TARA JAHPRANG 26:11 - Jinghpaw Common Language Bible 2009

¹¹ Dai Madu nanhte a Karai Kasang nanhte hpe jaw ya ai mai kaja ai amu a majaw, na a dinghku masha ni hte mung, shing re ai poi hta shang lawm ai nang hta shanu nga ai Lewi masha ni hte maigan masha ni rau chyeju jawm shakawn lu na rai myit dai.

Jinghpaw Hanson Version Bible

¹¹ shing rai, na a Karai Kasang Yehowa nang hte na a nta masha ni hpe jaw ya ai chyeju nlang hte hta nang mung, nang hte rau nga ai Lewi wa hte amyu kaga wa mung jawm kabu nga lu na rai myit dai.

TARA JAHPRANG 26:11 ပူးပေါင်းရင်းမြစ်များ

NEHEMIA 8:10

Ya chyawm gaw, dum nta de nhtang wa nna mu mai ai lusha sha manu. Alaw alam n lu ai ni hpe nanhte a malu masha hte sabyi ntsin ni karan jaw mu. Dai ni gaw anhte a Madu a matu chyoi pra ai shani rai nga ai, dai rai nna hkum yawn nga myit. Dai Madu nanhte hpe jaw ai kabu gara lam gaw nanhte hpe n-gun ja shangun na ra ai,” ngu nna tsun ma ai.

HPAJI NINGLI 3:12

Dai rai nna, anhte galaw lu ai yawng mayawng gaw kabu gara nga na hte anhte asak naw hkrung nga yang anhte dang lu ai kaja htum ai amu galaw lu na lam rai nga ai, ngu ngai dum chye nngai.

HPAJI NINGLI 3:13

Anhte yawng gaw anhte galaw da sai amu a majaw kabu gara ai hte lu lu sha sha rai ang nga ga ai. Dai gaw Karai Kasang a chyeju kumhpa rai nga ai.

HPAJI NINGLI 5:18

Yu u, Karai Kasang shi hpe jaw da sai aprat kadun mi laman, shi galaw da sai amu hta, lu let, sha let, kabu gara rai ngamu ngamai hkra galaw lu ai wa kadai mung mai kaja htum ai lam rai nga ai hpe ngai mu tam da se ai. Dai gaw masha a gam maka rai nga ai.

HPAJI NINGLI 7:14

Nang ngamu ngamai wa ai shaloi, kabu gara nga u; ru yak tsin-yam tsindam hkrum ai shaloi, Karai Kasang gaw kabu gara ai hte ru yak tsin-yam tsindam lahkawng yan hpe dat da nga ai hpe dum u; hpang e, hpa baw bai byin wa na hpe nang galoi mung n chye nga ndai.

ESAIA 65:14

Shanhte gaw kabu gara mahkawn mangoi na mara ai, rai ti mung nang chyawm gaw myit daw ai hte jahtau hkrap na rai ndai.

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.

1 KORINHTU 9:11

Anhte gaw nanhte hta e Wenyi nli gat hkai da nhtawm, nanhte hta na dinghta hte seng ai arung arai akyu ara ni hpe anhte hkam la ga yang, anhte a matu ladu lai ai lam rai nga a ni?

TARA JAHPRANG 12:12

Dai yang e, nanhte a kashu kasha ni hte mung, nanhte a shangun ma ni hte mung, lamu ga sali n lu ai majaw nanhte a mare ni hta hkan nga ai Lewi masha ni hte mung, shi a man e rau sha kabu gara lu na rai myit dai. Lewi masha ni lamu ga madu lu na n rai nga ai hpe dum mu.

TARA JAHPRANG 12:18

Nanhte hte nanhte a kashu kasha ni mung, nanhte a shangun ma ni hte mung, nanhte a mare ni hta hkan nga ai Lewi masha ni hte mung, dai Madu nanhte a Karai Kasang lata san da ai nawku shara hta dai Madu nanhte a Karai Kasang a man e chyu sha dai hkungga ni hte rau sha lu na rai myit dai; shing rai nanhte galaw ai lam magup hta nanhte kabu gara lu na rai myit dai.

TARA JAHPRANG 12:7

Dai yang e, dai Madu nanhte a Karai Kasang a hpung shingkang hte nanhte hpe shaman ya manit dai majaw nanhte galaw ai mai kaja lam ni hta nanhte hte nanhte a dinghku masha ni lu sha nna kabu gara nga na rai myit dai.

TARA JAHPRANG 16:11

Tinang a kashu kasha, shangun ma ni hte nanhte a mare hta nga ai Lewi masha ni, maigan masha ni, jahkrai nmai ni hte gaida gaina ni yawng dai Madu a man e rau sha kabu gara nga mu. Ndai amu hpe nawku daw jau ai shara langai hta sha galaw mu.

TARA JAHPRANG 27:7

Nanhte gaw dai yang e mahku hkungga ni nawng jau nhtawm lu sha let, dai Madu nanhte a Karai Kasang a man e chyeju shakawn lu na rai myit dai.

TARA JAHPRANG 28:47

Dai Madu gaw nanhte hpe lam magup shaman ya manit dai; rai ti mung nanhte shi hpe kabu gara ai myit hte n daw n jau myit dai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.