TARA JAHPRANG 3:24 - Jinghpaw Common Language Bible 2009

²⁴ nang galaw nga ai galu kaba ai hte mauhpa amu ni, ngai hpe chyu sha nang madun hpang nit dai hpe gaw ngai chye nngai. Nang galaw shapraw dan sai daru magam n-gun hte hpring ai amu ni hpe galaw lu ai karai gaw sumsing lamu e mung, ginding aga ntsa e mung kadai n nga nga sai!

Jinghpaw Hanson Version Bible

²⁴ ‘Yehowa Madu e, Nang gaw na a mayam hpe na a galu kaba ai hte, na a n-gun ja ai lata madun hpang nit dai: nang zawn daru magam bungli hte hpung shingkang amu shapraw lu ai Karai Kasang gaw, sumsing lamu hte ginding aga ntsa e kadai wa nga a ta?

TARA JAHPRANG 3:24 ပူးပေါင်းရင်းမြစ်များ

2 SAMUELA 7:22

Tsaw Htum ai Madu e, nang gaw gade wa galu kaba nga n hka! Nang hte bung ai mi kadai n nga nga ai; nang chyu sha Karai Kasang rai nga ndai gaw anhte tut nawng chye da nga saga ai.

2 HKAWHKAM LABAU 6:14

Shi gaw, “Dai Madu Israela a Karai Kasang e, sumsing lamu hte ginding aga yawng hta nang hte bung ai karai kasang n nga nga ai. Na a amyu masha ni hte tawn da ai na a ga shaka hpe nang shadik shatup nhtawm nang hpe myit masin mahkra hte hkan sa madat mara let nga nga ma yang, shanhte hpe na a tsaw ra myit madun dan nga ndai.

NEHEMIA 9:32

“O Karai Kasang, anhte a Karai Kasang, Nang gaw kade sha galu kaba nga a hka! Kade sha hkrit mai nga a hka! Kade sha daru magam n-gun rawng nga a hka! Nang gaw ga shaka hte seng ai ga sadi ni hpe sadi sahka hte shatup ndai. Asuri hkawhkam ni anhte hpe dip gamyet sha ai aten kaw nna, ya du hkra pyi, anhte nni nkri kade daram hkam sha kau nga saga hka! Anhte a hkawhkam ni, anhte a ningbaw ni, anhte a hkinjawng ni hte myihtoi ni, anhte a kaji kawa ni hte anhte a amyu masha ni yawng nni nkri hkam sha kau nga saga hka! Anhte nni nkri kade daram hkam sha kau saga ai hpe adum nga u law!

SHAKAWN KUNGDAWN 106:2

Shi galaw dan sai mauhpa magam amu ni yawng hpe kadai wa tsun hkai dan lu nga a ta? Shi a hpung shingkang arawng sadang nga manga hte hpe kadai wa shakawn lu nga a ta?

SHAKAWN KUNGDAWN 145:3

Madu gaw galu kaba nga ai majaw, nachying shakawn ging ai wa rai nga ai; shi a galu kaba ai lam hpe n dang chye lu nga ai.

SHAKAWN KUNGDAWN 145:6

Na a daru magam amu ni hpe masha amyu ni htawn tsun dan na mara ai; na a galu kaba ai lam hpe mung, ngai htawn tsun nga na nngai.

SHAKAWN KUNGDAWN 150:2

Shi galaw dan sai mauhpa magam bungli a matu shi hpe shakawn mu. Shadawn n dang lu ai shi a galu kaba galu kaba ai amu hpe, shakawn kungdawn mu.

SHAKAWN KUNGDAWN 35:10

“Nang hte bung ai wa langai mi mung n nga nga ai, nang gaw n-gun ja ai wa a lata kaw na gawng kya nga ai wa hpe, dip gamyet sha ai wa a lata kaw na matsan mayan wa hpe makawp maga ya nga ndai,” ngu nna nye a myit masin mahkra hte dai Madu hpe tsun dan na nngai.

