TARA JAHPRANG 3:3 - Jinghpaw Common Language Bible 2009

³ Dai rai nna dai Madu mung Hkawhkam Oga hte shi a masha ni hpe anhte a lata hta ap ya mi ai rai nna shanhte yawng hpe anhte sat kau saga ai.

Jinghpaw Hanson Version Bible

³ Shing nga anhte a Karai Kasang Yehowa gaw Bashan hkawhkam Oga hte shi a masha ni nlang hte mung, anhte a lata hta ap mi ai rai nna, shi a matu ngu na langai mi muk n ngam hkra sat kau gaw ai.

TARA JAHPRANG 3:3 ပူးပေါင်းရင်းမြစ်များ

SHAKAWN KUNGDAWN 136:20

Bashan hkawhkam Oga hpe sat kau nu ai; shi a tsaw ra myit htani htana agrin nga ai.

BU HKAWM 21:35

Dai rai nna Israela amyu masha ni gaw Oga hte shi a shadang sha ni hpe mung, shi a masha ni yawng hpe mung, langai mi mung n ngam da hkra sat kau ma ai. Dai hpang shi a lamu ga hpe mung shanhte shang gasat la kau ya mu ai.

TARA JAHPRANG 29:6

Nanhte gaw sha na matu muk, lu na matu sabyi ntsin hte chyaru n lu myit dai rai ti mung, shi gaw nanhte a Karai Kasang rai nga ai lam nanhte hpe sharin shaga na nga nanhte hta ra kadawn nga ai lam ni hpe dai Madu jaw ya nu ai.

TARA JAHPRANG 3:2

Rai ti mung, dai Madu gaw ngai hpe, ‘Shi hpe hkum hkrit et; shi hpe mung shi a masha ni hte shi a lamu ga yawng mung, na a lata hta ap ya nga nngai. Heshbon mare e hkaw dung ai Amori Hkawhkam Sihon hpe nang dang kau ai zawn shi hpe mung dang kau na rai ndai,’ ngu nna tsun wu ai.

TARA JAHPRANG 3:4

Dai aten hta shanhte a mare ni yawng hpe anhte hpya kau ga ai rai nna anhte n dang la lu ai mare langai mi mung n ngam nga sai. Bashan hkawhkam up hkang ai Argoba ginwang na mare ni yawng kru shi tup hpe anhte madu kau lu saga ai.

TARA JAHPRANG 4:47

Shanhte gaw shi a lamu ga hpe mung, Yawdan hka a sinpraw maga hkaw dung ai kaga Amori hkawhkam langai rai nga ai Bashan Hkawhkam Oga a lamu ga hpe mung madu la kau ya ma ai.

YAWSHU 13:12

Ashtarot hte Edri mare ni hpe up ai Rehpim amyu hta na hpang jahtum hkaw dung ai Oga a mungdan ting lawm nga ai. Dai masha amyu ni hpe Mawshe gasat dang nna gawt shapraw kau wu ai.

YAWSHU 13:30

Shanhte a lamu ga gaw Mahanim hte Bashan yawng hte Bashan Hkawhkam Oga a mungdan ting, Bashan mung Yaira kahtawng kru shi yawng lawm nga ai.