TARA JAHPRANG 22:8 - Jinghpaw Common Language Bible 2009

⁸ Nta ningnan gap ai shaloi numgaw grup grup hta makawp shinggang teng teng bang lu na rai ndai. Shing rai jang, marai langai ngai di hkrat si mat ti mung dai gaw na a lit rai na ra ai n rai.

Jinghpaw Hanson Version Bible

⁸ Nta magaw na masha hkrat ai a majaw, na nta hta masha sat ai yubak n du lit ga, nang nta nnan galaw ai shaloi, nta magaw ntsa hpe makau grup hkum ban na rai ndai.

TARA JAHPRANG 22:8 ပူးပေါင်းရင်းမြစ်များ

2 SAMUELA 11:2

Lani mi na shana de maga chyahkring mi myet nga nna yup la ai hpang, Dawi rawt wa nhtawm shi a hkawhkam hkaw numgaw de sa wa wu ai. Dai yang e shi kayin hkawm wu yang, yu u, numsha langai mi shi a nta e hka shin nga ai hpe mu dat wu ai. Dai numsha chyawm gaw ahpraw asam mung grai tsawm nga ai.

PRU MAT 22:6

“Marai langai ngai gaw shi a yi sun hpe wan nat dat ai hte dai gaw tsingdu tsingman hta hkru hkrawn mat wa nhtawm kaga masha wa a yi sun hta tu nga ai hkai nmai shing n rai dan da sai hkauling sumpum hpe hkru kau ya ai rai yang, dai wan jahkru dat ai wa mahtang hten za mat ai a matu wa na rai wu ai.

ESAIA 22:1

Ndai gaw Shingran Kadit hte seng ai mungga langai rai nga ai. Hpa byin nga a ni? Mare masha ni yawng gaw hpa majaw nta numgaw ntsa e poi galaw nga ma ni?

YEREMIA 19:13

Nta numgaw hkan e, shagan ni hpe manam pyaw ai baw wan nat nawng nna, kaga hpara ni hpe hkungga nawng jau ai zawn sabyi ru jaw ma ai majaw, Yerusalem mare nta ni hte Yuda hkawhkam ni a nta ni gaw Tohpet shara zawn teng teng awu asin tai mat na ra ai nga nna shanhte hpe htawn tsun u,” ngu nna tsun ai.

EZEKELA 3:18

N hkru ai masha gaw si na ra ai ngu nna ngai tsun ndau ti mung, nang gaw shi a lam ni hpe galai shai wa na matu hte shi gaw shi a asak lawt lu nna shim nga lu na matu shi hpe n shadum n jahprang ai rai yang, dai yubak naw kap nga ai wa gaw si na ra ai; rai ti mung, ngai gaw shi a si hkrung si htan a matu nang hta lit nga nga ai.

EZEKELA 3:20

“Teng teng mai kaja ai wa gaw n hkru ai amu hpe galaw hpang dat ai rai yang, ngai shi hpe hkrit hpa shoi chyum ai shara hta tawn da na nngai. Nang shi hpe n shadum ai rai yang, shi si na ra ai. Shi galaw shut kau ai yubak mara ni a majaw, shi si na ra ai. Shi galaw sai mai kaja ai amu ni hpe mung, ngai dum ya na nngai n rai; nang gaw shi a si hkrung si htan a matu lit nga nga na ra ai.

MAHTE 10:27

Ngai nanhte hpe nsin kata e tsun dan ai lam hpe nhtoi hta e tsun dan mu: nanhte machyi shim ai hku na la ai lam hpe nta numgaw ntsa kaw nna ndau shana lu na rai myit dai.

MARKU 2:4

Masha wunawng sa hpawng chyat nga ai majaw shanhte gaw dai wa hpe shi kaw n jashawn lu mu ai. Dai majaw shanhte gaw nta numgaw ntsa de bai lung wa nna Yesu a ntsa ang ang na nta galup da ai wut pa ni hpe kayen gaw kau nna hku shawaw la nhtawm, dai wa hpe shi a yupra panep hte hpawn sumri hte shayu jahkrat dat mu ai.

KASA 10:9

Hpang shani, shanhte lam e sa wa nna Yopa mare de ni wa magang yang, Petru gaw shani ka-ang daram hta akyu hpyi na nga, nta ntsa de lung wa ai.

ROMA 14:13

Dai re ai majaw, anhte shada da hpa n jeyang saga. Kadai rai ti mung, tinang a hpu nau wa yubak de ahtu kadawng shara hte myit kataw shara hpa n galaw hkra she myit daw dan saga.

1 KORINHTU 10:32

Yuda amyu masha ni a matu mung, maigan masha ni a matu mung, Karai Kasang a Hpung a matu mung, ahtu kataw shara hkum tai nga myit.

TARA JAHPRANG 22:7

U kasha ni hpe la mai nga ti mung, dai u kanu hpe chyawm gaw dat kau lu na rai ndai; shaloi nang gaw asak galu nhtawm ngamu ngamai lu na rai ndai.

TARA JAHPRANG 22:9

“Na a sabyi sun ni hta kaga hkai nmai kayau hkai lu na n rai; shing di ai rai yang, sabyi si hpe mung, kaga hkai shapraw ai nsi naisi hpe mung nang lu lang na ndai n rai.

HPILIPI 1:10

Dai shaloi she nanhte gaw Hkristu bai du sa ai nhtoi hta n san n seng awu asin re ai lam shagu hta na lawt nna mara n rawng ai ni rai na myit dai.

1 HTESALONI 5:22

n hkru n kaja ai lam shagu hpe koi yen kau mu.

1 SAMUELA 9:25

Shing rai shanhte gaw nawku ai shara kaw nna mare de yu wa nhtawm nta numgaw e Shawlu a matu yup ra lajang da ya ai shara hta