TARA JAHPRANG 20:6 - Jinghpaw Common Language Bible 2009

⁶ Sabyi sun hkai ti mung asi di la na ahkang garai n lu ai kadai wa ndai yang e nga nga a ta?, nga ai rai yang, nta de shi naw wa na rai wu ai. Shing n rai shi gaw majan pa e sat kau hkrum jang, marai langai ngai e shi a sabyi ntsin hpe kabu gara lu kau na ra ai.

Jinghpaw Hanson Version Bible

⁶ Tsabyi sun hkai nna asi garai n di sha lu ai, kadai lawm nga a ta? dai wa gaw nta de naw wa u ga; dai n rai, majan e si dam yang, masha wa e dai si hpe sha kau na, tsang ra ai.

TARA JAHPRANG 20:6 ပူးပေါင်းရင်းမြစ်များ

YEREMIA 31:5

Nanhte gaw Samari bum ntsa hkan e, sabyi sun ni kalang mi bai hkai lu nna sabyi sun galaw ai ni gaw sabyi sun kaw nna pru ai asi ni hpe sha lu na marin dai.

ZEHPANI 1:13

Shanhte a sut gan lanep tai mat nna dum nta ni jahten kau ai hkrum na mara ai. Shanhte galaw da ai dum nta ni hta shanhte galoi mung rawng lu na mara ai n rai, sabyi sun hkai sharing da ti mung sabyi ntsin lu lu na mara ai n rai.”

1 KORINHTU 9:7

Kadai hpyen la wa mi tinang a jarik hte majan amu gun a ta? Kadai sun galaw sha ai wa, tinang a sun kaw na sabyi si n di sha ai nga ga a ni? Kadai sagu rem ai wa tinang a sagu kaw na chyu n shup lu ai nga ga a ni?

TARA JAHPRANG 20:5

“Shaloi du salang ni mung masha ni hpe, ‘Nta gap ti mung dingshawn garai n shang ai ndai yang e kadai nga nga a ta?, nga ai rai yang, shi gaw nta de wa na rai wu ai. Dai n rai, majan pa e shi sat kau ai hkrum yang, marai langai ngai shi a nta hpe dingshawn shang na rai wu ai.

TARA JAHPRANG 20:7

Hkungran na matu numsha hpe mahtan da ai wa ndai yang e kadai nga nga a ta?, nga ai rai yang, shi gaw nta de naw wa na rai wu ai. Shing n rai majan pa e shi sat kau ai hkrum jang, shi mahtan da ai numsha hpe marai langai ngai e hkungran la na rai wu ai,’ ngu nna tsun na rai ma ai.