TARA JAHPRANG 27:20 - Jinghpaw Common Language Bible 2009

²⁰ “ ‘Kawa a madu jan ni hte nga sha let, kawa a sari jahpoi ya ai wa kadai mung Karai Kasang jaw ai dagam dala hkrum u ga law.’ Shaloi amyu masha ni yawng gaw, ‘Amen!,’ ngu nna htan na mara ai.

Jinghpaw Hanson Version Bible

²⁰ Kawa hte sha seng ai kawa madu jan hte nga sha ai wa gaw dingnye hkrum u ga le, nga nna dagam yang, amyu masha ni nlang hte gaw, Amen ngu nna htan na rai ma ai.

TARA JAHPRANG 27:20 ပူးပေါင်းရင်းမြစ်များ

NINGPAWT NINGHPANG 35:22

Yaku dai mung hta nga nga yang, Rubin mahtang shi kawa a lashi num Bila kaw shang nna kanawn kau wu ai; dai lam hpe Yaku na wu ai rai nna sindawng kahtet wu ai. Yaku hta shadang sha ni shi lahkawng nga ma ai.

NINGPAWT NINGHPANG 49:4

Nang gaw mawru hka zawn kabrawng nga ndai, Rai ti mung nang gaw ahkyak htum ai wa n rai nga ndai, Nang gaw nye a lashi num hte yup nit dai majaw, Na nwa a yup ku hpe sari jahpoi kau ya nga ndai.

2 SAMUELA 16:22

Dai rai nna shanhte gaw Absalom a matu hkawhkam htingnu numgaw ntsa e sum galaw ya ma ai; Absalom chyawm gaw masha shagu a man hku shang mat wa nhtawm shi kawa a lashi num ni hte kanawn wu ai.

1 HKAWHKAM LABAU 5:1

Ndai gaw Yaku a shadang sha ni hta na kasha alat Rubin a amyu matu ni a lam rai nga ai. (Shi gaw kawa a lashi num langai mi hte kanawn kau wu ai majaw shadang sha alat aya Yosep hpe jaw kau ai hte hpu lat aya a ahkaw ahkang madu da na lam shamat kau wu ai.

EZEKELA 22:10

Nkau mi gaw kawa a madu jan hte rau yup nna, nse nsa re ai amu hta gayut katu ai numsha ni gaw shanhte a num hking sa nga ai aten hta pyi, lasha ni hte kanawn nga ma ai.

JAW JAU 18:7

Na nnu hte kanawn nna na nwa a sari hkum jahten ya et; na nnu majing a myi man jasum ya lu na n rai.

JAW JAU 18:8

Tinang a kawa a madu jan hte kanawn nna nwa a sari hkum jahpoi ya et.

JAW JAU 20:11

Tinang kawa a madu jan hte nga sha ai wa gaw kawa hpe sari jahpoi ya nga ai rai nna shan lahkawng sat kau ai hkrum na rai ma ai. Shan gaw si hkrung si htan a matu lit lu nga ma ai.

AMO LAIKA (AMOS) 2:7

Shanhte gaw n-gun kya nga ai ni hte karum la na masha n lu ai ni hpe kabye anut ma ai; matsan mayan masha ni hpe lam shadam kau nga ma ai. Kawa hte kasha gaw mayam mahkawn langai sha hte jawm kanawn let nye a chyoi pra ai amying nsang hpe awu asin di ma ai.

1 KORINHTU 5:1

Ya Hkristan n re ai maigan masha ni pyi n hkan galaw ai hkrithpa num la nse nsa lam nanhte hta nga nga ai lam masha ni hkrak tsun kajai nga ma ai hpe ngai na lu nngai. Masha langai mi gaw shi a hpang kanu hte rau nga sha nga ai lam ngai na lu nngai.

TARA JAHPRANG 22:30

“Kadai mung tinang a kawa a madu jan ni langai ngai hte kanawn nna kawa hpe arawng jahpoi ya lu na n rai.

TARA JAHPRANG 23:1

“Dawn kau hkrum ai, shing n rai lasha hkrang daw kau hkrum ai lasha kadai mung dai Madu a amyu masha hpawng hta lawm mai nga ai n rai.