TARA JAHPRANG 23:2 - Jinghpaw Common Language Bible 2009

² “N-gyi ma rai ti mung, shing re ai masha hta ban shi du hkra pra hkrat wa ai matu mara ni kadai mung dai Madu a amyu masha hpawng hta lawm mai nga ma ai n rai.

Jinghpaw Hanson Version Bible

² N-gyi ma kadai mung, Yehowa a shawa hpawng hta lawm lu na n rai: shi a kashu kasha prat shi du hkra Yehowa a shawa hpawng hta lawm lu na n rai.

TARA JAHPRANG 23:2 ပူးပေါင်းရင်းမြစ်များ

ESAIA 56:3

Dai Madu a amyu masha ni kaw hkan nga sai maigan masha wa gaw, “Dai Madu gaw ngai hpe shi a amyu masha ni hte rau n nawku shangun na re,” nga nna n tsun hkrup u ga. Unuk gaw shi hta kashu kasha n lu sai, shi gaw galoi mung Karai Kasang a amyu masha daw chyen mi pyi n tai lu na sai, ngu nna galoi mung n myit la mai ang nga ai.

ESAIA 57:3

Yubak kap ai ni e, jeyang hkam na matu ndai shara de sa wa mi! Nanhte gaw hpyi shung shung ai ni, numshaw lashaw ai ni hte shawa num ni hta grau kaja nga myit dai n rai.

JAW JAU 21:20

mashi marung htingkung ai, kadun akyi ai, myi machyi ai, maru ru ai hte unuk ni kadai mung sit sa lu na n rai.

ZEHKARIA 9:6

Ashdod mare hta mung kayau kaya re ai masha amyu baw ni shanu nga na mara ai. Dai Madu gaw, “Ndai gumrawng gumtawng ai Hpilisti masha ni yawng hpe ngai shagrit kau na we ai.

YAWHAN 8:41

Nanhte chyawm gaw, nanhte a kawa a lai len hku hkan galaw myit dai,” ngu nna tsun mu ai. Shanhte gaw, “Anhte gaw n-gyi amyu n rai ga ai, Karai Kasang shi nan anhte a langai sha re ai Kawa rai nga mali ai,” ngu nna shi hpe tsun mu ai.

TARA JAHPRANG 23:1

“Dawn kau hkrum ai, shing n rai lasha hkrang daw kau hkrum ai lasha kadai mung dai Madu a amyu masha hpawng hta lawm mai nga ai n rai.

TARA JAHPRANG 23:3

“Amon hte Moba masha ni hta ban shi du hkra pra hkrat wa ai shanhte a matu mara ni kadai mung dai Madu a amyu masha hpawng hta lawm mai nga ai n rai.

HEBRE 12:8

Shi a kasha ni yawng hkam ga ai zawn daru sharin ai hpe n hkam la myit yang gaw nanhte gaw kasha majing n rai, n-gyi ma ni sha rai nga myit dai.