TARA JAHPRANG 26:13 - Jinghpaw Common Language Bible 2009

¹³ Ndai amu ni hpe nang galaw ai shaloi dai Madu hpe, ‘Nang hkang dat nit dai hte maren Lewi masha ni hte maigan masha ni, jahkrai nmai ni hte gaida gaina ni hpe ngai jaw da sai dai chyoi pra ai htam shi hta na htam mi hpe nye a nta hta ngam da lu na n rai; htam shi hte seng ai na a hkang da mada ga ni hpe ngai n madat ai sha malap kau nga nngai n rai.

Jinghpaw Hanson Version Bible

¹³ Shaloi e, na a Karai Kasang Yehowa man e, “Nang ngai hpe hkang da sai hte maren, chyoi pra ai arai ni hpe nye a nta na ngai shapraw nna, Lewi wa hte amyu kaga wa hpe mung, jahkrai nmai ma hte gaida gaina ni hpe mung, gam jaw mase ai: nang hkang da mada ga ni hpe ngai n tawt n lai, malap mali n di kau nngai.

TARA JAHPRANG 26:13 ပူးပေါင်းရင်းမြစ်များ

SHAKAWN KUNGDAWN 119:139

Nye a gumlau hpyen ni, na a hkang da ai ga ni hpe hpa zawn n nawn ya nga ma ai majaw, nye a masin kahtet ai gaw wan zawn hkru nga li ai.

SHAKAWN KUNGDAWN 119:141

Ngai gaw hpa n ging ai hte yu kaji kau hkrum ai wa rai nga nngai; rai ti mung, na a sharin shaga ai ga ni hpe ngai hprai kau nga nngai n rai.

SHAKAWN KUNGDAWN 119:153

Na a tara hpe ngai n malap kau nga nngai majaw, nye a nni nkri hpe yu nna, ngai hpe hkye hkrang la e.

SHAKAWN KUNGDAWN 119:176

Ngai gaw mat mat ai sagu zawn dam hkawm nga nngai; na a tara hpe n hprai kau nga nngai majaw, na a shangun ma re ai ngai hpe sa lakawn la e law.

SHAKAWN KUNGDAWN 119:93

Ngai gaw na a ga matsun ni hte sha asak hkrung nga lu nga nngai majaw, dai lam ni hpe ngai galoi mung n sawn n sang di kau na we ai n rai.

SHAKAWN KUNGDAWN 26:6

Madu e, ngai mara n kap nga nngai hpe madun lu na matu, nye a lata hpe ngai kashin nngai; nawku daw jau na matu na a tawn hkungri hpe shinggrup hkawm nngai.

GA SHAGAWP 3:1

Ngai nang hpe sharin shaga ai ga hpe hkum malap kau et; nang hkan galaw na matu, ngai matsun ai ga hpe mung, tut nawng adum nga u.

KASA 24:16

Dai rai nna ngai gaw Karai Kasang a man e mung, masha a man e mung, ra n rawng ai sha tut nawng htauli htaula myit san pra nga lu hkra atsam htum hkra a shaja nga nngai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 KORINHTU 11:31

Ngai masu magaw ga n tsun ai gaw Madu Yesu a Kawa Karai Kasang chye nga ai. Dai Madu Karai Kasang a mying ningsang gaw tut nawng a nga u ga law!

TARA JAHPRANG 14:29

Dai malu masha gaw sut gan sali wunli n lu ai Lewi masha ni a matu mung, nanhte a mare ni hta nga ai maigan masha ni, jahkrai nmai hte gaida gaina ni a matu rai nga ai. Dai rai nna shanhte hta ra ai made sa la na rai ma ai. Shing rai jang, nanhte galaw ai lam magup hta dai Madu nanhte a Karai Kasang gaw nanhte galaw ai lam magup hpe shaman ya na ra ai.

TARA JAHPRANG 26:12

“Masum ning ladu wa hkrum shagu, na a nsi naisi htam shi hta na htam mi shinggyin tawn nhtawm, Lewi masha ni hte maigan masha ni, jahkrai nmai ni hte gaida gaina ni hpe jaw na rai myit dai; shaloi shawa hpung ting hta shanhte hkru hkru kat kat sha lu na rai mu ai.

TARA JAHPRANG 26:14

Sharung shayawt ai hkrum yang, dai hta tawn jaw ai lusha hpe ngai sha we ai n rai; ngai hta htung hte maren n san n seng nga yang, nye a nta na arai hpa hpe mung ngai la shapraw we ai n rai; si sai masha a tsu hpe hkungga ngai nawng ya we ai n rai. O Madu e, ngai gaw na a ga madat ni ai; htam shi hta na htam mi hte seng ai nang hkang da mada ngai galaw ni ai.

1 HTESALONI 2:10

Kam sham nga ai ni nanhte a man e anhte a arawn asam san seng nna teng man ai hte mara n rawng nga ai gaw anhte a matu nanhte nan sakse ni rai nga myit dai, dai hte maren Karai Kasang mung sakse rai nga ai.