TARA JAHPRANG 3:14 - Jinghpaw Common Language Bible 2009

¹⁴ Manashe amyu bawsang na Yaira gaw Bashan mung ngu ai Argoba ginwang ting hpe Geshuri hte Mahka masha ni a lamu ga jarit du hkra madu la wu ai. Shi up hkang ai shaloi dai kahtawng ni hpe shi a mying shamying ya wu ai majaw dai ni du hkra dai shara ni hpe Yaira kahtawng ni ngu ma ai hpe chye lu nga ai.)

Jinghpaw Hanson Version Bible

¹⁴ Manashe a kasha Ya-ira gaw Argoba ginwang ting hpe, Geshuri hte Mahkahti masha ni a lamu ga jarit du hkra madu la nhtawm, shi a mying hkan nna, dai ni du hkra dai Bashan mung a mare ni hpe Hawot-Ya-ira ngu nna shamying da wu ai.)

TARA JAHPRANG 3:14 ပူးပေါင်းရင်းမြစ်များ

2 SAMUELA 10:6

Amon masha ni gaw Dawi hpe shanhte a gumlau hpyen shatai kau nga masai hpe dum hprang wa ma yang, Berehoba hte Zoba mare na Suri hpyenla mun lahkawng, Toba mare na mun mi hkying lahkawng hte Mahka hkawhkam kaw na masha hkying mi saw la nga ma ai.

2 SAMUELA 13:37

Absalom mahtang hprawng mat wa nhtawm Geshura Hkawhkam Amihu a kasha Talamai hpang de sa nna dai yang e masum ning sa nga nga wu ai. Dawi chyawm gaw shi a kasha Amnon a majaw na na sharung shayawt nga ai,

2 SAMUELA 14:23

Dai hpang shi gaw Geshura de sa nna Absalom hpe Yerusalem mare de bai woi wa wu ai.

2 SAMUELA 20:26

Yaira mare na Ira mung Dawi a hkinjawng langai mi rai nga ai.

2 SAMUELA 3:3

Hkarmela mare na Nabala a gaida jan kanu Abigala a kasha Hkilab, Geshura Hkawhkam Talamai a shayi sha kanu Mahka a kasha Absalom;

SHAKAWN KUNGDAWN 49:11

Shanhte gaw shanhte a lamu ga ni hpe kalang mi madu da yu sai ni rai nga ma ti mung; shanhte a lup sung hku ni gaw shanhte a htani htana dum nta rai nga ma ai; shanhte gaw dai shara hta aten tup rawng nga ma ai.

YEREMIA 40:8

Dai rai nna, Nehtania a kasha Ishmaela, Karea a kasha Yohanan hte Yonahtan, Tanhumet a kasha Seraia, Netohpa amyu Ehpai a shadang sha ni hte Mahka amyu Yezania ni gaw shanhte a masha ni hte rau Mizpa mare e nga ai Gedalia hpang de du ma ai.

BU HKAWM 32:41

Manashe amyu bawsang hta na Yaira mung dai mung na kahtawng nkau mi hpe htim gasat la lu ai majaw dai shara hpe “Yaira a kahtawng ni” ngu nna shamying da nga ai.

TARA JAHPRANG 3:13

Naw ngam ai Gilead mung daw mi hte Oga up hkang lai wa sai Bashan mung ting hta na Argoba ginwang mahkra gaw Manashe amyu bawsang kau chyen mi hpe ngai ap ya kau se ai.” (Bashan gaw Rehpim masha ni a lamu ga rai nga ai ngu chye lu nga ai.

TARA JAHPRANG 3:4

Dai aten hta shanhte a mare ni yawng hpe anhte hpya kau ga ai rai nna anhte n dang la lu ai mare langai mi mung n ngam nga sai. Bashan hkawhkam up hkang ai Argoba ginwang na mare ni yawng kru shi tup hpe anhte madu kau lu saga ai.

YAWSHU 12:5

Shi a mungdan gaw Hermon bum, Saleka, Geshuri Mahka lamu ga jarit hte Gilead mung chyen mi du hkra dam ai Bashan mung ting, Heshbon Hkawhkam Sihon a lamu ga jarit htep lawm nga ai.

YAWSHU 13:13

Rai tim, Israela amyu masha ni mahtang Geshuri hte Mahkahti masha ni hpe n gasat shapraw kau ma ai majaw Israela mung hta naw nga ma ai.