TARA JAHPRANG 22:1 - Jinghpaw Common Language Bible 2009

¹ Israela hpu nau langai ngai a sagu dumsu, lam dam ai hpe nang mu dat yang, dai hpe hkum yu shalai kau et; na a hpu nau wa hpang de bai sa sa ya na rai ndai.

Jinghpaw Hanson Version Bible

¹ Na hpunau wa a sagu dumsu lam dam ai hpe nang myi matu yu nna da lu na n rai: na a hpunau wa hpang de teng teng sa sa ya na rai ndai.

TARA JAHPRANG 22:1 ပူးပေါင်းရင်းမြစ်များ

GA SHAGAWP 24:11

N tara ai hku, sat kau hkrum na wa hpe mawai la na matu hkum kanung nga et.

GA SHAGAWP 27:10

Na a jinghku ni hte na nwa a jinghku ni hpe hkum malap kau et, nang ru yak hkrum nga ai rai yang, nang hpe karum la na matu na a hpu nau wa kaw karum, hkum sa hpyi et; Makau e sha nga nga ai htingbu wa gaw tsan tsan e nga ai kahpu kanau hta, nang hpe grau lu karum nga ai.

GA SHAGAWP 28:27

Matsan mayan wa hpe gam jaw u, shaloi nang galoi mung ra kadawn na rin dai n rai; matsan mayan wa hpe yu shalai kau ai rai yang chyawm gaw, masha law law wa, nang hpe dagam dala ga tsun na mara ai.

ESAIA 58:7

Na a lusha hpe kawsi kyet ai wa hpe karan ya u, dum nta n lu ai matsan mayan masha ni shang wa lu mu ga, na a nta ni hpe hpaw tawn u. Bu hpun na hpa mung n lu ai ni hpe hpun palawng jaw u, na a makyin jinghku ni hpe karum na hkum ningdang et.

ESAIA 8:17

Dai Madu gaw shi hkum nan shi a amyu masha ni kaw nna myi man makoi mat nu ai, rai ti mung ngai shi hpe kam hpa ai hte shi hpe myit mada nga nngai.

EZEKELA 34:16

“Ngai gaw mat mat sai ni hpe hkan tam na nngai, dam hkawm mat ai ni hpe mung woi nhtang wa na nngai; ningma machyi ai sagu ni hpe mung ahkyen kayawp ya na nngai, machyi ai ni hpe mung shamai ya na nngai; rai ti mung hpum sau ai ni hte n-gun ja ai ni hpe chyawm gaw ngai jahten kau na nngai, hpa majaw nga yang, ngai gaw teng man ai hte maren galaw ai sagu rem wa rai nga nngai.

EZEKELA 34:4

Gawng kya ai sagu ni hpe pyi nanhte lanu lahku nga myit dai n rai; machyi hkrum ai wa hpe mung tsi shamai ya nga ai n rai, ningma kap ai sagu hpe ahkyen kayawp ai n rai, dam mat wa ai sagu hpe mung bai woi la ai n rai, mat mat sai sagu hpe mung tam la nga myit dai n rai. Shing rai hkan galaw na malai, nanhte gaw shanhte hpe myit ja ai hte adip arip di reng nga myit dai.

JAW JAU 20:4

Rai ti mung shi galaw ai amu hte maren dai wa hpe shawa hpung ni hpa n nawn ai sha, si ari n jaw ai rai yang,

JAW JAU 6:3

shing n rai mat mat ai arai lama ma a majaw masu hkalem ai, arai n mu tam la sai ngu nna dagam let dai Madu hpe yubak galaw hkrup ai hte,

ZEHKARIA 7:9

“Moi shawng de nye a amyu masha ni hpe ning ngu ai hkang da ai ga ngai jaw ni ai: ‘Teng man ai hku amu daw dan ai hpe nanhte mu lu na myit dai. Langai hte langai matsan dum ai myit hte n-gaw n wai ai myit madun hkat nga mu;

MAHTE 10:6

Shing rai na malai, Israela amyu hta na dam mat ai sagu ni kaw she shawng sa mu.

MAHTE 15:24

Shaloi Yesu gaw, “Israela dap na dam mat wa ai sagu ni a matu sha ngai hpe shangun dat nngai,” ngu wu ai.

1 KORINHTU 9:9

“Mam kabye ai nga a n-gup hpe ka dagraw ya lu na n rai,” nga nna Mawshe a tara hta ka da nga ai. Ning nga tsun ai hta, Karai Kasang gaw usu ni hpe chyu sha tsang nna tsun nga ai kun?

TARA JAHPRANG 22:2

Rai tim, de a madu hte tsan ai rai yang mung, de a madu kadai rai nga ai hpe n chye ai rai yang mung, dai sagu dumsu hpe shi nta de gawt wa na rai ndai. Yam nga madu gawn sa wa ai shaloi shi a lata de nhtang ap dat ya na rai ndai.

1 PETRU 2:25

Nanhte gaw lam dam mat ai sagu ni zawn rai nga myit dai; ya chyawm gaw sagu rem wa hte nanhte a myit masin ni hpe up madu da ya ai wa a hpang e hkan nang na matu shi hpang de bai woi du wa manit dai.