TARA JAHPRANG 24:6 - Jinghpaw Common Language Bible 2009

⁶ Masha langai mi hpe arai lama ma shap jaw ai shaloi nsi naisi rin ai htumrin ni hpe pahkam rai zawn tang la lu na n rai; dai gaw asak bau ai malu masha hkyen lajang ya ai dinghku arai hpe tang ai hku ang nga ai.

Jinghpaw Hanson Version Bible

⁶ Htumrin hpe nang tang la ya lu na n rai; ntsa magap lung pyi la ya lu na n rai: kaning rai nme law, dai gaw masha asak tang la ai hku ang nga ai.

TARA JAHPRANG 24:6 ပူးပေါင်းရင်းမြစ်များ

NINGPAWT NINGHPANG 44:30

Yuda gaw matut nna, ya chyawm gaw madu e, “Nye wa hpang de ndai ma n lawm ai sha nhtang wa ai rai yang, ngai hte rau ma dai n lawm wa ai hpe shi hkap mu mada ai hte shi si mat na wu ai. Shi a asak gaw dai ma a asak hta manoi nga ai rai nna, ya shi grai dingla wa sai hte maren, anhte shi hpe yawn hkyen jahkrum nna sat kau na ga ai.

YOBA 22:6

Shi hkoi la ai gumhpraw nang hpe bai nhtang jaw shangun nga ndai, nang gaw shi a hpun palawng ni hpe la kau ya nna, singgu krin tawn da nga ndai.

MAHTE 24:41

Numsha lahkawng htum rin langai mi hta rau rin nga na mara ai rai nna, langai mi gaw woi la ai hkrum nna langai mi gaw jahti kau da ai hkrum na ra ai.

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

TARA JAHPRANG 20:19

“Mare langai madu la na matu nanhte shakut let, aten na na wang tawn da myit dai shaloi, namsi hpun ni hpe kran daw kau lu na myit dai n rai. Dai hpun ni gaw nanhte a gumlau hpyen ni n rai nga ai majaw dai ni hpe hkum jahten kau myit; de a namsi ni hpe nanhte sha lu na rai myit dai.

TARA JAHPRANG 24:5

“Dinghku nnan shang ai lasha gaw hpyen amu hte shawa bungli gun hpai lu na n rai; shi gun hpai nga ai lit kaw na pyi laning mi hkring sa la na ahkang nga nga ai. Shi gaw nta e madu jan hte pyaw pyaw nga lu na rai wu ai.

TARA JAHPRANG 24:7

“Israela hpu nau langai ngai hpe rim makoi da nna, shi a mayam shatai la ai, shing n rai mayam hku dut sha kau dat ai wa kadai mung sat kau ai hkrum na rai wu ai. Ndai hku nna dai n shawp n kap ai amu hpe nanhte yeng seng kau na rai myit dai.

SHINGRAN 18:22

Nang hta tingse nsen, mahkawn yu ngwi nsen, sumpyi dum ai ni hte pahke dum ai ni a nsen, htawm hpang galoi mung bai na lu sana n rai. Hpaji maka hte hpaga yumga galaw sha ai masha nang hta htawm hpang galoi mung paw pru lu na n rai, htumrin rin ai nsen mung, nang hta htawm hpang galoi mung na lu sana n rai.