TARA JAHPRANG 23:9 - Jinghpaw Common Language Bible 2009

⁹ Nanhte gaw majan aten, dap kata e rawng nga myit dai shaloi, nanhte hpe n san n seng shangun ai lam magup hpe koi gam lu na rai myit dai.

Jinghpaw Hanson Version Bible

⁹ Nang masha hpyen ni hpe gasat na sa wa ndai shaloi, n san n seng ai lam shagu koi gam na rai ndai.

TARA JAHPRANG 23:9 ပူးပေါင်းရင်းမြစ်များ

2 HKAWHKAM LABAU 19:4

Yehoshahpat gaw Yerusalem mare e nga nga timung, dingda maga Berasheba mare kaw nna dingdung maga Ehprim bum ga shingnawm du hkra ladaw da ai aten shagu hkawm sa nhtawm mung masha ni hpe dai Madu shanhte a Karai Kasang hpang de kayin wa shangun wu ai.

2 HKAWHKAM LABAU 31:20

Hkawhkam Hezekia gaw Yuda mung ting hta ding man ai amu hte dai Madu shi a Karai Kasang awng sharawng nga ai amu hpe galaw wu ai.

ESAIA 56:3

Dai Madu a amyu masha ni kaw hkan nga sai maigan masha wa gaw, “Dai Madu gaw ngai hpe shi a amyu masha ni hte rau n nawku shangun na re,” nga nna n tsun hkrup u ga. Unuk gaw shi hta kashu kasha n lu sai, shi gaw galoi mung Karai Kasang a amyu masha daw chyen mi pyi n tai lu na sai, ngu nna galoi mung n myit la mai ang nga ai.

LUKA 3:14

Hpyenla ni mung, “Anhte wa gaw kaning rai na rai ta? Anhte hpa rai ta?,” nga nna shi hpe san ma ai. Shi gaw, “Kadai wa kaw na mung adip arip di nna, gumhpraw hkum kashun la myit, n tara ai hku mara hkum shagun myit, nanhte lu ai shabrai hte myit dik dum nga mu,” ngu nna shanhte hpe tsun mu ai.

TARA JAHPRANG 23:10

Shana mu ai yup mang hta byin chye ai madi manyap a majaw marai langai ngai hta n san n seng mat ai rai yang, dai wa gaw dap shinggan de pru sa nna dai yang e nga nga na rai wu ai.

TARA JAHPRANG 23:8

Ban masum a hpang pra sa wa ai shanhte a matu mara ni mahtang dai Madu a amyu masha hpawng hta lawm mai na rai ma ai.

YAWSHU 6:18

Rai ti mung dai jahten kau na arai hpa hpe mung nanhte la lu na myit dai n rai; nanhte gaw shing re ai amu galaw hkrup myit dai rai yang Israela dap hpe ru yak tsin-yam tsindam hte hten byak ai lam jahkrum na rai myit dai.

TARA AGYI 20:26

Dai hpang amyu masha ni yawng Behtela mare de lung wa nhtawm sharung shayawt nga ma ai. Shanhte gaw dai yang na dai Madu a man e dung nga let shana de du hkra n lu n sha rai ma ai. Shanhte gaw dai Madu a man e mahku hkungga ni hte hkum ting nat nawng ai shagu hkungga nkau mi nawng jau ma ai.