TARA JAHPRANG 27:13 - Jinghpaw Common Language Bible 2009

¹³ Dagam dala ga tsun ai shaloi Ebala Bum e tsap na amyu bawsang ni gaw, Rubin, Gad, Ashe, Zebulun, Dan hte Naphtali ni rai nga ai.

Jinghpaw Hanson Version Bible

¹³ Dagam dala ai maga na matu Ebala bum e tsap na ni gaw, Rubin, Gad, Ashe, Zebulun, Dan hte Naphtali rai na rai nga ai.

TARA JAHPRANG 27:13 ပူးပေါင်းရင်းမြစ်များ

NINGPAWT NINGHPANG 29:32

Lea hta na-um nasin hkum tai wa nna shadang sha langai shangai wu ai. Lea gaw, “Madu nye a tsin-yam tsindam hpe mu ya nu ai. Ya chyawm gaw nye madu wa ngai hpe tsaw ra lu na nu ai,” ngu nna tsun wu ai. Shing rai shi hpe Rubin ngu nna shamying wu ai.

NINGPAWT NINGHPANG 30:20

Shi gaw, “Karai Kasang ngai hpe kaja ai kumhpa langai jaw ni ai. Dai rai nna ya chyawm gaw ngai shi a matu shadang sha kru shangai ya ni ai majaw nye a madu wa ngai hpe hkap la na ru ai,” ngu nna tsun wu ai. Dai rai nna shi hpe Zebulun ngu nna shamying wu ai.

TARA JAHPRANG 11:29

Dai Madu gaw nanhte madu la na mungdan de woi shang wa myit dai shaloi, shaman chyeju hpe Gerizim bum kaw nna, dagam dala ai lam hpe Ebala bum kaw nna, nanhte tsun shana na rai myit dai.

TARA JAHPRANG 27:12

“Nanhte Yawdan hka rap kawt ai hpang, amyu masha ni hpe shaman ga tsun ai shaloi, Gerizim Bum ntsa e tsap na amyu bawsang ni gaw Simun, Lewi, Yisahka, Yosep hte Benyamin ni rai nga ai.

TARA JAHPRANG 27:14

Shaloi Lewi masha ni gaw ndai ga ni hpe nsen ja ja hte jahtau tsun na rai ma ai.

TARA JAHPRANG 27:4

Yawdan hka a wora hkran de rap kawt myit dai shaloi, dai ni ngai nanhte hpe sharin matsun nga nngai hte maren, dai nlung ni hpe Ebala Bum hta sharawt jung nna ing gade hte chya da na rai myit dai.

YAWSHU 8:33

Dai Israela amyu masha ni hte shanhte a ningbaw ni, du salang ni hte tara agyi ni, shanhte hta hkan nga nang ai maigan masha ni gaw dai Madu a Ga Shaka Sumpu hpai ai Lewi hkinjawng ni hte Sumpu a man lahkawng maga de tsap nga nhtawm ka-ang hkup gaw Gerizim Bum maga de shingdu dat nna, ka-ang hkup gaw Ebala Bum de shingdu dat let tsap nga ma ai. Dai gaw aten du ai shaloi shaman chyeju hkam la na matu Karai Kasang a masha Mawshe hkang da ai lam rai nga ai.