TARA JAHPRANG 23:8 - Jinghpaw Common Language Bible 2009

⁸ Ban masum a hpang pra sa wa ai shanhte a matu mara ni mahtang dai Madu a amyu masha hpawng hta lawm mai na rai ma ai.

Jinghpaw Hanson Version Bible

⁸ Shan a amyu matu gaw prat masum du jang she Yehowa a shawa hpawng hta shang lu na rai ma ai.

TARA JAHPRANG 23:8 ပူးပေါင်းရင်းမြစ်များ

NINGPAWT NINGHPANG 25:25

Shawng shangai ai wa mahtang hkyeng ai nsam rawng nna shi a ahpyi mung mun tu ai nba hte bung nga ai. Dai rai nna shi hpe Esaw ngu nna shamying mu ai.

NINGPAWT NINGHPANG 25:26

Hpang na wa gaw Esaw a lahtin manat let shangai wa ai; dai rai nna shi hpe Yaku ngu nna shamying mu ai. Dai kasha yan hpe shaprat ai shaloi, Isak a asak kru shi ning du salu ai.

1 HKAWHKAM 3:1

Shawlumon gaw Egutu hkawhkam wa a shayi sha hpe hkungran la let jinghku galaw da wu ai. Hkawhkam wa gaw shi hpe Dawi a mare e shi a hkawhkam hkaw hpe mung, Nawku Htingnu hpe mung, Yerusalem mare hpe kum gawan da ai mare bunghku ni yawng gaw gap ngut ai shani du hkra, shi hpe nga shangun nga ai.

EZRA 9:1

Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

PRU MAT 22:20

“Dai Madu Ngai hta lai nna hpara shaje hpe shagu hkungga nawng jau ai wa kadai mung si ari daw dan ai hkrum na rai wu ai.

OBEDIA 1:10

“Na a kahpu kanau ni rai nga ai Yaku a matu mara ni hpe nang ashep ashin di nna sat kau nit dai majaw, nang gaw shamyit kau hkrum ai hte htani htana kaya kahpa hkrum na rin dai.

TARA JAHPRANG 10:19

Dai rai nna nanhte nan mung Egutu mung e maigan masha ni zawn sa tai yu manit dai majaw ndai maigan masha ni hpe tsaw ra mu.

TARA JAHPRANG 23:7

“Edom masha ni hpe chyawm gaw n kaw n law hkum rai myit; shanhte gaw nanhte a kahpu kanau ni rai ma ai. Egutu masha ni hpe mung n sawn n sang hkum rai myit; shanhte a mungdan hta nanhte nga yu manit dai.

TARA JAHPRANG 23:9

Nanhte gaw majan aten, dap kata e rawng nga myit dai shaloi, nanhte hpe n san n seng shangun ai lam magup hpe koi gam lu na rai myit dai.

1 SAMUELA 30:11

Dawi a masha ni Egutu lasha langai mi hpe bum ga e hkrum ai rai nna Dawi hpang de woi wa ya ma ai. Shanhte gaw lusha loi mi hte ntsin shi hpe jaw ma ai;