TARA JAHPRANG 26:2 - Jinghpaw Common Language Bible 2009

² nanhte shu la lu ai shawng myin ai nsi naisi amyu shagu hpe ka hta bang nna nawku shara de la sa lu na rai myit dai.

Jinghpaw Hanson Version Bible

² na a Karai Kasang Yehowa nang hpe jaw ai mungdan hta shawng myin ai nsi naisi amyu shagu hta na nang la nhtawm, ka hta bang da nna, na a Karai Kasang Yehowa a mying ningsang tawn da na matu san da ai shara de sa na rai ndai.

TARA JAHPRANG 26:2 ပူးပေါင်းရင်းမြစ်များ

2 HKAWHKAM 4:42

Bai kalang mi na masha langai mi Bala Shalisha kaw nna wa yang, dai shaning hta shawng shu la ai muk-yaw mam muk tawng hkun hte nsi naisi gungsi nnan loi mi Elisha kaw la sa ya wu ai. Shaloi Elisha gaw dai hpe myihtoi hpung mi hpe jaw sha na matu shi a shangun ma ni hpe tsun wu ai;

2 HKAWHKAM LABAU 31:5

Shing ngu hkang dat ai ga pru jang, Israela amyu masha ni gaw kaja htum ai nsi naisi, sabyi ntsin, tsanlun sau, lagat ntsin hte kaga yi sun hkauna na pru ai hkai nmai kumhpa ni la sa ya ma ai; shanhte lu ai arai yawng mayawng kaw na htam shi hta na htam mi hpe mung la sa shajang nga ma ai.

2 HKAWHKAM LABAU 6:6

Rai ti mung, ya chyawm gaw ngai nawku daw jau hkam na matu, Yerusalem hpe mung, nye a amyu masha ni hpe up hkang na matu nang Dawi hpe mung ngai lata la ni ai,” ngu nna tsun wu ai.

NEHEMIA 12:44

Dai aten hta, Nawku Htingnu a matu jaw ya ai htam shi hta na htam mi, shawng shu la lu ai nsi naisi hte shawng myin ai namsi namsaw ni hpe shaning shagu mahkawng da ai sut gawk ni hpe hpareng na masha ni hpe san da nga ma ai. Ndai masha ni gaw mare shagu a makau mayang hkan na yi sun hkauna nsi naisi hkan lahkawn la ai hte hkinjawng ni hte Lewi masha ni hpe madat da sai Tara hte maren karan jaw na lit lu nga ma ai.

NEHEMIA 13:31

Ngai gaw htuk manu ai aten ni hta, shagu hkungga nat na hpun hte shawng si ai nsi naisi hte shawng myin ai namsi namsaw ni la sa na matu lajang da nngai. O Karai Kasang e, ndai amu yawng mayawng hpe adum ya nga rit; dai amu a majaw ngai hpe chyeju jaw ya e law.

PRU MAT 20:24

Nye a matu chyawm gaw hkungri langai galaw nhtawm, de a ntsa e na a sagu dumsu ni hpe mahku hkungga ngu nna hkum dingnawng nat nawng ai shagu hkungga hpe nawng ya e. Ngai hpe nawku lu na matu mung, shara shagu hkan na a matu shara ni hpe ngai san da ya na de ai. Ngai nang kaw sa nna shaman ya na de ai.

PRU MAT 22:29

“Shawng myin ai na a nsi naisi, sabyi jahku hte tsanlun sau ni ngai hpe jaw jau lu na rai ndai. Shawng shaprat ai na a shadang sha alat ni ngai hpe jaw na rai ndai.

PRU MAT 23:16

“Nanhte nsi naisi shu hpang wa ai shaloi, Nlung Nnan Poi galaw na rai myit dai. Nanhte a sabyi sun hte namsi namsaw sun ni kaw na namsi namsaw shinggyin la ai mangai aten hta Nmut Shinggyin Poi mung galaw lu na rai myit dai.

PRU MAT 23:19

“Nang shu la lu ai shawng ngai ai nsi naisi hpe dai Madu na a Karai Kasang a nta de shaning shagu nang la sa na rai ndai. “Sagu, bainam kasha ni hpe kanu a chyu hte hkum shadu et.

PRU MAT 34:26

“Nanhte shu la lu ai shawng ngai ai nsi naisi ni hpe dai Madu a man de shaning shagu la sa na rai myit dai. “Sagu kasha shing n rai bainam kasha hpe kanu a chyu hte hkum shapyaw myit,” ngu nna tsun wu ai.

YEREMIA 2:3

Israela e, nang hpe chyu sha ngai madu nngai; nang gaw nye a matu chyoi pra nga ndai. Ngai gaw nang hpe machyi shangun ai masha shagu a ntsa e nni nkri hte tsin-yam tsindam dat dat nngai. Dai Madu ngai nan tsun ni ai,” ngu nna tsun ai.

