TARA JAHPRANG 24:14 - Jinghpaw Common Language Bible 2009

¹⁴ “Na a mare langai ngai hta nga ai Israela hpu nau shing n rai maigan masha hta rai tim, matsan mayan re ai hte ra kadawn nna nchyang amu galaw sha ai shangun ma hpe masu hkalem sha lu na ndai n rai.

Jinghpaw Hanson Version Bible

¹⁴ Na a hpunau hta na rai timung, nang kaw sa shingbyi nga ai amyu kaga ni hta na rai timung, matsan mayan re ai hte n lu n lawm nna nchyang chyang ai wa hpe adip akrip di lu na n rai;

TARA JAHPRANG 24:14 ပူးပေါင်းရင်းမြစ်များ

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

GA SHAGAWP 14:31

Matsan mayan ni hpe nang dip gamyet sha ai rai yang, shanhte hpe hpan da ai Karai Kasang hpe nang n gawn n sawn di nga ndai; rai ti mung, matsan mayan ni hpe matsan dum myit madun ai chyawm gaw Madu hpe nawku daw jau ai lam rai nga ai.

GA SHAGAWP 22:16

Sut gan shalaw na matu, matsan mayan wa hpe dip gamyet da nna sut su ai ni hpe kumhpa nang jaw ai rai yang, nang hkum nan matsan mayan hkrum na ra ai.

AMO LAIKA (AMOS) 4:1

Yaw jahpum da ai Bashan na nga kanu ni zawn galu kaba hpum tsawm nga ai Samari numsha ni e, ndai ga madat mu, nanhte gaw n-gun kya ai ni hpe n gawn n sawn di nna, matsan mayan masha ni hpe dip gamyet sha nhtawm nanhte a madu wa ni kaw lu na sabyi ntsin shapraw ya na hpyi nga myit dai.

LUKA 10:7

Dai nta hta e nan, nanhte nga nga nna, shanhte jaw ai hte maren lu sha mu, hpa majaw nga yang, amu galaw ai wa gaw shabrai hkam la ging nga ai. Nta mi kaw nna nta mi de hkum htawt nga hkawm myit.

AMO LAIKA (AMOS) 2:7

Shanhte gaw n-gun kya nga ai ni hte karum la na masha n lu ai ni hpe kabye anut ma ai; matsan mayan masha ni hpe lam shadam kau nga ma ai. Kawa hte kasha gaw mayam mahkawn langai sha hte jawm kanawn let nye a chyoi pra ai amying nsang hpe awu asin di ma ai.

AMO LAIKA (AMOS) 8:4

Ra kadawn ai ni hpe kabye dip ai hte mungdan na matsan mayan masha ni hpe jahten sharun shakut nga ai nanhte gaw ndai ga madat mu.

EZEKELA 22:7

Dai mare hta shanu nga ai ni kadai mung tinang a kanu kawa ni hpe shagrau hkungga nga ma ai n rai. Nang gaw tsasam masha ni hpe mawp sha nna gaida gaina ni hte jahkrai nmai ni hpe zai hku nna dip sha nga ndai.

1 TIMOHTI 5:18

Hpa majaw nga yang Chyum Laika hta, “Mam kabye nga ai dumsu a n gup hpe ka dagraw da ya lu na n rai; bai amu galaw ai wa gaw shi a shabrai hkam la lu na rai nga ai,” nga nna tsun nga ai.

JAW JAU 19:13

“Kadai hpe mung zai hte roi rip nna shi a arai kashun la lu na n rai. Nchyang ma a shabrai lana mi sha pyi hkum shadang da lu na myit dai n rai.

TARA JAHPRANG 15:7

“Dai Madu nanhte a Karai Kasang jaw ya nga ai mungdan na mare langai ngai hta Israela hpu nau wa matsan mayan hkrum nna ra kadawn nga ai rai yang, shawang myit kata rai shi hpe n karum la hkum rai myit.