TARA JAHPRANG 21:1 - Jinghpaw Common Language Bible 2009

¹ “Dai Madu nanhte a Karai Kasang nanhte hpe jaw nga ai mungdan na yi sun langai mi hta masha sat da ai hpe mu hkrup nna kadai sat kau da ai hpe n chye ai rai myit yang,

Jinghpaw Hanson Version Bible

¹ Na a Karai Kasang Yehowa nang hpe jaw ai mungdan hta shara ra mi kaw masha mang mu hkrup nna, kadai sat ai re ai n chye yang;

TARA JAHPRANG 21:1 ပူးပေါင်းရင်းမြစ်များ

NINGPAWT NINGHPANG 4:10

Dai hpang dai Madu gaw, “Nang hpa rai ndai hkrit hpa amu hpe galaw kau nu ni? Na a kanau a asai gaw matai htang ya na matu shaga ai nsen zawn aga kaw nna ngai hpang de jahtau nga ai.

SHAKAWN KUNGDAWN 5:6

Masu magaw ga tsun ai ni yawng hte hpe nang jahten kau ndai; kashun kashe hte hkalem hkalau chye ai ni hpe nang matsat nga ndai.

SHAKAWN KUNGDAWN 9:12

Karai Kasang gaw nni nkri hkrum sha ai ni hpe dum nga nna; shanhte a hpyi jahtau ai nsen hpe shi malap kau nga ai n rai, shi gaw shanhte hpe shut hpyit ai ni hpe, ari jaw nga ai.

GA SHAGAWP 28:17

Masha sat mara lu ai wa gaw shi a nsung hku hpe lawan lu ai daram lawan nna htu nga ai; shi hpe hkum jahkring nga et;

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

KASA 28:4

Zunlawng na buga masha ni Pawlu lata hta kawa noi nga ai lapu hpe mu ma yang, “Gaja wa nan, ndai masha wa gaw masha sat ai wa langai mi rai teng sam ai. Panglai hta n si n mat asak lawt lu ti mung teng man ai tara gaw shi hpe asak hkrung nga na ahkang n jaw da wu hka!,” nga nna shada da tsun shajang ma ai.

TARA JAHPRANG 19:10

Dai Madu nanhte hpe jaw ai mungdan hta mara n kap ai wa si ai n hkrum ai sha, masha sat ai mara nanhte hta n du malit ga, dai hku galaw nga mu.

TARA JAHPRANG 20:20

Kaga hpun ni hpe chyawm gaw nanhte mai kran kau nga ai; mare hpe gasat dang la lu ai aten du hkra, dai ni hpe kaduk kum ai hta akyu jashawn lang mu.

TARA JAHPRANG 21:2

nanhte a ningbaw ni hte tara agyi ni pru sa nhtawm, si mang taw ai shara kaw na grup yin mare shagu hpe shadawn na rai myit dai.

TARA JAHPRANG 3:18

“Dai aten hta ngai shanhte hpe hkan sa na ga matsun ni hpe jaw ya ni ai: “Dai Madu anhte a Karai Kasang gaw nanhte hpe dai Yawdan Hka sinpraw maga na lamu ga hpe madu la na matu jaw ya manit dai. Ya chyawm gaw hpyen rai lang nna gasat gala ai masha ni hpe kaga Israela amyu bawsang ni a shawng e Yawdan hka rap di shangun nhtawm lamu ga madu la lu hkra shanhte hpe karum na rai myit dai.