TARA JAHPRANG 3:22 - Jinghpaw Common Language Bible 2009

²² Shanhte hpe hkum hkrit et, dai Madu na a Karai Kasang gaw na a matu gasat ya na ra ai.’

Jinghpaw Hanson Version Bible

²² Dai ni hpe hkum hkrit myit: kaning rai nme law, nanhte a Karai Kasang Yehowa gaw nanhte hpang maga majan gasat nga ai,’ ngu nna hkang da we ai.

TARA JAHPRANG 3:22 ပူးပေါင်းရင်းမြစ်များ

2 HKAWHKAM LABAU 13:12

Karai Kasang shi nan anhte a ningbaw rai nga ai rai nna shi a hkinjawng ni mung pahtau ni hte ndai yang e nga nga ma ai majaw pahtau dum na matu jin jin galaw da nga ai hte nanhte hpe majan gasat na matu anhte hpe shaga nga ma ai. Dai rai nna Israela amyu masha ni e, dai Madu nanhte a kaji kawa ni a Karai Kasang hpe hkum gasat myit! Nanhte dang lu na myit dai n rai!”

2 HKAWHKAM LABAU 20:17

Nanhte gaw ndai majan hpe n gasat ra na myit dai; shara sha la nna ala nga mu; dai Madu gaw nanhte hpe awng padang jaw ai hpe mu lu na marin dai. Yuda mung hte Yerusalem mare e nga ai amyu masha ni e, hkum hkrit, hkum kanung nga myit, majan pa de pru sa wa mu; dai Madu gaw nanhte hte rau rai na ra ai,” ngu nna tsun wu ai.

2 HKAWHKAM LABAU 20:29

Dai Madu gaw Israela a gumlau hpyen ni hpe kaning rai gasat dang kau nu ai lam hpe amyu baw shagu na nna hkrit kajawng nga ma ai.

NEHEMIA 4:20

Nanhte gaw pahtau dum ai nsen hpe na jang, ngai kaw wa hpawng mi. Anhte a Karai Kasang gaw anhte a matu gasat ya na ra ai,” ngu nna tsun wu ai.

SHAKAWN KUNGDAWN 44:3

Na a amyu masha ni gaw dai lamu ga hpe shanhte a nhtu ni hte gasat dang la lu ma ai n rai; shanhte a n-gun atsam hte dai mung hpe lu la ai n rai. Dai gaw na a daru magam atsam hte na a chyalai n-gun shanhte hpe na a tsaw ra myit madun sai ngu ai nang shanhte hte rau shanu nga ai ga sadi ni a majaw rai nga ai.

PRU MAT 14:14

Dai Madu gaw nanhte hpa mung n galaw ra hkra, nanhte a matu gasat ya na ra ai,” ngu nna tsun wu ai.

PRU MAT 14:25

Shi gaw shanhte a leng dingsen ni hpe malawk kau ya mu ai rai nna, shanhte grai sa yak nga ma ai. Egutu masha ni gaw, “Dai Madu gaw Israela maga de tsap nna anhte hpe gasat mi ai. Anhte ndai yang kaw nna hprawng mat wa saga!,” ngu nna tsun ma ai.

BU HKAWM 21:34

Dai Madu gaw Mawshe hpe, “Shi hpe hkum hkrit et; shi hte shi a masha yawng hpe mung, shi a lamu ga hpe mung dang la kau na ahkang nang hpe ngai jaw na de ai. Heshbon mare na Amori Hkawhkam Sihon hpe shamyit kau ai zawn shi hpe mung shamyit kau na rai ndai,” ngu nna tsun wu ai.

TARA JAHPRANG 1:30

Dai Madu nanhte a Karai Kasang gaw nanhte hpe woi awn nna Egutu mung hte nam mali e shi galaw nu ai zawn shi gaw nanhte a matu gasat ya na ra ai.

TARA JAHPRANG 20:1

“Gumlau hpyen ni hpe nanhte htim gasat sa wa ai shaloi, gumra hte hpyen leng ni hpe mung, nanhte hta grau law ai hpyen luksuk ni hpe nanhte mu myit dai shaloi, shanhte hpe hkum yu hkrit myit. Nanhte hpe Egutu mung kaw na shaw woi wa ai dai Madu nanhte a Karai Kasang gaw nanhte hte rau rai nga na ra ai.

TARA JAHPRANG 20:4

Dai Madu nanhte a Karai Kasang gaw nanhte hte rau sa wa nga ai rai nna shi nanhte hpe awng padang jaw ya na ra ai,’ ngu nna tsun na rai wu ai.

TARA JAHPRANG 3:21

“Dai hpang Yawshu hpe ngai matsun ni ai: ‘Dai Madu na a Karai Kasang gaw ndai Sihon hte Oga hkawhkam lahkawng yan hta galaw dan sai lam yawng mayawng hpe nang mu nit dai; nang shang gasat na lamu ga na masha shagu hte hpe mung dai hte maren shi galaw na ra ai.

TARA JAHPRANG 3:23

“Dai aten hta ngai gaw, ‘Tsaw Htum ai Madu e,

YAWSHU 10:42

Dai Madu Israela a Karai Kasang gaw Israela a matu gasat ya nga ai majaw, Yawshu gaw dai hkawhkam ni yawng hte shanhte a lamu ga ni hpe kalang dat gasat la lu wu ai.

YAWSHU 23:10

Dai Madu nanhte a Karai Kasang gaw shi a ga sadi hte maren, nanhte a matu majan gasat ya nga ai majaw nanhte hta na marai langai mi masha hkying mi hpe jahtaw kau lu nga myit dai.