TARA JAHPRANG 24:1 - Jinghpaw Common Language Bible 2009

¹ “Lasha langai ngai num hkungran la nna nga sha nhtawm, shi n yu htuk dum ai lam lama ma hpe mu tawn ai a majaw n ra sharawng mat wu ai rai yang, jahka ai laika ka jaw let shi a nta kaw na dat dat na rai wu ai.

Jinghpaw Hanson Version Bible

¹ La langai ngai num la nna nga sha nhtawm, dai numsha hta mara shagun shara lama ma rawng nna, myit n htuk lu yang gaw jahka ai laika jaw nna dat dat na rai wu ai:

TARA JAHPRANG 24:1 ပူးပေါင်းရင်းမြစ်များ

PRU MAT 21:10

Lasha langai gaw num bai la kahtap ai rai yang, shawng num hpe shawng na hte maren, shi hkam la nga sai malu masha, hpun palawng hte ahkaw ahkang ni hpe matut madi shadaw jaw ya lu na rai wu ai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

YEREMIA 3:1

Dai Madu gaw, “Lasha langai ngai gaw shi a madu jan hpe jahka kau nna, num dai gaw shi kaw na pru mat wa ai hte kaga masha wa a madu jan tai ai rai yang, shi gaw dai numsha hpe bai la lu na n rai. Dai zawn re ai amu gaw lamu ga hpe tsep kawp awu asin di nga ai. Rai ti mung, Israela e, nang chyawm gaw sumtsaw law law lu yu nga ndai, ya chyawm gaw nang ngai hpang de nhtang wa mayu nga nit hka!

YEREMIA 3:8

Shi gaw ngai kaw na kayin mat wa nhtawm shawa num tai mat sai majaw ngai gaw Israela hpe jahka kau nhtawm tsan tsan de sa kau dat ai hpe Yuda wa mung mu nu ai. Rai ti mung, Israela a sadi n dung ai kana Yuda gaw hkrit ai n rai. Shi mung shawa num tai wa nhtawm,

MALAHKI 2:16

Dai Madu Israela a Karai Kasang gaw, “Ngai gaw num jahka ai hpe n dawng nngai. Nanhte hta na langai ngai tinang a madu jan hpe dai zawn n hkru ai amu galaw ai shaloi, dai hpe ngai n dawng nga nngai. Na a madu jan hta sadi dung nga na ngu nna, jaw ai na a ga sadi hpe nang teng teng hkum run kau et,” ngu nna hkang da wu ai.

BU HKAWM 5:28

Rai ti mung shi hta mara n kap nga ai rai yang chyawm gaw shi hta nchyi nmu n hkrum ai sha, kashu kasha shaprat lu na rai wu ai.

MAHTE 1:19

Yosep gaw myit ding hpring nna teng man ai hku galoi mung galaw ai masha langai mi rai nga ai hte maren, shi gaw Mari hpe masha a man e sari jahpoi ai lam n galaw mayu wu ai majaw, shi hte mahtan da ai lam hpe akatsi sha lagyim dawm kau na hkyen nga ai.

LUKA 16:18

“Tinang a madu jan hpe jahka kau nna, num kaga la ai wa kadai mung, num shaw ai rai nga ai, madu wa jahka kau ai num hpe la ai wa mung, num shaw ai rai nga ai.

TARA JAHPRANG 21:15

“Lasha langai gaw shi hta num lahkawng lu ai ngu ga; shan lahkawng hta shadang sha shaprat ma ti mung kasha alat mahtang shi tsaw ra ai madu jan a kasha n rai nga ai majaw

TARA JAHPRANG 22:13

“Masha langai ngai numsha langai mi hpe hkungran la ngut ai hpang, dai num hpe shi n tsaw ra mat ai hte,

TARA JAHPRANG 22:19

Dai la wa gaw Israela a shayi sha a sari jahpoi kau ya nu ai majaw gumhpraw latsa mung shawa hkrum na rai wu ai. Dai hpe numsha a kawa hpe jaw na rai wu ai. Dai sha n-ga, numsha mung shi a madu jan matut tai nga let dai la wa ahkrung nga dingsa shi hpe galoi mung jahka lu na wu ai n rai.

TARA JAHPRANG 22:29

dai la wa gaw numsha a kawa hpe gumhpraw manga shi wa lu na rai wu ai; dai la wa mahtang numsha hte shut kau nu ai majaw numsha mung shi a madu jan tai na rai wu ai. Dai lasha ahkrung nga dingsa galoi mung hka lu na ma ai n rai.

TARA JAHPRANG 24:2

Dai hpang shi gaw kaga lasha langai hte hkungran ai ngu ga,

TARA JAHPRANG 24:3

hpang na la wa mung shi hpe n tsaw n ra ai rai yang, jahka laika ka jaw nhtawm shi a nta kaw nna shabawn kau dat na rai wu ai. Shing n rai dai numsha a hpang na madu wa si mat ai rai rai,