TARA JAHPRANG 20:5 - Jinghpaw Common Language Bible 2009

⁵ “Shaloi du salang ni mung masha ni hpe, ‘Nta gap ti mung dingshawn garai n shang ai ndai yang e kadai nga nga a ta?, nga ai rai yang, shi gaw nta de wa na rai wu ai. Dai n rai, majan pa e shi sat kau ai hkrum yang, marai langai ngai shi a nta hpe dingshawn shang na rai wu ai.

Jinghpaw Hanson Version Bible

⁵ Bai hpyen du ni mung masha ni hpe, “Nta gap nna dingshawn garai n shang ai, kadai lawm nga a ta? dai wa gaw nta de wa u ga; dai n rai, majan e si dam yang, masha wa e shang la kau na, tsang ra ai.

TARA JAHPRANG 20:5 ပူးပေါင်းရင်းမြစ်များ

NEHEMIA 12:27

Yerusalem mare bunghku ap nawng ya ai shaloi, Lewi masha ni nga nga ai shara kaw nna shanhte hpe jashawn la ma ai shaloi shanhte gaw ap nawng ya ai poi hta chyeju dum ai mahkawn mangoi ni hte rau, shup sheng, tingse ni dum let shang lawm lu ma ai.

SHAKAWN KUNGDAWN 30:1

Madu e, nang ngai hpe hkye hkrang la nit dai, nye a gumlau hpyen ni ngai hpe dang kau ai kaw na, nang ngai hpe makawp maga la nit dai majaw, ngai nang hpe shakawn nngai.

BU HKAWM 31:14

Mawshe chyawm gaw majan pa kaw na nhtang wa ai du salang ni, dap up hkang du ni hte dap ran up hkang du ni hpe hkap pawt wu ai.

BU HKAWM 31:48

Dai hpang hpyen luksuk up hkang ai du salang ni, Mawshe kaw sa nhtawm,

TARA JAHPRANG 1:15

Dai rai nna nanhte a amyu bawsang ni kaw na lata da sai dai hpaji byeng-ya rawng nna mahkrum madup nga ai ningbaw ni hpe ngai woi la nhtawm nanhte hpe hpareng na shanhte hpe ngai dang da ya mase ai. Dai re ai majaw masha nkau mi gaw masha hkying mi, nkau mi masha latsa, nkau mi manga shi, nkau mi masha shi di nna up hkang na lit lu nga ma ai. Ngai gaw kaga du salang ni hpe mung amyu bawsang hku hkan nna san tawn da ni ai.

TARA JAHPRANG 16:18

“Dai Madu nanhte a Karai Kasang nanhte hpe jaw ai mare shagu hta tara agyi ni hte kaga du salang ni hpe san tawn na rai myit dai. Dai masha ni gaw amyu masha ni hpe myi man n lata ai sha, tara jeyang na rai ma ai.

TARA JAHPRANG 20:6

Sabyi sun hkai ti mung asi di la na ahkang garai n lu ai kadai wa ndai yang e nga nga a ta?, nga ai rai yang, nta de shi naw wa na rai wu ai. Shing n rai shi gaw majan pa e sat kau hkrum jang, marai langai ngai e shi a sabyi ntsin hpe kabu gara lu kau na ra ai.

1 SAMUELA 17:18

Ndai ngachyu shage tawng shi hpe mung shanhte a hpyen du wa a matu la sa ya u. Na a nhpu ni kaning rai nga nga ma ai hpe sa yu nhtawm shanhte ni kaja ai, n kaja ai hpe mung mada yu let shanhte kaw na kumla lama mi sha gaw la wa rit,” ngu nna tsun wu ai.