TARA JAHPRANG 23:5 - Jinghpaw Common Language Bible 2009

⁵ Rai ti mung dai Madu nanhte a Karai Kasang gaw Balam a ga n madat ai sha, shing di na malai shi nang hpe tsaw ra nga ai majaw dagam ai hpe shaman ai shatai kau ya wu ai.

Jinghpaw Hanson Version Bible

⁵ Rai timung, na a Karai Kasang Yehowa gaw Balam a ga n hkan ai sha, na a Karai Kasang Yehowa nang hpe tsawra wu ai majaw, dagam ai lam hpe shaman ai shatai kau wu ai,

TARA JAHPRANG 23:5 ပူးပေါင်းရင်းမြစ်များ

2 SAMUELA 16:12

Dai Madu gaw nni nkri lam hpe yu matsing nhtawm, shi matsa ai a marang e, ngai hpe shaman chyeju nkau mi jaw ya nhten,” ngu nna tsun wu ai.

NEHEMIA 13:2

Dai gaw hpa majaw nga yang, Amon hte Moba masha ni gaw Egutu mung kaw nna pru wa ai hkrun lam hta Israela amyu masha ni hpe lusha hte ntsin n jaw ai hta sha n-ga, shing rai galaw na malai, shanhte gaw Israela hpe matsa na matu Balam hpe gumhpraw jaw ma ai; rai ti mung anhte a Karai Kasang gaw matsa mawa ga hpe shaman ga shatai kau ya nu ai.

SHAKAWN KUNGDAWN 73:1

Karai Kasang gaw myit masin san seng ai Israela amyu masha ni hpe kaja wa, chyeju jaw ya nga ai.

GA SHAGAWP 26:2

Dagam dala ga ni gaw nang dai hpe gingdan ai sha n rai yang, nang hpe n hkra lu nga ai. Dai gaw galoi mung n dung ai sha pyen hkawm ai ntsa malen u ni zawn rai ma ai.

YEREMIA 31:3

ngai gaw tsan tsan kaw nna shanhte hpang de dan pru ni ai. Israela amyu masha ni e, ngai gaw nanhte hpe tut nawng e tsaw ra nga nngai majaw nanhte hpe nye a dinggrin tsaw ra myit matut madun na nngai.

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

MIHKA 6:5

Nye a amyu masha ni e, Moba Hkawhkam Balak gara hku hpaji daw ai lam hte Beora a kasha Balam shi hpe gara hku htan ai ga dum nga u. Akasia dabang kaw nna Gilgala dabang lapran na hkrun lam hta byin lai wa sai lam ni hpe dum u. Nang gaw ndai lam ni hpe dum nna nang hpe hkye hkrang la na matu ngai galaw lai wa sai amu ni hpe nang bai chye wa lu na ndai,” nga nna tsun ai.

MALAHKI 1:2

Dai Madu gaw shi a amyu masha ni hpe, “Ngai nanhte hpe tut nawng tsaw ra nga ni ai,” ngu nna tsun wu ai. Rai ti mung, shanhte gaw, “Anhte hpe na a tsaw ra myit gara hku madun yu nit ni?,” ngu nna bai htang tsun ma ai. Dai Madu gaw, “Esaw yan Yaku gaw kahpu kanau yan rai ma ai, rai ti mung ngai gaw Yaku hte shi a matu mara ni hpe mahtang tsaw ra ni ai.

BU HKAWM 22:35

Rai ti mung lamu kasa gaw, “Ndai masha ni hte rau sa wa su; rai ti mung ngai nang hpe tsun ai ga sha tsun lu na rai ndai,” ngu nna tsun wu ai. Dai rai nna Balam mung shanhte hte rau hkan sa mat wa wu ai.

BU HKAWM 22:5

Beora a kasha Balam hpe shaga na matu, dai wa nga ai Amaw mung na Uhprat hka nu makau na Petora mare de kasa ni hpe shangun dat wu ai. Shanhte mung Balak kaw na dai ga shi kaw la sa ya mu ai; “Egutu mung na du lung wa ai amyu baw ting a lam hpe ngai chye mayu nngai; dai ni gaw shara shagu hkan pat rap rai nna anhte a mung hpe la kau na matu jahkrit shama nga masai.

BU HKAWM 24:9

Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”

ROMA 11:28

Dai Kabu Gara Shiga hpe shanhte kabai kau ma ai majaw, Yuda amyu masha ni gaw Karai Kasang a hpyen tai wa masai. Shing rai byin wa ai gaw maigan amyu masha ni ngu ai nanhte akyu hkam la na matu rai nga ai. Rai ti mung, Karai Kasang gaw shanhte hpe lata la ai amyu shatai sai majaw shanhte a kaji kawa ni hpe tawn da sai ga sadi a gawp e shanhte gaw shi a tsaw ra hkrum ai ni rai nga ma ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

ROMA 9:13

Chyum laika hta mung, “Yaku hpe ngai tsaw ra nna Esaw hpe ngai n dawng n yawt nngai,” nga nna ka da nga ai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

TARA JAHPRANG 33:3

Dai Madu gaw shi a amyu masha ni hpe tsaw ra nga ai rai nna, shi hte seng ai ni hpe makawp maga ya nga ai. Dai rai nna, shi a lagaw nhpang e anhte gum dagup nna shi a hkang da ai ga ni hpe hkan sa ga ai.

TARA JAHPRANG 4:37

Nanhte a nji nwa ni hpe shi tsaw ra wu ai majaw nanhte hpe lata la nu ai rai nna shi a galu kaba ai daru magam n-gun hte shi nan nanhte hpe Egutu mung kaw na woi shapraw wa nu ai.

YAWSHU 24:10

ngai chyawm gaw Balam a ga n madat ya we ai; dai rai nna shi nanhte hpe shaman ya nga ai. Dai hku nna ngai nanhte hpe Balak a lata kaw na hkye mawai la made ai.