TARA JAHPRANG 3:6 - Jinghpaw Common Language Bible 2009

⁶ Heshbon Hkawhkam Sihon madu tawn ai mare ni hpe anhte dang la kau ga ai zawn, ndai mare ni yawng hpe mung anhte hpya jahten kau nhtawm lasha, numsha ni hte ma kaji ni yawng hpe sat kau ga ai.

Jinghpaw Hanson Version Bible

⁶ Hesbon hkawhkam Sihon hpe di ai zawn, dai mare ni hpe mung, anhte di gaw ai: mare ninghkrin nlang hte hta na, numsha, lasha, ma kaji yawng hpe atsai awai hpya kau gaw ai.

TARA JAHPRANG 3:6 ပူးပေါင်းရင်းမြစ်များ

BU HKAWM 21:2

Dai hpang Israela amyu masha ni dai Madu hpe, “Ndai masha ni hpe dang shangun mi ai rai yang, shanhte hte shanhte a mare ni hpe nang Madu kaw ap ya nna, la hpa shara n nga mat hkra akrin atsai jahten kau na ga ai,” ngu nna dagam ma ai.

TARA JAHPRANG 1:4

Ndai lam gaw Heshbon mare e hkaw dung ai Amori Hkawhkam Sihon hte Edri, Ashtarot e hkaw dung ai Bashan Hkawhkam Oga yan hpe dang kau ai hpang, dai Madu tsun ai ga rai nga ai.

TARA JAHPRANG 2:24

“Anhte Moba mung hpe ga lai mat wa ai hpang, dai Madu gaw anhte hpe, ‘Ya chyawm gaw rawt hkawm sa wa manu, Arnon hka rap di manu. Amori masha Heshbon Hkawhkam Sihon hte hpawn shi a lamu ga, ngai nanhte a lata hta ap ya nga nngai; shi a lamu ga hpe madu la magang na matu shi hpe htim gasat magang mu.

TARA JAHPRANG 2:34

Dai shaloi e nan, anhte gaw mare nga manga ni kashun la nhtawm jahten kau ya ga ai; lasha, numsha hte ma kaji ni yawng hpe mung sat kau ga ai rai nna hkrung nga ai masha langai mi hpe mung n ngam da ga ai.

TARA JAHPRANG 29:6

Nanhte gaw sha na matu muk, lu na matu sabyi ntsin hte chyaru n lu myit dai rai ti mung, shi gaw nanhte a Karai Kasang rai nga ai lam nanhte hpe sharin shaga na nga nanhte hta ra kadawn nga ai lam ni hpe dai Madu jaw ya nu ai.

TARA JAHPRANG 3:2

Rai ti mung, dai Madu gaw ngai hpe, ‘Shi hpe hkum hkrit et; shi hpe mung shi a masha ni hte shi a lamu ga yawng mung, na a lata hta ap ya nga nngai. Heshbon mare e hkaw dung ai Amori Hkawhkam Sihon hpe nang dang kau ai zawn shi hpe mung dang kau na rai ndai,’ ngu nna tsun wu ai.

TARA JAHPRANG 3:5

Dai mare ni yawng gaw tsaw ai bunghku ni, chyinghka ni, htinggrang ni hte shangang da nna bunghku n kum ai kahtawng law law mung nga nga ai.

YAWSHU 11:14

Israela amyu masha ni gaw dai mare hkan na manu dan ai lanep arai ni hte yam nga ni yawng la nna shanhte a matu dai ni hpe kyem da nga ma ai. Rai ti mung, masha shagu hte hpe chyawm gaw sat kau nna kadai mung n hkrung lu nga ma ai.