TARA JAHPRANG 30:1 - Jinghpaw Common Language Bible 2009

¹ “Ya chyawm gaw nanhte hpe shaman chyeju hte dagam dala hpe lata la na ahkang ngai jaw da made ai. Ndai lam yawng mayawng nanhte hta byin wa ai shaloi, dai Madu nanhte a Karai Kasang nanhte hpe shaden shabra kau dat ai masha amyu baw ni kaw nanhte nga nga myit dai shaloi ngai nanhte hpe lata la shangun ai lam hpe dum wa na marin dai.

Jinghpaw Hanson Version Bible

¹ “Rai timung, ndai lam yawng mayawng ngu ai, na a man e ngai tawn da ai shaman chyeju hte dagam dala dingnye nlang hte gaw, na ntsa e du nna, na a Karai Kasang Yehowa nang hpe shachyut kau ai mungdan shagu hte hta ndai lam ni hpe dum nga let,

TARA JAHPRANG 30:1 ပူးပေါင်းရင်းမြစ်များ

NINGPAWT NINGHPANG 4:14

Nang gaw ngai hpe ndai lamu ga kaw nna mung, na a man kaw nna mung shaden kau nga ndai. Ngai gaw ginding aga ntsa e nta n lu ai sha brak hkawm ai wa tai wa nna ngai hpe mu tam ai kadai wa mung ngai hpe sat kau na ra ai,” ngu nna tsun wu ai.

1 HKAWHKAM 8:34

shanhte a hpyi nem ai ga hpe sumsing lamu hta madat mara ya u. Na a amyu masha ni a yubak mara ni hpe raw dat kau ya nna shanhte a kaji kawa ni hpe jaw na ngu ai mungdan de bai woi wa u law.

2 HKAWHKAM LABAU 30:9

Nanhte gaw dai Madu hpang de kayin wa myit dai rai yang, bawng masha ni zawn woi mat wa ai hkrum ai nanhte a kahpu kanau jinghku ni hpe matsan yu dum nna, dum nta de bai nhtang wa shangun na ra ai. Dai Madu nanhte a Karai Kasang gaw myit galu kaba nna matsan dum nga ai majaw nanhte shi hpang de kayin wa jang, shi nanhte hpe hkap la na ra ai.”

NEHEMIA 1:9

Rai ti mung nanhte ngai kaw bai kayin wa nna nanhte hpe ngai hkang da ai amu galaw myit dai rai yang, lamu ga htum de nanhte shabra kau ai hkrum myit ti mung, ngai hpe nawku na matu lata san da ai shara de ngai nanhte hpe bai woi la na nngai.

ESAIA 46:8

“Yubak kap ai ni e, ndai amu hpe adum nga mu; ngai galaw sai amu hpe myit yu mu.

YEREMIA 29:14

Rai sa, nanhte ngai hpe mu tam na marin dai; ngai gaw nanhte hpe nanhte a mungdan hta bai wa shanu shangun na nngai. Ngai gaw nanhte hpe mungdan shara shagu hkan na hte nanhte hpe ngai shaden shabra kau dat ai shara shagu hkan na shinggyin la ai hte nanhte hpe shaden shabra kau ai mungdan kaw na ngai bai woi wa na nngai, nga nna tsun ai. Dai Madu ngai nan tsun ni ai,’ nga ai.

YEREMIA 3:13

Nang gaw mara lu nga ndai, nang gaw dai Madu na a Karai Kasang hpe gumlau kau nit dai hpe chyu sha yin la u. Nang gaw tsit lali ai hpun npu shagu hta maigan karai ni hpe na a tsaw ra myit jaw ya nhtawm nye a hkang da ai ga ni hpe nang n madat kau sai lam ni hpe yin la u. Dai Madu ngai nan tsun ni ai.

YEREMIA 8:3

Ngai shanhte hpe shaden kau dat ai shara ni hta e naw ngam nga ai ndai n hkru ai amyu masha ni gaw asak hkrung matut nga na hta si mat na hpe grau ra sharawng wa na mara ai. Chyahtum Chyalai N-gun rawng ai dai Madu ngai nan tsun ni ai.”

