TARA JAHPRANG 27:2 - Jinghpaw Common Language Bible 2009

² Nanhte Yawdan hka rap di nna dai Madu nanhte a Karai Kasang nanhte hpe jaw ya ai mungdan de shang wa ai shani hta nanhte gaw nlung kaba nkau mi hpe sharawt shadun nhtawm dai ni hta ing gade hte chya da let,

Jinghpaw Hanson Version Bible

² Nanhte Yawdan hka wora hkran rap nna, na a Karai Kasang Yehowa nang hpe jaw ai mungdan de du ndai shaloi, nlung kaba ni nang sharawt shadun nna anggadi chya na rai ndai:

TARA JAHPRANG 27:2 ပူးပေါင်းရင်းမြစ်များ

YOBA 19:24

Ngai tsun ai ga ni nlung hta u gawn hte tawk ka da mu ga; shaloi dai ni prat dingsa agrin nga na ma ai.

EZEKELA 11:19

Ngai gaw shanhte hpe salum nnan hte myit masin nnan jaw bang ya na nngai. Ngai gaw shanhte a ja la ai nlung salum hpe shaw kau ya nna madat mara ai salum shanhte hpe jaw bang ya na nngai.

EZEKELA 36:26

Ngai gaw myit masin ningnan hte wenyi nnan nanhte hpe jaw ya na nngai. Nanhte a ja la ai nlung salum hpe ngai shaw kau nna madat mara ai myit masin bang ya na nngai.

TARA JAHPRANG 11:31

Dai Madu nanhte a Karai Kasang jaw ya nga ai mungdan hpe madu la na matu, Yawdan hka rap na nanhte ri ri sha rai nga manit dai. Nanhte gaw dai mung hpe la nna dai yang e shanu nga myit yang, dai ni ngai nanhte hpe jaw ya nga ai tara ni yawng hpe teng teng hkan sa madat mara lu na rai myit dai.

TARA JAHPRANG 26:1

“Dai Madu nanhte a Karai Kasang nanhte hpe jaw ai mungdan hpe madu la lu nna dai mung e shanu nga myit dai hpang,

TARA JAHPRANG 27:1

Dai hpang Mawshe hte Israela amyu hta na ningbaw ni gaw amyu masha ni hpe, “Dai ni, ngai nanhte hpe jaw ya ai ga matsun ni yawng hpe hkan sa madat mara nga mu.

TARA JAHPRANG 27:3

dai hta e ndai tara hte sharin achyin ga ni yawng ka da na rai ndai. Dai Madu nanhte a nji nwa ni a Karai Kasang, nanhte hpe ga sadi jaw da nu ai hte maren, dai sut su nna ningru ningja ai mungdan de nanhte shang sha nna,

TARA JAHPRANG 27:4

Yawdan hka a wora hkran de rap kawt myit dai shaloi, dai ni ngai nanhte hpe sharin matsun nga nngai hte maren, dai nlung ni hpe Ebala Bum hta sharawt jung nna ing gade hte chya da na rai myit dai.

TARA JAHPRANG 6:1

“Ndai ni gaw nanhte hpe sharin achyin ya na matu, dai Madu nanhte a Karai Kasang ngai hpe hkang da ai tara ni yawng rai nga ai. Nanhte shang madu la hkyen nga ai mungdan hta dai ni hpe hkan sa madat mara lu na rai myit dai.

TARA JAHPRANG 9:1

“Israela amyu masha ni e, madat mu! Nanhte hta grau kaba nna n-gun grau ja ai masha amyu baw ni madu da ai mungdan hpe dai ni, nanhte Yawdan hka rap nhtawm sa madu la na sha rai manit dai. Shanhte a mare ni hpe lamu dep bunghku ni hte kum shinggrup da nga ai.

YAWSHU 1:11

amyu masha ni hpe, “Dai Madu nanhte a Karai Kasang nanhte hpe jaw ya ai mungdan hpe madu la na matu masum ya e, ndai Yawdan hka rap na rai nga manit dai majaw, lusha jarit jin jin jahting da manu,” ngu nna tsun wu ai.

YAWSHU 4:1

Amyu baw ting Yawdan hka rap kawt ngut jang, dai Madu gaw Yawshu hpe,

YAWSHU 8:30

Dai hpang Yawshu gaw Ebala Bum ntsa e dai Madu Israela a Karai Kasang a matu tawn hkungri galaw wu ai.

YAWSHU 8:31

Dai Madu a shangun kasa Mawshe, Israela amyu masha ni hpe jaw ya ai tara hta, “Hpri arai hte n tawk shapri ai nlung hte galaw ai tawn hkungri rai na rai ndai,” ngu nna matsun da sai hte maren shi galaw wu ai. Shanhte gaw dai Madu a matu dai tawn hkungri ntsa hta wan nat hkungga nawng jau let shanhte a mahku hkungga ni sak jaw ma ai.

YAWSHU 8:32

Dai yang e, Israela amyu masha ni yu nga yang, Mawshe ka da sai tara ga ni hpe nlung hta Yawshu bai ka tawn wu ai.