TARA JAHPRANG 27:9 - Jinghpaw Common Language Bible 2009

⁹ Dai hpang Mawshe gaw Lewi hkinjawng ni hte rau Israela amyu masha ni hpe, “Israela amyu masha ni e, atsin sha nga nna, nye a ga madat mu. Dai ni, nanhte gaw dai Madu nanhte a Karai Kasang a amyu masha ni tai nga manit dai;

Jinghpaw Hanson Version Bible

⁹ Bai Mawshe hte hkinjawng ni, Lewi masha ni gaw, Israela amyu ting hpe, “Israela amyu e, atsin sha nga nna madat mara la mu: dai ni nang gaw na a Karai Kasang Yehowa a amyu tai nga nit dai.

TARA JAHPRANG 27:9 ပူးပေါင်းရင်းမြစ်များ

2 SAMUELA 7:24

Nang gaw Israela hpe htani htana na a amyu masha majing shatai la nga nit dai; dai rai nna Madu e, nang gaw shanhte a Karai Kasang tai nga nit dai.

ROMA 6:22

Rai ti mung ya nanhte gaw dai yubak kaw na shalawt dat ai hkrum nna Karai Kasang a mayam ni tai wa manit dai. Nanhte lu la ai akyu gaw Madu a matu nanhte a hkum hpe awm dawm ap nawng ai a majaw jahtum e htani htana asak lu la ai lam rai nga ai.

TARA JAHPRANG 27:10

dai re ai majaw, dai ni, ngai nanhte hpe jaw ya ai shi a tara ni yawng hpe hkan shatup let, shi a ga hpe madat mara hkan sa nga mu,” ngu nna tsun mu ai.

TARA JAHPRANG 27:8

Ing gade hte chya da ai nlung dai ni hta Karai Kasang a tara mungga shagu hte hpe dan dan pra pra ka da na rai myit dai,” ngu nna tsun mu ai.