TARA JAHPRANG 3:5 - Jinghpaw Common Language Bible 2009

⁵ Dai mare ni yawng gaw tsaw ai bunghku ni, chyinghka ni, htinggrang ni hte shangang da nna bunghku n kum ai kahtawng law law mung nga nga ai.

Jinghpaw Hanson Version Bible

⁵ Dai mare ni yawng gaw bunghku tsaw ai hte chyinghka hkik nna htinggrang brep brep rai kum ai hkrai rai nga ai; dai hta kaga bunghku n kum ai kahtawng law law mung naw lawm nga ai.

TARA JAHPRANG 3:5 ပူးပေါင်းရင်းမြစ်များ

NEHEMIA 9:25

Na a amyu masha ni gaw bunghku kum ai mare ni, ga sau rawng ai lamu ga, sut gan hpring hkra rawng ai dum nta ni, htu da chyalu hka htung ni, tsanlun hpun ni, namsi hpun ni, hte sabyi sun ni hpe zing la nga ma ai. Shanhte gaw sha mayu ai mahkra sha ai hte hpum wa ma ai; shanhte gaw nang jaw ya ai mai kaja ai arung arai yawng a majaw kabu gara nga ma ai.

ESHTA 9:19

Dai re ai majaw kahtawng kaji hkan nga ai Yuda masha ni gaw Adara shata shi mali ya shani hpe kabu gara ai bansa shani shatai nhtawm lusha poi galaw nna langai hte langai kumhpa ni karan jaw hkat nga ma ai.

BU HKAWM 13:28

Rai ti mung dai mungdan hta nga ai masha ni chyawm gaw n-gun ja ma ai. Shanhte nga ai mare ni mung grai kaba nhtawm bunghku kum da ai mare ni rai ma ai; dai hta grau yu mau na zawn re ai galu kaba ai amyu ni hpe mung anhte mu kau da saga ai.

TARA JAHPRANG 1:28

Anhte dai de hpa majaw lung wa na rai nga ga ta? Anhte hkrit ga ai. Anhte shangun dat ai masha ni mung dai mung na masha ni anhte hta grau n-gun ja ai hte hkum shingyan mung tsaw ma ai; shanhte gaw lamu dep bunghku hte kum da ai mare ni hta rawng nga ma ai. Shanhte gaw dai mung na grai galu kaba ai masha ni hpe mu ma ai!,’ nga nna tsun dan let shada da aput myit dai.

TARA JAHPRANG 3:4

Dai aten hta shanhte a mare ni yawng hpe anhte hpya kau ga ai rai nna anhte n dang la lu ai mare langai mi mung n ngam nga sai. Bashan hkawhkam up hkang ai Argoba ginwang na mare ni yawng kru shi tup hpe anhte madu kau lu saga ai.

TARA JAHPRANG 3:6

Heshbon Hkawhkam Sihon madu tawn ai mare ni hpe anhte dang la kau ga ai zawn, ndai mare ni yawng hpe mung anhte hpya jahten kau nhtawm lasha, numsha ni hte ma kaji ni yawng hpe sat kau ga ai.

HEBRE 11:30

Kam sham ai hte Israela amyu masha ni gaw, sanit ya tup Yerihko mare hpe yan shinggrup ngut jang, dai mare bunghku ni hpe daw ru kau mat shangun lu ma ai.

1 SAMUELA 6:18

Shanhte gaw aja hte galaw ai yu sumla ni hpe mung bunghku kum ai mare ni hte bunghku n kum ai kahtawng ningchyawng lahkawng yan hpe up hkang nga ai Hpilisti hkawhkam manga ni a mare shagu a matu langai hpra hpra shagun dat ya ma ai. Dai Madu a Ga Shaka Sumpu hpe Bet Sheme mare na Yawshu a yi hta nga ai lunghtawn ntsa e shanhte tawn da nga ai rai nna, dai yang e hpa byin lai wa sai lam ya du hkra sakse langai zawn naw nga nga ai.