SHAKAWN KUNGDAWN 71:19

Karai Kasang e, na a ding man ai lam gaw lamu ni de dep nga ai. Galu kaba ai magam bungli ni hpe nang galaw nit dai, nang zawn re ai wa langai mi mung n nga nga ai.

SHAKAWN KUNGDAWN 86:8

Madu e, nang hte bung ai karai langai mi mung n nga nga ai. Nang galaw da lu sai amu ni zawn, kadai mung n lu galaw nga ai.

SHAKAWN KUNGDAWN 89:6

Madu e, sumsing lamu hta e, nang hte bung ai wa kadai mung n nga nga ai; sumsing sha ni kadai mung nang hte shabung lu nga ai n rai.

SHAKAWN KUNGDAWN 89:8

Chyahtum Chyalai n-gun rawng ai Madu Karai Kasang e, nang zawn daru magam n-gun rawng ai wa kadai mung n nga nga ai; Madu e, nang gaw lam shagu hta sadi sahka nga ai wa rai nga ndai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

PRU MAT 8:10

Hkawhkam wa gaw, “Nye a matu hpawt de mahtang hpyi nem ya e,” ngu nna htan wu ai. Mawshe gaw, “Nang san ai hte maren ngai galaw na rai nna anhte a Madu Karai Kasang zawn re ai karai kaga n nga ai hpe nang chye lu na rai ndai.

PRU MAT 9:14

Ndai lang chyawm gaw na a du salang ni hte na a amyu masha ni hpe chyu sha ngai ari jaw na n rai; rai ti mung, nang hpe du hkra pyi ngai ari jaw na we ai. Mungkan ga ting hta ngai zawn re ai langai mi mung n nga ai hpe nang chye lu na rai ndai.

ESAIA 40:18

Karai Kasang hpe kadai hte shadawn lu a ta? Shi gaw kadai hte bung nga ai lam nang kaning rai tsun dan lu na n ta?

ESAIA 40:25

Chyoi pra ai Karai Kasang hpe kadai hte shadawn lu a ta? Shi hte bung ai wa mi nga nga a ni?

YEREMIA 10:6

Madu e, nang hte bung ai wa langai mi mung n nga nga ai; nang gaw chyalai n-gun rawng ai wa rai nga ndai, na a amying nsang gaw galu kaba ai hte daru magam n-gun rawng nga ai.

Daniela 3:29

“Ya chyawm gaw amyu baw shagu, amyu bawsang shagu hte ga amyu myu tsun ai amyu ni hta kadai rai ti mung Shadrak, Meshak hte Abednego ni a Karai Kasang hpe n gawn n sawn di ai rai yang, shi gaw kahtum kadaw di kau ai hkrum nna shi a nta mung run sumpum kau ai hkrum lu na rai nga ai. Ndai zawn hkye mawai la lu ai karai shaje kanang e mung nga nga ai n rai,” ngu nna hkang dat wu ai.

BU HKAWM 23:23

Israela amyu baw hpe matsa ai hta lawng hpaji, hpyi lamum hpaji hpa mung shang lu na n rai; Ya chyawm gaw masha amyu ni Israela a lam hpe, ‘Yu mu, Karai Kasang shing di kau nu hka!,’ ngu nna kajai na mara ai.

TARA JAHPRANG 11:2

Dai Madu hte rau nanhte hkrum kadup ai mahkrum madup lam a majaw nanhte sharin la lu manit dai shi a lam hpe dai ni adum nga mu. Dai gaw nanhte a kashu kasha ni n rai, dai mahkrum madup lu la sai nanhte she rai nga ai. Shi a galu kaba ai daru magam n-gun hte chyalai n-gun hte hpring ai shi a mauhpa magam amu ni hpe nanhte mu manit dai.

TARA JAHPRANG 3:23

“Dai aten hta ngai gaw, ‘Tsaw Htum ai Madu e,

TARA JAHPRANG 32:3

Ngai gaw dai Madu a mying ningsang hpe shakawn na nngai; shi a amyu masha ni gaw shi a galu kaba ai amu hpe tsun dan na mara ai.