Kasang Yehowa mung, nang hkrum ai bawng nan amu hpe jahtum ya nna, nang hpe matsan dum ai hte kayin nhtawm, nang hpe shabra kau ai mungdan shagu hta na nang hpe shinggyin la na rin dai.

TARA JAHPRANG 30:3 ပူးပေါင်းရင်းမြစ်များ

NINGPAWT NINGHPANG 28:15

Yu u, ngai nang hte rau rai nga nngai mung, nang hkawm sa ai shara shagu hkan nang hpe ngai makawp maga ai hpe mung, ndai mung de nang hpe bai woi wa na lam hpe mung, adum nga u. Ngai nang hpe ga sadi jaw da sai amu yawng mayawng hpe galaw shatup ngut ai aten du hkra, nang hpe ngai kau da na nngai n rai,” ngu nna tsun wu ai.

NINGPAWT NINGHPANG 48:21

Dai hpang Yaku gaw Yosep hpe, “Nang mu ai hte maren ngai gaw si wa na chyu sha rai ni ai, rai ti mung Karai Kasang gaw nanhte hte rau nga nga nna nanhte a kaji kawa ni nga ai mung de bai woi wa na ra ai.

1 HKAWHKAM LABAU 16:35

Nanhte gaw shi hpe, “Anhte hpe hkye hkrang la ai; O, Karai Kasang e, anhte hpe hkye hkrang la mi; anhte hpe shinggyin la ai hte amyu baw ni a lata kaw nna hkye mawai la mi; shaloi anhte chyeju dum ai hte na a chyoi pra ai mying hpe shakawn na ga ai,” ngu tsun mu.

NEHEMIA 1:9

Rai ti mung nanhte ngai kaw bai kayin wa nna nanhte hpe ngai hkang da ai amu galaw myit dai rai yang, lamu ga htum de nanhte shabra kau ai hkrum myit ti mung, ngai hpe nawku na matu lata san da ai shara de ngai nanhte hpe bai woi la na nngai.

YOBA 42:10

Yoba gaw shi a manang marai masum a matu akyu hpyi ngut jang, dai Madu gaw shi shawng e lu malu mahkra hta htam lahkawng bai jat ya let shi hpe bai ngamu ngamai shangun wu ai.

SHAKAWN KUNGDAWN 107:3

Shi gaw nanhte a gumlau hpyen ni a lata kaw nna mawai la nu ai; sinpraw sinna, dingdung dingda mungdan shagu de nga hkawm nga ai nanhte hpe bai woi wa manit dai.

SHAKAWN KUNGDAWN 147:2

Dai Madu gaw Yerusalem mare hpe bai de da nna, bra hkawm mat wa sai Israela amyu masha ni hpe bai shinggyin la nga ai.

ESAIA 27:12

Dai shani e, Uhprat hka nu kaw nna Egutu mung jarit du hkra, dai Madu gaw shi a amyu masha masha langai hpang langai hpe chyarang kaw nna hkaulan mam gu hte nsan hpe ginhka la ai zawn shinggyin la na ra ai.

ESAIA 43:5

Hkum hkrit nga et-ngai nang hte rau nga nga nngai! “Tsan ai sinpraw maga hte tsan gang nga ai sinna maga de na, na a amyu masha ni hpe dum nta de ngai woi wa na nngai.

ESAIA 54:7

“Aten kadun mi hta, ngai nang hpe kau da nngai; tsaw ra myit sung sung hte ngai nang hpe bai woi la nngai.

ESAIA 56:8

Bawng dung hkrum ai kaw na Israela dum nta de woi wa ai Tsaw Htum ai dai Madu gaw shi a amyu masha ni hte matut mahkai wa na matu kaga masha ni hpe naw woi wa na ra ai, ngu ga sadi tawn da nga sai.

YEREMIA 12:14

Dai Madu gaw, “Nye a amyu masha Israela hpe ngai jaw tawn ai lamu ga hpe jahten sharun kau ya ai Israela a htingbu ni hte seng nna tsun dan na lam lama mi ngai lu nngai. Ngai gaw hkai bawng hpe gang baw kau ai zawn n hkru ai amyu masha ni hpe shanhte a mungdan ni kaw na baw kau na we ai; ngai gaw Yuda mung hpe shanhte a lata kaw nna hkye mawai la na nngai.

YEREMIA 23:3

Ngai shanhte hpe shabra kau dat ai mungdan ni kaw nna naw ngam nga ai nye a amyu masha ni hpe ngai shinggyin la na nngai, shing rai ngai gaw shanhte hpe shanhte a daidaw buga de bai woi wa na nngai. Shanhte gaw kashu kasha law law mayat maya wa nna law htam wa na mara ai.

