TARA JAHPRANG 28:9 - Jinghpaw Common Language Bible 2009

⁹ “Dai Madu nanhte a Karai Kasang a ga madat mara let, shi hkang da mada hpe hkan galaw myit dai rai yang, shi ga sadi tawn da nu ai hte maren, nanhte hpe shi a amyu masha majing shatai la na ra ai.

Jinghpaw Hanson Version Bible

⁹ Na a Karai Kasang Yehowa a hkang da ai ga nang shatup nna shi a lam hkan sa n yang gaw, shi nang hpe dagam da ai hte maren, nang hpe shi a matu chyoi pra ai amyu shatai nga na rin dai.

TARA JAHPRANG 28:9 ပူးပေါင်းရင်းမြစ်များ

NINGPAWT NINGHPANG 17:7

“Nang hte mung, du na ra ai ban na na a amyu matu ni hte mung htani htana ga shaka ngu ai nye a ga sadi hpe ngai shatup na nngai. Ngai gaw na a Karai Kasang mung, na a amyu matu ni a Karai Kasang mung tai nga na nngai.

SHAKAWN KUNGDAWN 87:5

Ziun chyawm gaw amyu baw yawng hte hte seng nga ai; Chyahtum Chyalai n-gun rawng ai Wa gaw dai bum hpe shangang shakang da na ra ai, nga nna tsun pru wa na mara ai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

ESAIA 1:26

Ngai gaw nanhte hpe moi moi e nanhte hta nga yu sai zawn re ai mung du ni hte hpaji jaw sara ni hpe jaw ya na nngai. Dai hpang Yerusalem gaw ding hpring ai, sadi dung ai mare ngu shamying hkrum na ra ai.”

ESAIA 62:12

Nang gaw, “Karai Kasang a Chyoi Pra Ai Amyu Masha, Dai Madu Hkye Hkrang La Sai Amyu Masha,” ngu nna shaga hkrum na ra ai. Yerusalem gaw, “Karai Kasang Tsaw Ra Ai Mare, Karai Kasang N Kau Da Ai Mare,” ngu nna shaga hkrum na ra ai.

YEREMIA 11:5

Shanhte ya shanu nga sai dai ngamu ngamai nna ningru ningja ai mungdan ngu ai shanhte hpe ngai jaw na ngu nna shanhte a kaji kawa ni hpe ngai dagam da ai ga sadi hpe ngai shagrin na we ai,” ngu nna tsun ni ai. Ngai gaw, “Rai sa, Madu e,” ngu nna tsun nngai.

TARA JAHPRANG 13:17

Shing rai yang jahten sharun kau na matu daw dan da sai mare na arai hpa hpe mung nanhte a matu hkum mazing la nga myit. Shaloi dai Madu gaw masin kawp nna matsan dum ai myit nanhte hpe madun dan na ra ai. Dai ni ngai nanhte hpe jaw made ai shi a hkang da ai ga ni yawng hpe madat mara hkan sa nna shi hpyi ai hte maren galaw ai rai yang, shi gaw nanhte a nji nwa ni hpe ga sadi tawn da nu ai hte maren nanhte hpe matsan dum nna law htam ai amyu masha shatai na rai wu ai.

TARA JAHPRANG 7:6

Dai Madu nanhte a Karai Kasang gaw nanhte hpe madu da nga myit dai majaw dai amu galaw mu. Shi hte seng ai laksan amyu masha majing shatai na nga, ginding aga ntsa ting na masha amyu yawng hta na nanhte hpe lata la manit dai.

TARA JAHPRANG 7:8

Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai Madu nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

2 HTESALONI 3:3

Rai ti mung Madu gaw kangka nga ai rai nna, shi gaw nanhte hpe myit n-gun shaja ya ai hte N hkru N kaja Ai Wa a hpyen ai kaw na makawp maga na ra ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.