TARA JAHPRANG 28:52 - Jinghpaw Common Language Bible 2009

⁵² Dai Madu nanhte a Karai Kasang nanhte hpe jaw ya nga ai mungdan na mare shagu hpe shanhte gasat kau na mara ai; nanhte yu kam ai dai tsaw nna ngang ai mare bunghku ni daw agrawp mat na ra ai.

Jinghpaw Hanson Version Bible

⁵² Na mungdan hkan na, nang shamyet kam da ai mare bunghku, dai tsaw ai hte ngang ai bunghku ni, ndaw nru mat dingsa, na a mare ni hpe wang tawn na maru ai: na a Karai Kasang Yehowa nang hpe jaw ai mungdan shara shagu na mare nga manga hpe wang tawn na maru ai.

TARA JAHPRANG 28:52 ပူးပေါင်းရင်းမြစ်များ

MAHTE 22:7

Hkawhkam wa chyawm gaw grai masin pawt bu nga ai rai nna, shi a hpyen la ni hpe shangun dat nhtawm, masha sat ai ni hpe sat kau mu ai hte shanhte a mare hpe nat shagrawm kau ya mu ai.

ZEHKARIA 14:2

Dai Madu gaw Yerusalem hpe gasat na matu masha amyu baw ni hpe jahpawng da na ra ai. Dai mare gaw gasat la kau ai hkrum nna, nta ni hpya katut nna numsha ni mung roi rip hkrum na mara ai. Amyu masha ka-ang hkup hte gaw bawng dung mat wa ti mung, naw ngam nga ai ni mahtang mare kaw nna tsan tsan de n woi la hkrum nga ma ai.

ZEHKARIA 12:2

“Ngai gaw Yerusalem hpe sabyi ntsin gawm mi zawn shatai na nngai; shing rai shi a grup yin na masha amyu baw ni lu nna chyaru nang ai ni zawn ndi nda rai na mara ai. Shanhte gaw Yerusalem hpe wang da mu yang, Yuda mung na naw ngam nga ai mare ni mung wang da ai hkrum na mara ai.

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

YEREMIA 37:8

Dai hpang, Babelon hpyen luksuk ni bai nhtang sa wa nhtawm, ndai mare hpe htim gasat ai hte mung masha ni hpe rim la nna mare dai hpe nat kau na mara ai.

YEREMIA 10:18

Dai Madu gaw nang hpe ndai mungdan kaw nna shaden kau na ra ai; shi gaw nanhte hta na langai mi hpe pyi n ngam da ai aten du hkra, nang hpe agrawp mani kau na ra ai. Dai Madu tsun da nu ai.

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

ESAIA 1:7

Na a mungdan gaw katsi katsang shara rai mat sai, na a mare ni ga du hkra hkru mat sai. Nang yu nga yang, maigan masha ni na a mung hpe madu la kau nna arung arai hkum sumhpa hpe agrawp jahten kau ya nga sai.

2 HKAWHKAM 18:13

Hkawhkam Hezekia hkaw dung ai shi mali ning hta, Asuri Hkawseng Senahkerib gaw Yuda mung na bunghku kum ai mare ni hpe htim gasat nna dang la kau nga wu ai.

JAW JAU 26:25

Nye a ga shaka jahten kau myit dai majaw nanhte hpe ari jaw na matu nanhte a ntsa de majan shabyin dat na nngai; nanhte a mare ni hta shim lum na matu kahkyin rawng nga myit yang mung n mai tsi la lu ai ana ahkya nanhte hpang de ngai shangun dat na made ai. Nanhte gaw gumlau hpyen ni a lata de kanawng ap kau ai hkrum na rai myit dai.

TARA JAHPRANG 28:51

Nanhte a yam nga hte nsi naisi ni hpe mung shanhte sha kau ya na mara ai; shaloi nanhte kawsi kyet si na rai myit dai. Shanhte gaw nsi naisi, sabyi ntsin, tsanlun sau, yam nga hpung hte sagu ni hpe nanhte a matu ngam da ya na ma ai n rai; nanhte si mat na marin dai.

2 HKAWHKAM 6:29

Dai rai nna an gaw nye a kasha hpe shadu sha ga ai. Hpawt ni gaw shi a kasha hpe an sha na ga ai ngu nna shi hpe ngai tsun ti mung shi a kasha hpe makoi kau nga ai!,” ngu nna htan wu ai.

YEREMIA 10:17

Yerusalem amyu masha ni e, nanhte gaw wang da hkrum nga myit dai! Nang madu ai arung arai ni hpe shinggyin la u.

SHARUNG SHAYAWT 2:2

Dai Madu gaw Yuda mung hta nga ai mare shagu hpe matsan n dum ai sha jahten sharun kau nu ai, Mungdan hpe makawp maga ai hpyen dap ni hpe mung ashep ashin di kau nu ai. Shi gaw mungdan hte de a mungdu ni hpe jahpoi jahpyak lam shapraw nu ai.