TARA JAHPRANG 26:17 - Jinghpaw Common Language Bible 2009

¹⁷ Dai Madu hpe nanhte a Karai Kasang rai nga ai ngu nna mung, shi hkang da ai ga hpe hkan sa madat mara na ngu nna nanhte ga sadi tawn da manit dai mung, shi a tara ni yawng hpe shatup nhtawm shi hkang da mada yawng hpe galaw na ngu nna mung, dai ni, nanhte yin la nga manit dai.

Jinghpaw Hanson Version Bible

¹⁷ Yehowa hpe, na a Karai Kasang rai nga ai, nga nna mung, shi a lam hta hkawm nga na nngai, shi a matsun maroi, hkang da ai ga hte dawdan ai tara hpe hkan shatsup na nngai, shi a nsen madat mara na ni ai, nga nna mung, dai ni nang yin la nit dai:

TARA JAHPRANG 26:17 ပူးပေါင်းရင်းမြစ်များ

NINGPAWT NINGHPANG 28:21

nang gaw nye a Karai Kasang tai nga let, ngai hte rau nga nga nhtawm ngai hkawm sa nga ai hkrun lam hpe makawp maga ya nna, lusha hte hpun palawng ngai hpe jaw ai rai yang gaw,

2 HKAWHKAM LABAU 34:31

Shi gaw hkawhkam shadaw makau e tsap nga let shi a myit masin, wenyi mahkra hte shi a ga hpe madat mara nna tara hte hkang da ai ga ni yawng hpe shadik shatup let, laika hta ka da sai ga shaka hte maren hkan galaw lu hkra nga, dai Madu hte ga shaka shagrin da nu ai.

SHAKAWN KUNGDAWN 48:14

nanhte gaw, “Dai Karai Kasang gaw htani htana prat dingsa na anhte a Karai Kasang rai nga ai; shi gaw anhte hpe prat ting lam woi wa na ra ai,” nga nna hpang ban prat masha ni hpe hkai dan lu na myit dai.

PRU MAT 15:2

Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.

PRU MAT 19:8

Dai hpang amyu masha ni yawng gaw, “Dai Madu hkang da mada mahkra hpe anhte galaw na ga ai,” ngu nna jawm htan mu ai. Mawshe gaw dai lam dai Madu hpe bai htawn shana ya wu ai.

PRU MAT 20:19

Shanhte gaw Mawshe hpe, “Nang anhte hpe tsun ai rai yang chyawm gaw anhte madat na ga ai; rai ti mung, Karai Kasang anhte hpe tsun ai rai yang, anhte hkrit ga ai, anhte si mat na ga ai,” ngu nna tsun ma ai.

PRU MAT 24:7

Dai hpang dai Madu a hkang da ai ga matsun ni hpe ka da ai ga shaka laika hpe la nna, amyu masha ni a man e, dai hpe aja wa hti dan wu ai. Shanhte gaw, “Dai Madu a ga hpe madat mara nna, shi hkang da sai lam shagu hpe anhte galaw na ga ai,” ngu nna tsun ma ai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 44:5

“Amyu masha ni gaw langai hpang langai, ‘Ngai gaw dai Madu a masha rai nga nngai,’ nga nna tsun wa na mara ai. Shanhte gaw Israela amyu masha ni hte matut mahkai na matu du sa wa na mara ai. Shanhte gaw shanhte a lahpum ni hta dai Madu a amying hpe matsing nna, shi hkum shi Karai Kasang a amyu masha langai hku shamying la na ra ai.”

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

KASA 27:23

Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

2 KORINHTU 8:5

Shanhte gaw anhte myit mada ai hta grau lai hkra jaw ya ma ai. Shanhte gaw shawng nnan tinang a hkum nan hpe dai Madu hta sak nawng ma ai. Dai hpang Madu a myit ra ai lam hte maren, karum shingtau ai lam hta ap nawng ya mi ai.

TARA JAHPRANG 15:5

“Dai ni ngai nanhte hpe hkang da ai lam magup hpe azin ayang hkan sa nna shi a ga madat mara myit dai rai yang, amyu masha ni hta na langai mi mung matsan mayan hkrum na ra ai n rai.

TARA JAHPRANG 27:10

dai re ai majaw, dai ni, ngai nanhte hpe jaw ya ai shi a tara ni yawng hpe hkan shatup let, shi a ga hpe madat mara hkan sa nga mu,” ngu nna tsun mu ai.

TARA JAHPRANG 29:12

Dai Madu nanhte a Karai Kasang hte nanhte galaw da nga ai ndai ga shaka hte de a amu lit ni hpe hkap la na matu dai ni, hkan shatup shaja na rai myit dai.

TARA JAHPRANG 30:16

Dai ni, ngai nanhte hpe jaw ai, dai Madu nanhte a Karai Kasang a hkang da ai ga hpe madat mara nna, shi hpe tsaw ra ai hte shi a ga hpe madat mara let shi a tara ni yawng hpe hkan shatup myit dai rai yang, nanhte gaw ngamu ngamai wa nhtawm masha amyu baw law law a amyu tai wa lu na marin dai. Shing rai nanhte madu la hkyen ai mungdan hta dai Madu nanhte a Karai Kasang nanhte hpe shaman ya na ra ai.

YAWSHU 22:5

Mawshe hkang da manit dai tara hpe nanhte teng teng madat mara hkan sa lu na rai myit dai; dai Madu nanhte a Karai Kasang hpe tsaw ra nna, shi a myit ra ai hku galaw let shi a hkang da ai ga ni hpe madat mara nhtawm shi hta sadi sahka nga nna nanhte a myit kraw lawang mahkra hte mung, asak mahkra hte mung, shi hpe daw jau lu na rai myit dai,” ngu nna tsun wu ai.

YAWSHU 24:22

Yawshu gaw shanhte hpe, “Dai Madu hpe daw jau na matu nanhte nan lata la manit dai gaw, nanhte nan sakse ni rai nga manit dai,” ngu nna tsun wu ai. Shanhte mung, “Rai sa, anhte hkum nan sakse ni rai nga saga ai,” ngu nna bai tsun ma ai.