TARA JAHPRANG 3:1 - Jinghpaw Common Language Bible 2009

¹ “Dai hpang, anhte mung dingdung maga Bashan ginwang de shanang lung wa ga ai rai nna, Hkawhkam Oga mung shi a masha ni yawng hte anhte hpe hkap gasat na matu, Edri mare makau de pru sa wa ma ai.

Jinghpaw Hanson Version Bible

¹ Bai anhte kayin nna Bashan mung lam hku lung wa ga ai: Bashan hkawhkam Oga mung shi a masha ni nlang hte hte Edri shara e anhte hpe hkap gasat na nga pru sa wa ai.

TARA JAHPRANG 3:1 ပူးပေါင်းရင်းမြစ်များ

1 HKAWHKAM 4:19

Uri a kasha Gebera: Amori hkawhkam Sihon hte Bashan hkawhkam Oga yan up hkang lai wa sai Gilead ginwang Ndai shi lahkawng hta kaga, mung ting hpe yu ai mung du langai naw nga nga ai.

NEHEMIA 9:22

“Nang gaw shanhte hpe masha amyu baw ni hte jarit masat da ya ai shanhte a mungdan ni hpe madu la shangun nga ndai. Shanhte gaw Sihon up ai Heshbon lamu ga hte hkawhkam Oga up ai Bashan mung hpe madu la nga ma ai.

SHAKAWN KUNGDAWN 136:20

Bashan hkawhkam Oga hpe sat kau nu ai; shi a tsaw ra myit htani htana agrin nga ai.

TARA JAHPRANG 1:4

Ndai lam gaw Heshbon mare e hkaw dung ai Amori Hkawhkam Sihon hte Edri, Ashtarot e hkaw dung ai Bashan Hkawhkam Oga yan hpe dang kau ai hpang, dai Madu tsun ai ga rai nga ai.

TARA JAHPRANG 2:32

Sihon gaw shi a masha ni yawng hte Yahaza mare makau e anhte hpe hkap gasat na nga, pru sa wa nga ai;

TARA JAHPRANG 29:7

Anhte gaw ndai shara de pru sa wa ai shaloi, Heshbon Hkawhkam Sihon hte Bashan Hkawhkam Oga anhte hpe hkap gasat na nga pru sa wa ma ai. Rai ti mung anhte gaw shanhte hpe dang kau lu nna,

TARA JAHPRANG 3:2

Rai ti mung, dai Madu gaw ngai hpe, ‘Shi hpe hkum hkrit et; shi hpe mung shi a masha ni hte shi a lamu ga yawng mung, na a lata hta ap ya nga nngai. Heshbon mare e hkaw dung ai Amori Hkawhkam Sihon hpe nang dang kau ai zawn shi hpe mung dang kau na rai ndai,’ ngu nna tsun wu ai.

TARA JAHPRANG 31:4

Dai Madu gaw Amori hkawhkam ni rai nga ai Sihon yan Oga hpe dang kau nhtawm shan a mungdan hpe jahten kau ya wu ai zawn dai masha ni a mung hpe shamyit kau na rai wu ai.

TARA JAHPRANG 4:47

Shanhte gaw shi a lamu ga hpe mung, Yawdan hka a sinpraw maga hkaw dung ai kaga Amori hkawhkam langai rai nga ai Bashan Hkawhkam Oga a lamu ga hpe mung madu la kau ya ma ai.

YAWSHU 12:1

Israela amyu masha ni gaw Yawdan hka a sinpraw maga Arnon Kadit kaw nna Yawdan Kadit a hka hku maga, dingdung maga Hermon Bum de du hkra gasat madu la kau nga masai. Shanhte gaw hkawhkam lahkawng yan hpe dang kau ma ai.

YAWSHU 12:4

Shanhte mung Rehpim amyu hta na hpang jahtum hkawhkam langai rai nga ai Bashan Hkawhkam Oga hte shi hkaw dung ai Ashtarot hte Edri mare ni hpe gasat dang la ma ai.

YAWSHU 13:30

Shanhte a lamu ga gaw Mahanim hte Bashan yawng hte Bashan Hkawhkam Oga a mungdan ting, Bashan mung Yaira kahtawng kru shi yawng lawm nga ai.