TARA JAHPRANG 27:14 - Jinghpaw Common Language Bible 2009

¹⁴ Shaloi Lewi masha ni gaw ndai ga ni hpe nsen ja ja hte jahtau tsun na rai ma ai.

Jinghpaw Hanson Version Bible

¹⁴ Shaloi Lewi a kashu kasha ni gaw nsen shaja nna Israela amyu lasha ni nlang hte hpe ning ngu jahtau na rai ma ai.

TARA JAHPRANG 27:14 ပူးပေါင်းရင်းမြစ်များ

Daniela 9:11

Israela amyu ting na a tara ni hpe jahten kau nna nang tsun ai ga hpe hkan madat na, ningdang kau masai. Anhte nang hpe yubak galaw saga ai majaw, na a shangun ma Mawshe a Tara hta ka da sai dagam dala ga ni anhte hpang de la sa ya nit dai.

TARA JAHPRANG 27:13

Dagam dala ga tsun ai shaloi Ebala Bum e tsap na amyu bawsang ni gaw, Rubin, Gad, Ashe, Zebulun, Dan hte Naphtali ni rai nga ai.

TARA JAHPRANG 27:15

“ ‘Dai Madu gaw hpara sumla nawku ai htung hpe n dawng nga ai rai nna, nlung, hpun hte nhprang arai ni hte tawk nhtawm dai hpe makoi magap nawku ai wa kadai mung Karai Kasang kaw na dagam dala hkrum wu ga law.’ “Shaloi Amyu masha ni yawng gaw, ‘Amen!,’ ngu nna htan na rai ma ai.

YAWSHU 8:33

Dai Israela amyu masha ni hte shanhte a ningbaw ni, du salang ni hte tara agyi ni, shanhte hta hkan nga nang ai maigan masha ni gaw dai Madu a Ga Shaka Sumpu hpai ai Lewi hkinjawng ni hte Sumpu a man lahkawng maga de tsap nga nhtawm ka-ang hkup gaw Gerizim Bum maga de shingdu dat nna, ka-ang hkup gaw Ebala Bum de shingdu dat let tsap nga ma ai. Dai gaw aten du ai shaloi shaman chyeju hkam la na matu Karai Kasang a masha Mawshe hkang da ai lam rai nga ai.

YAWSHU 8:34

Yawshu gaw Tara laika hta ka da mada shaman ga hte dagam dala ga ni lawm ai tara ga yawng mayawng hpe ja ja hti wu ai.