YEREMIA 29:14

Rai sa, nanhte ngai hpe mu tam na marin dai; ngai gaw nanhte hpe nanhte a mungdan hta bai wa shanu shangun na nngai. Ngai gaw nanhte hpe mungdan shara shagu hkan na hte nanhte hpe ngai shaden shabra kau dat ai shara shagu hkan na shinggyin la ai hte nanhte hpe shaden shabra kau ai mungdan kaw na ngai bai woi wa na nngai, nga nna tsun ai. Dai Madu ngai nan tsun ni ai,’ nga ai.

YEREMIA 31:10

Dai Madu gaw, “Masha amyu ni e, nye a ga madat mara mu; nye a mungga hpe sumtsan zunlawng ni de hkaw tsun mu. Ngai gaw nye a amyu masha ni hpe shabra kau nngai, rai ti mung, ngai shanhte hpe bai shinggyin da na nngai, sagu rem ai wa gaw sagu hpung hpe bau rem nga ai zawn, ngai mung shanhte hpe bau rem nga na nngai.

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

SHARUNG SHAYAWT 3:32

Shi gaw anhte hpe yawn hkyen ai amu shapraw dan ti mung, anhte a matu shi a tsaw ra myit gaw kam ram ai hte n-gun ja nga ai.

EZEKELA 11:17

“Dai majaw, Tsaw Htum ai dai Madu ngai nan tsun sai mungga shanhte hpe htawn tsun u. Ngai gaw shanhte hpe shabra ayai kau dat ai mungdan ni kaw na shinggyin la nhtawm Israela mungdan hpe shanhte a lata de bai nhtang ap ya na nngai.

EZEKELA 36:24

Ngai gaw nanhte hpe amyu baw shagu hte mungdan shagu kaw na shapraw la nhtawm nanhte a mungdan majing de woi nhtang wa na nngai.

EZEKELA 39:28

Dai hpang, ngai nan dai Madu shanhte a Karai Kasang rai nga nngai hpe nye a amyu masha ni chye lu na mara ai. Ngai gaw shanhte hpe bawng dung shangun ai hte shinggyin la nna, shanhte hta na langai mi hpe mung n kau da ai sha, shanhte a mungdan de bai woi wa na lam hpe shanhte chye lu na mara ai.

MIHKA 7:19

Nang gaw anhte hpe kalang mi bai matsan dum la na rai nga ndai. Nang gaw anhte a yubak mara ni hpe lagaw npu de kabye kau na rin dai, dai ni hpe panglai htumpa de kabai bang kau na rin dai.

ZEHKARIA 10:9

Ngai shanhte hpe masha amyu baw ni de shabra kau tim, sumtsan shara kaw nna ngai hpe adum nga na mara ai. Shanhte hte shanhte a kashu kasha ni hkrung nga lu nna, dum nta de rau nhtang wa lu na mara ai.

ROMA 11:23

Yuda masha ni shanhte a n kam n sham ai myit hpe kau da ma ai rai yang gaw, shanhte hpe mi na ndu hta bai shachyaw matut da ai hkrum lu na mara ai. Hpa majaw nga yang, Karai Kasang gaw shing rai galaw lu ai wa rai nga ai.

ROMA 11:26

Shing rai Israela masha ni yawng hte gaw hkye hkrang la ai hkrum na mara ai. Dai hte maren Chyum Laika hta, “Ziun kaw na hkye hkrang la ai wa paw pru na ra ai rai nna Yaku a aru arat ni kaw na n hkru n shawp ai lam mahkra hte hpe yeng seng kau na ra ai.

ROMA 11:31

Karai Kasang a matsan dum lama ai hpe nanhte hkam la lu ai hte maren Yuda amyu masha ni shanhte mung hkam la lu na matu Karai Kasang a ga hpe ya n madat n mara nga ma ai.

TARA JAHPRANG 13:17

Shing rai yang jahten sharun kau na matu daw dan da sai mare na arai hpa hpe mung nanhte a matu hkum mazing la nga myit. Shaloi dai Madu gaw masin kawp nna matsan dum ai myit nanhte hpe madun dan na ra ai. Dai ni ngai nanhte hpe jaw made ai shi a hkang da ai ga ni yawng hpe madat mara hkan sa nna shi hpyi ai hte maren galaw ai rai yang, shi gaw nanhte a nji nwa ni hpe ga sadi tawn da nu ai hte maren nanhte hpe matsan dum nna law htam ai amyu masha shatai na rai wu ai.

TARA JAHPRANG 4:27

Dai Madu mung nanhte hta kachyi mi sha ngam mat hkra, nanhte hpe kaga masha amyu baw ni a kata de shabra kau na marin dai.