TARA JAHPRANG 27:26 - Jinghpaw Common Language Bible 2009

²⁶ “ ‘Karai Kasang a tara hte sharin shaga ai ga ni yawng hpe n hkan shatup ai wa kadai mung Karai Kasang jaw ai dagam dala hkrum u ga law.’ “Shaloi, amyu masha ni yawng gaw, ‘Amen!,’ ngu nna htan na mara ai.

Jinghpaw Hanson Version Bible

²⁶ “Ndai jep ai tara ga hpe n hkan galaw ai wa gaw dingnye hkrum u ga le,” nga nna dagam yang, amyu masha ni nlang hte gaw, “Amen,” ngu nna htan na rai mu ai.

TARA JAHPRANG 27:26 ပူးပေါင်းရင်းမြစ်များ

2 HKAWHKAM 22:13

“Ndai laika a sharin achyin ai ga ni hte seng nna, nye a matu mung, Yuda amyu masha ni yawng a matu mung, dai Madu hpe sa san ya mi. Ndai laika hta tsun da ai hte maren galaw ang ga ti mung, anhte a kaji kawa ni n hkan galaw nga ma ai majaw dai Madu anhte hpe pawt sindawng nga ai.”

EZRA 7:26

Na a Karai Kasang a tara ni hte hkawseng mungdan a tara ni hpe tawt lai ai wa kadai hpe mung sat kau ai, kaga mungdan de shapraw kau ai, shi a sutgan magawn la kau ya ai, hte htawng bang ai ari kalang lata hkrum lu na rai nga ai.”

SHAKAWN KUNGDAWN 119:21

Nang gaw gumrawng gumtawng ai ni hpe daru sharin nga ndai; na a hkang da ai tara ni hpe tawt lai ai ni gaw dagam kau ai hkrum nga ma ai.

EZEKELA 18:24

“Rai ti mung, ding hpring ai masha langai ngai, mai kaja ai amu galaw nga ai kaw na htak mat ai hte n hkru ai masha ni galaw nga ai matsat shabat amu mahkra hpe hkan galaw ai rai yang, dai wa gaw matut nna hkrung nga lu na rai nga a ni? N rai law, shi galaw yu sai mai kaja ai amu langai mi hpe mung matsing da ya na n rai. Shi galaw ai kang n ka ai amu hte yubak ni a majaw shi si na ra ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

ROMA 10:5

Jep ai Tara hkan shatup ai hte Karai Kasang a man e ding hpring ai masha tai lu ai lam hte seng nna Mawshe gaw, “Jep ai Tara hkan shatup ai wa gaw hkrung nga na ra ai,” nga nna ka da nu ai.

1 KORINHTU 16:22

Marai langai ngai dai Madu hpe n tsaw n ra a yang gaw, shi hta dagam dala hkrum u ga! Maranahta-Dai Madu du ru ga!

2 KORINHTU 3:9

Yubak mara a ari jaw na matu daw dan ya ai lam hte seng ai magam amu gaw hpung shingkang hte hpring tsup nga ai rai yang gaw, hkye hkrang la ai lam jaw ya ai hte seng ai magam amu gaw gade wa grau nna hpung shingkang dan hkung na rai hka!

GALATI 3:10

Dai jep ai tara hkan sa shadik ai lam hpe kam hpa nga ai ni kadai rai ti mung dagam dala a npu e rai nga ma ai. Hpa majaw nga yang, Chyum Laika gaw, “Dai tara hta ka da mada hte maren n hkan shatup nga ai wa kadai rai ti mung, dagam dala hkrum na mara ai,” nga nna ka da nga ai.

TARA JAHPRANG 27:15

“ ‘Dai Madu gaw hpara sumla nawku ai htung hpe n dawng nga ai rai nna, nlung, hpun hte nhprang arai ni hte tawk nhtawm dai hpe makoi magap nawku ai wa kadai mung Karai Kasang kaw na dagam dala hkrum wu ga law.’ “Shaloi Amyu masha ni yawng gaw, ‘Amen!,’ ngu nna htan na rai ma ai.