TARA JAHPRANG 20:8 - Jinghpaw Common Language Bible 2009

⁸ Dai du salang ni mung masha ni hpe, ‘Hkrit ai myit rawng nna myit htum mat ai masha ndai yang e kadai nga nga a ta?, nga ai rai yang, shi gaw nta de naw wa na rai wu ai. Shing n rai yang, kaga masha ni a myit masa hpe jahten kau ya na rai wu ai,’ ngu nna tsun mu ai.

Jinghpaw Hanson Version Bible

⁸ Bai hpyen du ni gaw, Hkrit ai myit rawng nna myit htum ai masha kadai lawm nga a ta? dai wa gaw nta de wa u ga; dai n rai yang, shi a majaw, manang ni mung myit htum mat na, tsang ra ai, ngu nna masha ni hpe naw tsun na rai mu ai.

TARA JAHPRANG 20:8 ပူးပေါင်းရင်းမြစ်များ

PRU MAT 15:15

Edom ningbaw ni hkrit tsang nga ma ai; Moba a chyalai n-gun rawng ai masha ni mung hkrit gari nga ma ai; Hkanan masha ni nden n ja mat manu ai.

GA SHAGAWP 24:10

Ru yak tsin-yam hkrum ai aten hta, nang gawng kya nga ai rai yang, nang gaw teng sha n-gun kya ai wa rai nga ndai.

BU HKAWM 13:31

Rai ti mung Hkaleb hte rau hkawm sa ai ni chyawm gaw, “N rai law, shanhte hpe htim gasat na anhte hta n-gun atsam n law nga ga ai; dai mungdan na masha ni gaw anhte hta grau n-gun ja ma ai,” ngu nna tsun ma ai.

BU HKAWM 32:9

Shanhte gaw Eshkola Kadit du hkra sa nna, dai mung hpe mada yu nhtawm bai nhtang wa yang, dai Madu shanhte hpe mada yu nhtawm bai nhtang wa yang, dai Madu shanhte hpe jaw ya ai mung de shang sa wa na kaw na amyu masha ni hpe shanhte myit shadaw ya yu manu ai.

LUKA 9:62

Yesu gaw, “Na htai jum nna hpang de kayin yu ai wa kadai mung, Karai Kasang a Mungdan hte n ging dan nga ai,” ngu nna shi hpe tsun wu ai.

1 KORINHTU 15:33

Nanhte lam hkum dam myit, “N kaja ai kanawn manang ni gaw kaja ai arawn alai hpe jahten ma ai.”

TARA JAHPRANG 1:28

Anhte dai de hpa majaw lung wa na rai nga ga ta? Anhte hkrit ga ai. Anhte shangun dat ai masha ni mung dai mung na masha ni anhte hta grau n-gun ja ai hte hkum shingyan mung tsaw ma ai; shanhte gaw lamu dep bunghku hte kum da ai mare ni hta rawng nga ma ai. Shanhte gaw dai mung na grai galu kaba ai masha ni hpe mu ma ai!,’ nga nna tsun dan let shada da aput myit dai.

TARA JAHPRANG 20:9

Dai du salang ni hpyen luksuk hpe ga tsun ngut jang, masha hpung shagu hpe woi awn na matu ningbaw ni hpe lata san da na rai ma ai.

TARA JAHPRANG 23:9

Nanhte gaw majan aten, dap kata e rawng nga myit dai shaloi, nanhte hpe n san n seng shangun ai lam magup hpe koi gam lu na rai myit dai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 3:16

Rai ti mung, ya gaw nang kahtet ai mung n rai, katsi ai mung n rai, lum nai rai nga ndai majaw, nye a n gup hta na ngai nang hpe nhpat kau magang sade ai!

TARA AGYI 7:3

Dai rai nna amyu masha ni hpe, ‘Hkrit ai ni kadai mung nta de nhtang mat wa mu; anhte chyawm gaw ndai yang na Gilead bum e nga nga na ga ai,’” ngu nna tsun ndau u, ngu wu ai. Dai shaloi, mun lahkawng hkying lahkawng nhtang mat wa tim, mun mi naw ngam nga ai.