EZEKELA 20:40

Israela amyu masha ni yawng gaw dai mungdan hta nga ai nye a chyoi pra ai bum ngu ai Israela a bum hta ngai hpe nawku daw jau na mara ai; ngai mung nanhte hta awng sharawng wa nna nye a matu ngu nna nawng jau na matu la sa wa ai nanhte a shagu hkungga ni, nanhte a kaja htum ai wan nat hkungga ni hte chyoi pra ai kumhpa ni hpe ngai myit mada nga na nngai.

EZEKELA 44:30

Hkinjawng ni gaw yawng hta shawng ngai ai kaja htum ai nsi naisi hte ngai hpe nawng jau ya ai hkungga amyu myu lu la nga ma ai. Amyu masha ni gaw muk kabaw ai aten shagu, shawng na muk tawng hpe shadung hkungga hku nna hkinjawng ni hpe jaw ya ra nga ai; shaloi shanhte a dum nta ntsa hta nye a shaman chyeju tawn da ya na nngai.

EZEKELA 48:14

Dai Madu hpe nawng ya ai shara gaw mungdan ting hta kaja htum ai shara rai nna kadai mung dai lamu ga hpe marai langai ngai a lata de dut kau, galai kau ai hte shalai kau lu na n rai. Dai gaw chyoi pra ai hte dai Madu a matu rai nga ai.

JAW JAU 2:12

Nanhte gaw shaning shagu shawng shu la lu ai nsi naisi sak jaw lu na matu dai Madu hpang de la sa na rai myit dai; rai ti mung dai ni hpe tawn hkungri ntsa nat lu na myit dai n rai.

JAW JAU 2:14

Nang shu la lu ai nsi naisi hkungga hte dai Madu hpang de la sa ai shaloi kakang da sai nsi naisi shing n rai rin da sai lusha nawng jau na rai ndai.

ROMA 11:16

Dai hta kaga muk tawng langai mi hta na hkyep mi hpe la nna Karai Kasang kaw shawng nawng jau ai rai yang ngam ai muk tawng ting mung nawng jau ai tai sai rai nga ai. Bai nna hpun langai mi a aru ni hpe nawng jau ai rai yang lakung lakying ni hpe mung nawng jau ai tai sai rai nga ai.

ROMA 16:5

Shan a nta e shanu nga ai hpung hpe mung shakram ya mi. Dai hte maren Asi mung e Hkristu a matu shawng kam sham ai wa rai nga ai ngai tsaw ra ai Eponetu hpe shakram ya mi.

ROMA 8:23

Rai ti mung hpan da hkrum ai mungkan sha n rai, Karai Kasang a shawng nnan na chyeju kumhpa rai nga ai Wenyi hpe hkam la sai anhte ni mung Karai Kasang a yin la ai kasha shatai la ai chyeju hte anhte a hkum hkrang ting raw dat hkrum na lam hpe mung ala nga let anhte a kraw kata hta madai nga ga ai.

1 KORINHTU 15:20

Rai ti mung, teng teng byin ai lam gaw, Hkristu gaw si mat ai ni kaw na bai hkrung rawt wa sai rai nna, yup pyaw mat wa sai ni bai hkrung rawt wa na mara ai lam pahkam hkam ai lam lu la saga ai.

1 KORINHTU 15:23

Rai ti mung, langai hte langai tinang ang ai hku hkrung rawt wa na mara ai; Hkristu gaw yawng a shawng e hkrung rawt wa ai, dai hpang Hkristu bai du sa ai shaloi e, shi hte seng ai ni hkrung rawt wa na mara ai.

1 KORINHTU 16:2

Ngai sa du ai shaloi alu gumhpraw kaga mi n lahkawn ra u ga, Laban shani shagu nanhte langai hte langai gaw tinang a ngamu ngamai ai made hta na alu gumhpraw ni hpe garan mahkawng da nga mala.

TARA JAHPRANG 16:10

dai nhtoi gu jang, dai Madu nanhte a Karai Kasang nanhte hpe shaman ya ai made hta na jaw mayu ai hkungga la sa let shi hpe shagrau sha-a na matu Nmut Shang Poi galaw na rai myit dai.

TARA JAHPRANG 18:4

Shawng shu la ai nai mam, sabyi ntsin, tsanlun sau hte sagu mun re ai kumhtaw ni hpe shanhte lu la na rai ma ai.

TARA JAHPRANG 26:1

“Dai Madu nanhte a Karai Kasang nanhte hpe jaw ai mungdan hpe madu la lu nna dai mung e shanu nga myit dai hpang,

TARA JAHPRANG 26:3

Dai aten na hkinjawng agyi hpang de sa nhtawm shi hpe, ‘Anhte hpe jaw na nga, anhte a ji wa ni hpe ga sadi jaw da sai mung de ngai shang lu ni ai gaw dai Madu nye a Karai Kasang a majaw rai nga ai hpe ya ngai yin la ni ai,’ ngu nna tsun na rai wu ai.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.

YAWSHU 18:1

Shanhte gaw mungdan hpe gasat dang la ngut ai hpang, Israela shawa hpung ting Shilo mare e zup hpawng nna, dai Madu a hpung shingkang shanu nga ai Sum hpe sharawt ma ai.

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.