TARA JAHPRANG 21:5 - Jinghpaw Common Language Bible 2009

⁵ Dai Madu nanhte a Karai Kasang gaw shi hpe daw jau na hte shi a mying ningsang hta shaman ya na matu, Lewi hkinjawng ni hpe lata la nu ai rai nna kashun kashe du daw sai hkaw pru wa ai amu shagu hpe daw dan hparan ya ra nga ai majaw dai shara de shanhte sa na rai ma ai.

Jinghpaw Hanson Version Bible

⁵ Lewi a kashu kasha hkinjawng ni mung sit sa na rai ma ai: kaning rai nme law, na a Karai Kasang Yehowa amu gun hpai na hte shi a amying nsang hta shaman ya na matu Yehowa shanhte hpe lata la nu ai rai nna, ndang kalang hkat ai amu shagu hte anu hkat ai amu shagu hpe shanhte a ga hte shangut lu na rai ma ai.

TARA JAHPRANG 21:5 ပူးပေါင်းရင်းမြစ်များ

1 HKAWHKAM LABAU 23:13

Shi a kasha alat Amram mahtang Arun hte Mawshe yan a kawa rai nga ai. (Arun hte shi a amyu matu ni gaw chyoi pra ai arung arai ni hpe tut nawng woi hpareng na matu san da hkrum ma ai; dai Madu a nawku shara hta manam pyaw ai baw hpe nat nawng nna shi hpe daw jau ai hte shi a mying ningsang hta amyu masha ni hpe shaman ya na rai ma ai.

2 HKAWHKAM LABAU 19:10

Mare kahtawng hkan nga ai nanhte a nhpu nnau ni gaw nanhte a man de masha sat ai amu, tara shing n rai hkang da ai ga, langai ngai hpe tawt lai ai amu sa shawk ma yang, shanhte gaw dai Madu a man e mara n kap mat hkra dai tara jeyang nga ai laman shanhte hkum kaning rai nga na lam sadi sahka hte shanhte hpe lam madun matsun ra na rai myit dai. Dai zawn n shadum ai rai yang, nanhte hte nanhte a nhpu nnau ni dai Madu a pawt sindawng ai n-gun hte wa hkrum kadup na rai myit dai. Rai ti mung nanhte gun hpai na lit hpe n hprai kau myit dai rai yang nanhte mara n kap na rai myit dai.

EZEKELA 42:13

Dai masha wa gaw ngai hpe, “Ndai nta lahkawng gaw chyoi pra nga ai. Madu a man de sit sa ai hkinjawng ni gaw chyoi pra htum ai hkungga lusha hpe dai shara ni hta sha ma ai. Dai gawk ni chyoi pra nga ai majaw, hkinjawng ni dai shara ni hta chyoi pra htum ai hkungga ni, shadung hkungga ni, mara raw shagu hkungga ni hte htingrai htingrat hkungga ni hpe tawn da na mara ai.

EZEKELA 44:24

Ndang kalang re ai amu pru wa ai shaloi, dai amu ni hpe nye a tara ni hte maren, hkinjawng ni jeyang daw dan na ma ai. Nawku htung hte seng ai poi ni hpe mung, nye a tara masa hte maren, shanhte shatup nna Bansa Nhtoi ni hpe shanhte shachyoi shapra na ma ai.

JAW JAU 9:22

Arun gaw dai shagu hkungga ni yawng nawng jau ngut jang, amyu masha ni hpang de shi a lata sharawt da let, shanhte hpe shaman ya ai hte yu wa wu ai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

TARA JAHPRANG 10:8

Dai Madu gaw dai bum hta Lewi amyu bawsang hta na lasha ni hpe Ga Shaka Sumpu hpai ai hta woi hpareng na matu mung, hkinjawng hku nna shi hpe daw jau amu gun hpai na matu mung, shi a mying ningsang gang nna shaman ya na matu mung lata san da wu ai. Ndai amu ni yawng gaw shanhte a magam lit ni hkrai rai nga malu ai.

TARA JAHPRANG 18:5

Dai Madu gaw na a amyu bawsang ni yawng hta na Lewi amyu bawsang ni htani htana hkinjawng amu gun hpai nhtawm shi hpe daw jau na matu lata san da nu ai.

TARA JAHPRANG 19:17

shan lahkawng gaw nawku ai shara langai de sha sa nhtawm rung e nga ai hkinjawng ni hte tara agyi ni a jeyang ai hkam la na rai ma ai.

TARA JAHPRANG 21:4

Shanhte gaw dai hpe nli galoi mung n gat hkai yu ai shara hte hka shi alwi nga ai shara makau de dun sa wa nhtawm dai yang e du abyen daw ya na rai ma ai.