TARA JAHPRANG 24:18 - Jinghpaw Common Language Bible 2009

¹⁸ Nanhte Egutu mung e mayam tai yu manit dai hpe mung, dai Madu nanhte a Karai Kasang nanhte hpe shalawt la manit dai hpe mung adum nga mu; dai re ai majaw ndai hkang da ai ga ngai nanhte hpe jaw ya ma sade ai.

Jinghpaw Hanson Version Bible

¹⁸ Egutu mung e nang yam nga yu nit dai mung, na a Karai Kasang Yehowa dai kaw na nang hpe hkrang shaw wa nit dai mung, nang dum nga lu na rai ndai: dai re ai majaw ndai tara matsun ngai nang hpe tawn da ya se ai.

TARA JAHPRANG 24:18 ပူးပေါင်းရင်းမြစ်များ

PRU MAT 22:22

Gaida jan hte chyahkrai ma hpe n gawn n sawn hkum di myit.

JAW JAU 19:33

“Nanhte a mung hta shanu nga ai maigan masha ni hpe zingri zingrat di lu na myit dai n rai; shanhte hpe Israela manaw manang ni zawn sawn nna nanhte a hkum hte maren tsaw ra nga mu. Nanhte mung Egutu mung hta tsasam masha tai yu manit dai hpe dum nga mu. Ngai gaw dai Madu nanhte a Karai Kasang rai nga nngai.

TARA JAHPRANG 15:15

Egutu mung hta nanhte mayam tai yu manit dai hpe mung, dai Madu nanhte a Karai Kasang nanhte hpe shalawt dat ai hpe mung adum nga mu; dai re ai majaw ndai hkang da ai ga, dai ni ngai nanhte hpe jaw ya nga nngai.

TARA JAHPRANG 16:12

Egutu mung e nanhte mayam tai yu manit dai hpe hkum malap kau myit; dai rai nna ndai hkang da ai ga ni hpe nanhte teng teng madat mara hkan sa lu na rai myit dai.

TARA JAHPRANG 24:17

“Maigan masha ni hte jahkrai nmai ma ni a ahkaw ahkang ni hpe hkum pat shingdang da ya lu na n rai; gaida jan a hpun palawng hpe hkoi jaw gumhpraw a matu pahkam arai shatai kau ya lu na n rai.

TARA JAHPRANG 24:19

“Na a nai mam nsi naisi ni hpe shu la ai shaloi, nang dan da sai hkauling nkau mi n hta la hkrup kau ai rai yang, dai hpe bai hkan hta la lu na n rai; dai gaw maigan masha, jahkrai nmai hte gaida gaina ni a matu ngam da lu na rai ndai; dai Madu na a Karai Kasang mung nang galaw ai lam magup shaman ya na ra ai.

TARA JAHPRANG 24:22

Nanhte Egutu mung e mayam tai yu manit dai hpe galoi mung hkum malap kau nga myit; dai re ai majaw ndai hkang da ai ga ngai nanhte hpe jaw ya made ai.

TARA JAHPRANG 5:15

Nanhte gaw Egutu mung e mayam tai nga myit dai shaloi, nanhte a Karai Kasang ngai Madu nan nye a galu kaba ai daru magam n-gun hte nanhte hpe hkrang shaw la sai hpe adum nga mu. Dai lam a majaw Bansa Nhtoi hpe hkan shatup nga na ngai nanhte hpe hkang da ni ai.