TARA JAHPRANG 27:8 - Jinghpaw Common Language Bible 2009

⁸ Ing gade hte chya da ai nlung dai ni hta Karai Kasang a tara mungga shagu hte hpe dan dan pra pra ka da na rai myit dai,” ngu nna tsun mu ai.

Jinghpaw Hanson Version Bible

⁸ Dai nlung ni hta ndai jep ai tara ga nlang hte hpe, nang dan dan pra pra ka da na rai ndai,” ngu nna tsun mu ai.

TARA JAHPRANG 27:8 ပူးပေါင်းရင်းမြစ်များ

YOBA 19:24

Ngai tsun ai ga ni nlung hta u gawn hte tawk ka da mu ga; shaloi dai ni prat dingsa agrin nga na ma ai.

HABAKU 2:2

Dai Madu gaw ngai hpe ndai mahtai jaw wu ai: “Ngai nang hpe madun dan ai lam hpe lungpa ntsa hta e dan dan pra pra ka jahkrat tawn u, shaloi dai hpe praw rai hti lu na ra ai.

YAWHAN 16:25

“Ndai lam ni hpe ga shadawn ni hte ngai nanhte hpe tsun dan ma sade ai; rai ti mung ga shadawn hku n re ai sha Wa a lam nanhte hpe dan dan leng leng tsun dan na ahkying gaw du na ra ai.

2 KORINHTU 3:12

Anhte gaw ning re ai myit mada ai lam lu ga ai majaw, anhte nden ja ga ai.

TARA JAHPRANG 27:7

Nanhte gaw dai yang e mahku hkungga ni nawng jau nhtawm lu sha let, dai Madu nanhte a Karai Kasang a man e chyeju shakawn lu na rai myit dai.

TARA JAHPRANG 27:9

Dai hpang Mawshe gaw Lewi hkinjawng ni hte rau Israela amyu masha ni hpe, “Israela amyu masha ni e, atsin sha nga nna, nye a ga madat mu. Dai ni, nanhte gaw dai Madu nanhte a Karai Kasang a amyu masha ni tai nga manit dai;

YAWSHU 8:31

Dai Madu a shangun kasa Mawshe, Israela amyu masha ni hpe jaw ya ai tara hta, “Hpri arai hte n tawk shapri ai nlung hte galaw ai tawn hkungri rai na rai ndai,” ngu nna matsun da sai hte maren shi galaw wu ai. Shanhte gaw dai Madu a matu dai tawn hkungri ntsa hta wan nat hkungga nawng jau let shanhte a mahku hkungga ni sak jaw ma ai.