EZEKELA 18:28

Shi gaw shi hpa galaw yu sai amu ni hpe chye myit dum wa ai hte yubak galaw ai amu hpe kau da ai rai yang, shi gaw teng teng n si na ra ai, shi matut nna asak hkrung nga lu na ra ai.

EZEKELA 6:9

dai ni gaw bawng dung hkrum ai mung hta nga nga na mara ai. Shanhte a n kam ai myit masin ni hte ngai hpe kau da ai hte ngai hta hpara sumla ni hpe grau nna ra sharawng nga ma ai majaw, ngai shanhte hpe ari jaw ai hte jahpoi kau ni ai hpe shanhte dum chye wa na mara ai. Shanhte gaw shanhte galaw ai n hkru ai amu ni hte matsat shabat re ai grit nem ai amu galaw ai a majaw, shanhte hkum hpe nan matsat kau na mara ai.

ZEHKARIA 10:9

Ngai shanhte hpe masha amyu baw ni de shabra kau tim, sumtsan shara kaw nna ngai hpe adum nga na mara ai. Shanhte hte shanhte a kashu kasha ni hkrung nga lu nna, dum nta de rau nhtang wa lu na mara ai.

LUKA 15:17

Hpang jahtum shi a kraw hta dum hprang wa nna, ‘Nye wa a nta e shabrai sha nna bungli galaw ai masha ni gade wa n taw n tsang shat sha lu nga ma hka! Ngai wa gaw ndai yang e, kawsi kyet ai hte hten bya magang wa nga nngai.

TARA JAHPRANG 28:28

Dai Madu gaw nanhte hpe mana shangun nna, myi amam ai hte kaming kamawng kashuk kashak shabyin dat na ra ai.

TARA JAHPRANG 28:64

Dai Madu gaw ginding aga htum maga mi kaw nna, ginding aga a maga mi de du hkra masha amyu ni yawng hpang de nanhte hpe shabra kau na ra ai. Shing rai nang hte nanhte a nji nwa ni pyi shawng de galoi mung n nawku yu ai dai hpun nlung hte galaw ai hpara ni hpe nawku daw jau na marin dai.

TARA JAHPRANG 29:27

Dai rai nna shi a amyu masha ni hte shanhte a mungdan hpe dai Madu pawt sindawng wu ai rai nna dai laika hta ka da ai tsin-yam tsindam ni hpe shapraw dat wu ai.

TARA JAHPRANG 29:28

Dai Madu a masin kahtet let pawt sindawng ai gaw grung wa ai rai nna, de a majaw shanhte hpe mungdan kaw nna shaw shapraw kau nhtawm maigan mung de gawt shapraw kau wu ai rai nna dai yang e dai ni du hkra nga nga ma ai,’ ngu nna htan na rai ma ai.

TARA JAHPRANG 30:15

“Kaja ai hte n kaja ai hpe mung, asak hkrung ai hte si hkrung si htan lam hpe mung lata la na ahkang, dai ni, ngai nanhte hpe jaw nga nngai.

TARA JAHPRANG 30:19

Ngai gaw nanhte hpe asak hkrung lam hte si hkrung si htan lam, Karai Kasang a chyeju hte Karai Kasang a dagam dala lam hpe lata la na lam, jaw ya nga nngai. Dai rai nna shing re ai lam hpe lata la nna sumsing lamu hte ginding aga hpe sakse da ya nngai. Dai majaw asak hkrung lam hpe mahtang lata la mu.

TARA JAHPRANG 32:36

Shanhte n-gun htum mat ai hpe shi mu ai shaloi, dai Madu gaw shi a amyu masha ni hpe hkye mawai la na ra ai. Shanhte hpe karum la na masha n nga ai hpe shi mu ai shaloi, shi gaw shi hpe daw jau ai ni hpe matsan dum ai myit madun dan na ra ai.