TARA JAHPRANG 26:5 - Jinghpaw Common Language Bible 2009

⁵ Dai hpang ndai ga ni hpe dai Madu a man e hti shakrai na rai ndai: ‘Nye a kaji kawa gaw Egutu mung de sa nga na matu shi a dinghku hpe woi yu wa ai malet nhprang Aramiyan masha rai nga ai. Shanhte dai mung de yu sa ai aten hta n law nga ti mung galu kaba ai hte n-gun atsam rawng nna law htam ai amyu tai wa masai.

Jinghpaw Hanson Version Bible

⁵ Shing rai na a Karai Kasang Yehowa man e nang tsun na gaw, “Nye wa gaw let hkawm manam Arame masha rai li ai; shi gaw Egutu mung de yu wa nna dai yang, n law n htam hte sha, shingbyi nga ai kaw na galu kaba ai hte n-gun atsam rawng nna law htam wa ai amyu tai wa ai.

TARA JAHPRANG 26:5 ပူးပေါင်းရင်းမြစ်များ

NINGPAWT NINGHPANG 12:2

Ngai nang hpe law law mayat maya shangun nna amyu kaba shatai na nngai. Ngai nang hpe shaman ya nna na a mying hpe gumhkawng shangun na nngai; shing rai nang gaw chyeju daju tai na rin dai.

NINGPAWT NINGHPANG 24:4

Nye a daidaw mungdan de nang sa nna, ngai sha Isak a matu nye a amyu bawsang ni kaw na ningrum ningtau langai sa la ya lu na rai ndai,” ngu nna tsun wu ai.

NINGPAWT NINGHPANG 25:20

Isak a asak mali shi ning du ai shaloi, Mesopotamia mung na Aramiyan masha Behtuela a shayi sha, Laban a kajan Rebeka hpe la wu ai.

NINGPAWT NINGHPANG 27:41

Yaku hpe shi kawa jaw ya ai shaman chyeju a majaw Esaw mahtang Yaku hpe n dawng da wu ai. Esaw gaw, “Nye wa a si hkrung si htan hta yawn hkyen na aten gaw ni wa sai; shaloi Yaku hpe ngai sat kau na we ai,” ngu nna shi hkum hpe tsun wu ai.

NINGPAWT NINGHPANG 28:5

Isak gaw Esaw yan Yaku a kanu Rebeka a kayung Aramiyan masha Behtuela a kasha, Mesopotamia mung e nga ai Laban hpang de Yaku hpe shangun dat wu ai.

NINGPAWT NINGHPANG 31:20

Yaku mung shi pru mat wa na lam n chye shangun ai sha, Laban hpe zai hte hkalem kau da wu ai.

NINGPAWT NINGHPANG 31:24

Karai Kasang mung dai shana e yup mang hta Laban kaw dan pru nhtawm, “Yaku hpe hpa lam hku mung n jahkrit shama ai sha, sadi nga u,” ngu nna tsun wu ai.

NINGPAWT NINGHPANG 31:40

Shani na kahtet kang ai hte shana na kashung ai nni nkri hpe law law lang ngai hkam sha kau ni ai. Yup n lu sha ai mung ngai hkrum lai wa ni ai.

NINGPAWT NINGHPANG 43:12

Nanhte mung gumhpraw htam lahkawng la gun mu, hpa majaw nga yang, nanhte a lit mahka hta nhtang ya dat ai gumhpraw ni hpe mung gun sa mu; dai gaw shut ai amu rai yang mung rai na sai.

NINGPAWT NINGHPANG 45:11

Goshen mung hta nang shanu nga ai rai yang, ngai nang hpe bau maka lu na nngai. Ya hku hku na manga ning naw nga ai rai nna nang mung, na a dinghku hte yam nga hpung ni kawsi kyet na hpe n yu sharawng nngai,’” ngu nna tsun dat wu ai.

NINGPAWT NINGHPANG 45:7

Nanhte hte nanhte a matu mara ni hpe ngam nga shangun na matu mung, ndai zawn re ai mauhpa lam hta na nanhte hpe hkye mawai la na matu mung, Karai Kasang gaw nanhte a shawng e ngai hpe shangun dat ni ai.

NINGPAWT NINGHPANG 46:27

Egutu mung e Yosep shaprat ai shadang sha lahkawng mung lawm ai rai yang, Egutu mung de du ai Yaku a amyu matu ni yawng marai sanit shi rai ma ai.

NINGPAWT NINGHPANG 47:27

Israela amyu masha ni gaw Egutu mung Goshen mung hta shanu nga nna lu su ngamu ngamai wa ma ai hte shanhte hta kashu kasha law law mayat maya wa ma ai.

NINGPAWT NINGHPANG 47:4

Hkanan mung hta mung hkuwa laja wa ai rai nna anhte a sagu bainam ni a matu udat shara n nga mat sai majaw ndai mung hta shanu nga na, anhte du sa ga ai; dai re ai majaw, chyeju hte ndai Goshen mung hta shanu nga lu na ahkang anhte hpe jaw mi law,” ngu nna tsun ma ai.

PRU MAT 1:12

Rai ti mung Egutu masha ni Israela amyu masha ni hpe grau dip gamyet da magang, shanhte grau nna law jat wa ai hte mungdan ting de chyam bra wa ma ai. Dai Egutu masha ni gaw Israela masha ni hpe hkrit kajawng nga ma ai majaw,

PRU MAT 1:5

Yaku a nshang kaw na hkrat ai ndai amyu masha ni yawng gaw marai sanit shi hte rai ma ai. Shi a shadang sha Yosep mahtang Egutu mung e sa nga magang nga sai.

PRU MAT 1:7

rai ti mung Israela amyu matu ni yawng hta kashu kasha law law mayat maya wa nna law htam wa ai hte n-gun ja wa nhtawm Egutu mung e hpring wa nga masai.

HOSEA 12:12

Anhte a kaji kawa Yaku gaw madu jan lu la hkra nga, Mesopotamia mung de hprawng sa mat wa ai. Shi gaw kaga masha wa a matu amu galaw ya let shi a sagu ni hpe bau rem nga ai.

HOSEA 12:13

Dai Madu gaw Egutu mung hta mayam shatai hkrum nga ai Israela amyu masha ni hpe hkye mawai la na matu mung, shanhte hpe lanu lahku na matu mung, myihtoi langai shangun dat ya wu ai.

KASA 7:15

Yaku mung Egutu mung de yu wa nna dai yang e shi hte shi kasha ni yawng si mat wa masai.

TARA JAHPRANG 1:10

Dai Madu anhte a Karai Kasang mung nanhte hpe lamu na shagan ni zawn law htam shangun manit dai.

TARA JAHPRANG 10:22

Nanhte a nji nwa ni Egutu mung de yu sa wa ma yang, marai sanit shi sha rai ma ai. Rai ti mung ya chyawm gaw dai Madu nanhte a Karai Kasang she nanhte hpe sumsing lamu na shagan ni zawn shalaw jahtam ya manit dai.

TARA JAHPRANG 26:4

“Dai hkinjawng wa mung nang kaw na ka la nhtawm dai Madu nanhte a Karai Kasang a tawn hkungri man e tawn da na rai wu ai.

TARA JAHPRANG 7:7

“Nanhte gaw kaga masha amyu ni hta grau law nga myit dai majaw dai Madu nanhte hpe tsaw ra nna lata la myit dai n rai; nanhte gaw ginding aga ntsa e kaji htum ai amyu baw ni she rai nga myit dai.