TARA JAHPRANG 22:4 - Jinghpaw Common Language Bible 2009

⁴ “Israela hpu nau langai ngai a lawze, shing n rai dumsu kashawt kataw nga ai rai yang, dai hpe hkum yu shalai kau et; dai yam nga a lagaw bai mai sharawt la lu hkra dai hpe karum la na rai ndai.

Jinghpaw Hanson Version Bible

⁴ Na nhpu nnau wa a lawze, utang, lam e kataw nga ai hpe myi matu yu nga lu na n rai: shi hpe nang teng teng sharawt karum na rai ndai.

TARA JAHPRANG 22:4 ပူးပေါင်းရင်းမြစ်များ

MAHTE 5:44

Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

ROMA 15:1

Dai rai nna makam masham hta n-gun ja ai anhte ni gaw, makam masham n-gun kya ai ni a makam masham n hten mat hkra shanhte a lit hpe madi shadaw na mai kaja nga ai. Anhte gaw tinang a ra ai lam hpe n mai hkan tam ai.

2 KORINHTU 12:15

Ngai gaw nanhte hpe karum na matu nga jang, ngai lu malu yawng mayawng hte nye a hkum hkrang hpe pyi kabu gara jai lang kau na ra sharawng na nngai. Ngai nanhte hpe grai tsaw ra ai majaw, nanhte ngai hpe loi sha tsaw ra na rai ni?

TARA JAHPRANG 22:3

Lawze rai ti mung, hpun nba rai ti mung, na a Israela a hpu nau wa a arai lama ma mat mat ai hpe nang mu tam da ai rai yang, dai hte maren hkan galaw na rai ndai.

TARA JAHPRANG 22:5

“Numsha gaw lasha a hpun palawng bu hpun lu na n rai; lasha mung numsha hpun palawng bu hpun lu na n rai. Shing rai galaw ai amyu masha ni hpe dai Madu nanhte a Karai Kasang n dawng nga ai.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.