TARA JAHPRANG 23:4 - Jinghpaw Common Language Bible 2009

⁴ Nanhte Egutu mung na pru wa myit dai shaloi, malu masha hte lu hka ntsin nanhte hpe n hkap jaw ma ai majaw mung, nanhte hpe hkap matsa na matu Mesopotamia mung Pehtora mare na Beora a kasha Balam hpe saw shaga da ma ai.

Jinghpaw Hanson Version Bible

⁴ nanhte Egutu mung na pru wa ai shaloi, muk hte ntsin gun nna n tau la ma ai majaw mung, nanhte hpe dagam na Mesopotami mung, Pehtora mare na Beora kasha Balam hpe shaga mu ai majaw mung, shanhte hta kadai mung prat shi n du dingsa Yehowa a shawa hpawng hta lawm lu na n rai.

TARA JAHPRANG 23:4 ပူးပေါင်းရင်းမြစ်များ

1 HKAWHKAM 18:4

Yezebela gaw dai Madu a myihtoi ni hpe sat kau wu yang, shanhte hta na marai latsa hpe hpung lahkawng garan nhtawm, hpung mi hta marai manga shi shi di nna lungpu hku ni hkan woi makoi da nna shahpa hte lu hka ntsin jaw nhtawm bau da wu ai.)

EZRA 9:1

Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

NEHEMIA 13:2

Dai gaw hpa majaw nga yang, Amon hte Moba masha ni gaw Egutu mung kaw nna pru wa ai hkrun lam hta Israela amyu masha ni hpe lusha hte ntsin n jaw ai hta sha n-ga, shing rai galaw na malai, shanhte gaw Israela hpe matsa na matu Balam hpe gumhpraw jaw ma ai; rai ti mung anhte a Karai Kasang gaw matsa mawa ga hpe shaman ga shatai kau ya nu ai.

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

YEREMIA 49:1

Ndai gaw Amon masha ni hte seng nna tsun ai dai Madu a mungga rai nga ai: “Israela lasha ni kanang rai nga ma ta? Shanhte a mungdan hpe makawp maga na lasha kadai mung n nga sani? Shanhte gaw Molek hpara hpe nawku ai masha ni, Gad a mungdaw hpe hpa majaw madu la ai hte dai shara hta de nga ma ni?

SHARUNG SHAYAWT 1:10

Gumlau hpyen ni gaw shi a sut gan yawng hpe kashun la kau manu ai. Shi gaw maigan masha ni n shang na matu dai Madu hkum da ai Nawku Htingnu de Shanhte shang wa ai hpe shi mu wu ai.

EZEKELA 44:9

“Matu gadoi n hkam ai maigan masha, nye a ga n madat n mara ai wa gaw Israela amyu masha ni a lapran e nga ai maigan masha wa rai tim pyi, nye a Nawku Htingnu de shang lu na n rai nga ai hpe Tsaw Htum ai dai Madu ngai nan hkang da ni ai.

ZEHKARIA 2:8

Nanhte hpe adup ai wa kadai mung nye a matu manu dan htum ai hpe adup ai wa rai nga ai,” ngu nna tsun wu ai. Dai rai nna, Chyahtum Chyalai N-gun rawng ai dai Madu gaw shi a amyu masha ni hpe hpya ayai kau ai masha amyu baw ni a matu ndai mungga hte hpawn ngai hpe shangun dat wu ai:

BU HKAWM 22:17

Ngai nang hpe grai di shagrau na de ai. Nang tsun ai ga hpa hpe mung ngai hkan galaw ya na nngai. Chyeju hte sa nna nye a matu ndai masha ni hpe matsa ya e.”

BU HKAWM 23:7

Balam gaw ndai myihtoi ga hpe tsun hpaw dat wu ai: “Moba Hkawhkam Balak gaw Suri mung sinpraw Maga nga ai bum dinghkang kaw na ngai hpe woi la nu ai. Shi gaw, ‘Nye a matu sa tsun ya e, Israela amyu masha ni hpe matsa kau ya e,’ nga nna tsun nu ai.

MAHTE 25:40

Dai rai nna Hkawhkam wa gaw, ‘Nanhte hpe ngai teng teng tsun made ga, ndai ngai nau ni hta na kaji htum ai wa langai mi hpe nanhte galaw ai gaw, nanhte ngai hpe galaw manit dai rai nga ai!,’ ngu nna shanhte hpe htan na mu ai.

KASA 9:4

Shi mung ga e kadawng taw mat ai hte, “Shawlu, Shawlu! Nang ngai hpe hpa rai zingri nga n ta?,” nga nna shi hpe tsun nga ai nsen langai mi na wu ai.

YAWSHU 24:9

Shaloi Moba Hkawhkam Zipora a kasha Balak rawt nna nanhte hpe hkap gasat wu ai. Beora a kasha Balam hpe shaga shangun dat nna nanhte hpe matsa shangun wu ti mung,

2 PETRU 2:15

Shanhte gaw lam ding ai hpe kau da nna shanhte a lam shamat kau manu ai; shanhte gaw Beora a kasha Balam hkan ai lam hta hkan nang mat masai. Balam gaw n teng n man ai amu galaw nna lu ai shabrai hpe ra marit ai wa rai nga ai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

1 SAMUELA 25:11

Ngai gaw nye a sagu mun rep ai ni a matu hpajang tawn ai muk, ntsin hte yam nga ashan la nna, kanang na pru wa ai pyi n chye ai ni hpe jau kau na rai nga a ni?,” ngu nna htan wu ai.